Al-Jazeera telebistaren Zisjordaniako egoitza itxi du Palestinako Aginte Nazionalak
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen gainetik" kazetaritza lanean segituko duela.
Urtarrilaren 1ean jakin da Qatarko telebista kateak Zisjordanian duen egoitzaren ixteko eta kazetarien lana izozteko erabakia. Qatarko telebistak "sedizioa bultzatzen duelako" eman du adierazpen askatasunaren kontra doan urratsa Palestinako Autoritateak. Bere irudiko, "gatazka elikatzen duten material eta txostenak" zabaltzen dituen komunikabidea da.
Palestinako Barne, Kultura eta Komunikazio ministerioek osatutako batzordeak hartu du erabakia. Jeningo errefuxiatu kanpamentuan Palestinako segurtasun indarren eta bertako erresistentzia taldeen artean izandako liskarren berri eman ondoren etorri da zentsura.
"Lurralde okupatuetan bideratzen diren gertakarien berri ematea deuseztatzeko saiakera soiltzat daukagu Zisjordaniako Al-Jazeeraren aktibitateak eta kazetaritza-lanak izozteko erabakia". Horrela erantzun dio Al-Jazeerak Palestinako Aginte Nazionalari. Palestinako Aginte Nazionala Israelgo Gobernuarekin lerrokatu izana deitoratu du komunikabideak. Dena dela, "egia gordetzeko saiakerei" aurre egin eta "mehatxuen eta intimidazioen gainetik pasaz" kazetaritza bideratzen segituko dutela adierazi dute Al-Jazeerako kazetariek. Israelen ere dute debekaturik Al-Jazeera, maiatzaz geroztik.
Zisjordania okupatuan bideratu gehiegikeri eta indarkeria kasuak plazaratzeaz gain, Gazakoen berri ere ematen ari da Al-Jazeera, bertan kazetariak dituen hedabide bakanetakoa delako. 2023ko urriaren 7az geroztik Al-Jazeerako bost kazetari hil ditu Israelek Gazan –guztira 145 kazetari ditu hil–. Telebistaren egoitza ixteko urratsa "legez kanpokotzat eta justifikatu gabekotzat" jo du Hamas erakundeak ere.
Palestinako Estatistika Bulegoaren datua: Gazako biztanleria %6 apaldu da
Palestinako Estatistika Bulegoak plazaratu datu kezkagarriarekin etorri zaigu 2025 urtea: 160.000 palestinar gutiago ditu Gaza lurraldeak. 55.000 hil ditu Israelek, eta beste 100.000 inguru erbesteratu dira 2023ko urriaren 7az geroztik. Ofizialki 45.000 dira hilda, eta beste 11.000 desagerturik. Hori horrela, Gazako biztanleria %6az apaldu da 2023ko urriaren 7az geroztik.
2,1 milioi palestinar dira bertan bizi, eta horietan %47ak hemezortzi urte baino gutiago ditu. Sortzekoak diren 60.000 umeen geroa ere da zalantzan, bertako ospitaleak suntsiturik dituelako Israelek.
Gazan bizirauten dutenek goseari aurre egin beharra dutela oroitarazten du Palestinako Estatistika Bulegoak: "Elikatzeko segurtasun-gabezia gogorrean" da herritarren %22 –kasik biztanleriaren laurdena, eta horietan 3.500 haur dira gosez hiltzeko arrisku handian–. Bertan guztia suntsitua izateaz gain, laguntza humanitarioaren sarrera oztopatzen dabil estatu sionista. Elikadura banaketen %83 du desagerrarazten Israelek –%34 zuen desagerrarazten 2023an–, Care gobernuz kanpoko erakundearen arabera. Artarako sendagaien, odolaren eta materialen bidalketak ere ditu ia sistematikoki oztopatzen Israelek.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]