Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K. Rowlingen izena gogoratzea. Apirilaren 16an bere sare sozialetan ospatu zuen Harry Potter sagarekin irabazitako dirutzarekin babestutako kanpainaren garaipena: Erresuma Batuko feminista transgorrotatzaileen helegite baten ondorioz, Auzitegi Gorenak ebatsi du emakume transak genero berdintasun legeetatik baztertzea. Rowlingek purua eta whiskia eskuan, yate batean posatzen ospatu zuen bere garaipena sare sozialetan.
Bi hilabete lehenago zabaldu zuen Donald Trumpen argazki bat: emakume eta neskatila normatiboez inguratuta ospatu zuen emakume transak kirol profesionaletik baztertzeko egitasmoa. Pasa den udan, Melonik eta Mileik hedatu zuten Imane Khelif boxeolaria transexuala denaren buloa.
Ez da botere ultraeskuindarrek feminismoaren korronte erreakzionario batekin bat egiten duten lehen aldia. Ronald Reaganen garaian ere, Estatu Batuetako feminista abolizionistek gobernu eskuindarrarekin aliatu ziren prostituzioaren eta pornografiaren kontra egiteko. Bidean, isilarazi zituzten sexu langileen aldeko feministak. Biziki gomendatzen dizuet Gayle Rubin irakurtzea, bera izan zen hain zuzen ere erasoaldi horretan “kantzelatua” izan zen pentsalari feministetariko bat, LGTBIQA+ eta BDSM komunitateetakoa, portzierto.
Ez da fenomeno berria, ez, ultraeskuinak eta eraldatzailea izan nahi duen mugimendu sozial baten barruko elite baten artean mamu bera elikatzea. Egun, konbentzitu nahi gaituzte Millerey bezalako lagunak direla gure eskubideen etsaiak, eta ez Trump bera bezalako gizon erasotzaile zigorgabeak edo Rowling bezalako emakume pribilegiatu ankerrak.
Ez diezaiogun euskal oasiaren iruzurrari eutsi. Zenbait euskal hedabidetan espazioak dituzte euskal feminista transgorrotatzaileek, hedabide digital euskaldunetan eta irrati libreetan barne, eztabaida konplexua delakoan.
Ez da hain konplexua. Argi daukagu sionismoa dela gaur egungo nazismoa. Bada, ez ahaztu naziek, judu, komunista eta ijitoez gain, LGTBIQA+ komunitatea zutela jomugan. Rowling eta Millereyren artean erraza izan behar luke argi izatea nor den zapaltzailea eta nor zapaldua.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
“Gabezia guztiekin ere, sindikatuek gizateriaren alde inoiz egon den beste edozein giza erakundek baino gehiago egin dute. Duintasunari, zintzotasunari, hezkuntzari, ongizate kolektiboari eta giza garapenari beste edozein pertsona-elkartek baino gehiago lagundu... [+]
Automatizazioaren eta abereen inguruan kuxkuxeatzen ari nintzela, ukuilu automatizatuen informazioa hasi naiz eskuratzen. Nire idazmahaiaren erosotasunetik idazten, gizakion kontsumorako modu masiboan esplotatzen ditugun abereen bizitzak nahiko penagarriak direla iruditzen zait,... [+]
Posible da, nonbait, zoriontasuna neurtzea. Are, bada horretan tematzen denik. NBEk ez du arrakasta handirik munduko bakeari eusten, baina halako tasuna planetan zehar nola dagoen banatua erakusten du urtero, txosten batean. Funtsean zerrenda bat da, herrialdez herrialde, zein... [+]
Duela urtebete eskas Espainiako aireportuen sarea kudeatzen duen AENA enpresa publikoak iragarri zuen Loiuko aireportuko terminala handitu nahi duela. 2024an 7 milioi bidaiariren langatik gertu gelditu zen eta, handitzeak aurrera eginez gero, 2030. urtetik aurrera 13-14 milioi... [+]
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Europa berrarmatu. Europa defendatzeko berrindustrializatu. Hori da azkenaldian Europar Batasuneko agintari politikoek sustatu nahi duten agenda, Europako defentsari buruzko Liburu Zuria, Europa BirArmatu eta 2030 Prestasuna planen bidez. Militarismoa sustatzeko aitzakiak dira... [+]
Maiatzaren 11n, igandea, Errekalde plazan (Bilbo) hitzordua dugu euskal hiri eta herrietan bizi diren pertsona guztiek errolda izan dezaten aldarrikatzeko korrikan. Ekintza hori gure udalerrietan bizi den inor erroldarik gabe ez egotea bultzatzen duen kanpaina zabal baten... [+]
Harriduraz irakurri dugu prentsan Aritz Otxandianori etxean bertan bengalekin egindako erasoaren albistea. Berak sare sozialetan eman zuen gertatutakoaren berri. Bai bera, bai bere adierazpenak jasotzen dituzten hedabideak ahalegindu dira eraso hori makro-berriztagarriei buruzko... [+]
Ez da lehenengo aldia, aditua izan ei naiz kontraesanetan. Oreka, baietzaren eta ezetzaren arteko muga non marraz daitekeen bilatzen. Analisi topografikoa, neurriz neurri morala triangelatzen. Tatuaje erraldoia bekokian: Bai, baina… Erabaki batera iristeko, inoiz nire... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]