Aberri Aukera
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera egina, gainera.
Egia da txalogarria dela azken bost urteotan Aberri Egun bateratua lortzeko lanetan ari den herri ekimena. Baina ez du gauza handirik lortu, bistan denez. Alderdi eta talde bakoitzak berera deitzen du, toki desberdinetan, Aberri Eguna izena bera bai, baina beste ezer ez. Ez aldarriaren mamia, ez data bera ere ez dituzte adosten.
Aurten, esate baterako, data historiko ofiziala Pazko igandea izan arren, apirilaren 20a, deialdietarako datak multiplikatu egin dituzte. Goiztiarrek apirilaren 4rako deitu dute Aberri Egun propioa Itsasun, “Euskal Estatu Sozialista” eraikitzera; ondorengoek, apirilaren 11rako Donostian “herri gisa elkartzeko”; apirilaren 20rako, Pazko igandez, ugaldu dira deialdiak, eta Gernikara edo Garazira, Bilbora zein Iruñera konbokatu dituzte herritar abertzaleak. Kasu bakoitzean deitzaileak zein edukiak arras desberdinak dira.
Egun bakarrerako entsalada ozpindua bihurtu zaigu askori Aberri Eguna. Ez da hori behar eta nahi duguna. Benetako Aberri Aukera behar dugu, ordea. Euskal Herria nazio batu, burujabe, euskaldun, justu eta librea lortzeko aukera erreala behar dugu. Euskal Herria estatu independentea, Europaren eta mundu osoaren aurrean. Horixe da, hain zuzen ere, alderdi zein talde abertzaleei eskatzen dieguna: bide argi, bateratu eta koherentea ados dezatela, bakoitzaren programa eta alderdi-interesen gainetik, Euskal Herria nazio demokratiko independente gisa antolatu ahal izateko.
Egun bakarrerako entsalada ozpindua bihurtu zaigu askori Aberri Eguna. Ez da hori behar eta nahi duguna. Benetako Aberri Aukera behar dugu
Baina gure nahigabea eta harridura pizten dituzte sarritan alderdi eta talde abertzaleek. Ikus, bestela, nola birsortu duten Ipar Euskal Herrian Batera izeneko plataforma eta, ezagupen instituzionala sustatzeko, zer eta… Lyongo metropolia proposatzen diguten inspirazio iturri! Ildo beretik, EH Bilduko buruzagiek konstituzio espainiarraren barruko estatu konfederala edota itun federala proposatzen dute, PSOEren gobernuekin aliantzak elikatzen dituzten bitartean. Edota EAJn, hor dugu zuzendaritza “berritua” hartu duen Aitor Esteban bera. Madrileko kongresuan egin dioten agur beroaz hunkituta, “arduratsuak izan eta gobernu espainiarraren aurrekontuak onartzera” deitu gaitu euskaldunok, bertoko estatus berriaren esperantzak, aldiz, urruntzen dituen bitartean.
Hortik ezin ekarri Aberri Aukerarik. Ez dugu propagandarako eta zuriketarako Aberri Egun gehiagorik behar. Eskatzen duguna oso bestelako bidea da, euskara ardatz hartuta, Euskal Herri osoak bat egin eta naziogintza adostua garatzea. Bide horretan koherentzian jokatzen duten ordezkari, politikari, alderdi eta talde abertzaleak behar ditugu.
Euskal Herriaren historia moderno eta garaikidean begiratzen badugu, aurkituko dugu eredu baliagarririk. Lehen Aberri Eguna 1932. urtean deitutako ekitaldi bakarra izan zen, Bilboko Kale Nagusian, Sabin Aranaren etxe atariraino, eta 60.000 herritar inguruko jendetza bildu zuen. Aurten, deialdiak, aldarriak eta herritarrak sakabanatu egingo dira. Baina Aberri Aukera zabaltzeko beste adibide baikorrak baditugu gure historia garaikidean, eta horietan Lizarra Garaziko Hitzarmena dugu eredu, 1998ko iraila-urrian 23 euskal alderdi, sindikatu eta talderen artean lortu genuen bide-orri bikaina.
Aberri Aukera egunera ekarri behar dugu, eta askatasunerako bideak zabaldu Euskal Herrian.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]