Ez ei dakite zergatik
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak hitzartutakoa bete ez duelako.
Zehatzago esanda, hezkuntza publikorako hitzarturikoa ez du bete sailak. Joandako urte biotan ez bide dute guztiona denarentzat astirik izan.
Astia izan dute, baina, sare publikoari kalte egiten dion matrikulazio-dekretua idatzi eta onartzeko. Steilasi eta EHIGEri esker justiziak dekretua atzera bota duenean, astia izan dute beste dokumentu bat iragartzeko, matrikulazioan eskola publikoari kalte egiten jarraitzeko. Astia izan dute, eskola pribatuetako kontzertazioa gelako hamahiru ikaslera jaisteko ume gutxiago jaiotzen delako eta, aldi berean, ikastetxe publikoen derrigorrezko fusioak agintzeko… ume gutxiago jaiotzen delako. Astia izan dute, pribatuko irakasleen soldata publikoaren pare edo hortik gora ipintzeko; hau da, diru publikoarekin berdin ordaintzeko irizpide garden eta kontrolpekoekin kontrataturiko langile publikoak eta irizpide ideologiko eta kontrol bakoekin kontrataturiko eskola pribatuetako langileak. Astia izan dute, azkenik, Hezkuntza Lege bat aprobatzeko, zeinean parean jartzen diren sare pribatu kuotakoa eta sare publikoa, nahiz eta LOMLOEk sare publikoa sustatzera behartzen dituen herri-agintariak: 109. artikuluko hirugarren puntuak "plaza publiko nahikoa ziurtatzera" behartzen ditu, eta 5. puntuak titulartasun publikoko ikastetxe-sarean plaza-hazkunde progresiboa" egitera.
Grebara goaz, Hezkuntza Saila sare publikoa baztertzen ari delako, berau den arren gizarte-kohesioaren, laikotasunaren eta euskalduntzearen bermea
Baina Hezkuntza Sailak ez ei daki zergatik joan garen grebara. Azaldu egin beharko diogu, bada, horixe delako irakasleok ondoen egiten dakiguna: galdetzen digutenean, xehe azaldu.
Grebara goaz, saila sare publikoa baztertzen ari delako, berau den arren gizarte-kohesioaren, laikotasunaren eta euskalduntzearen bermea. Grebara, ordezkaritza sindikalarekin zintzo negoziatzeko asmorik ez duelako: eseri behingoz, zehaztu eztabaidaren edukia eta egutegia, hitzartu eskola publikoa eta bere langileak errespetatuko dituen ituna, eta jendaurrean iragarri akordioa betetzeko egutegia.
Grebara, horretarako arrazoiak ulertzen ez zituela esan zigun une berean, sailak argi utzi zigulako negoziazio-mahaira eroan egin beharko dugula.
Greba egin genuen urtarrilean, sailari hilabete emateko, otsailaren 26ra arte, benetan laga gaitzan grebarako arrazoi barik.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Kointzidentzia harrigarriak daude bizitzan. Izan ere, zenbat ikusle elkartu litezke Arriaga antzokian? Zenbat komun ote daude solairu bakoitzean? Zein probabilitate dago Gipuzkoako emakume bik sartu-irtenean leku eta istant berean kointziditzeko, 35 urtean elkar ikusi barik egon... [+]
Transfeminismoak argia eta konplexutasuna ekarri ditu gorputz, genero eta desirei buruzko eztabaidetara. Hala ere, itzalak ere sortu ditu. Ustezko koherentzia politiko erradikal baten izenean –askotan hegemonia oso zehatz bati lotua–, diskurtso transfeminista batzuek... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]