EHUko errektoreordeak kontu anonimo bat erabiltzen zuen beste hautagaitza taldea iraintzeko
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari, Joxerramon Bengoetxea buru duenari.
Informatikako ikasle batek pasatu zion informazioa Joxerramon Bengoetxea EHUko errektoretzarako hautagaiaren taldeari. "Erraza" izan da datuen berrestea, Bengoetxeak berak jakinarazi duenez, antza, Guillermo Quindos beraren telefono pertsonala eta helbide elektronikoa zeudelako kontuari atxikita. Bengoetxeak eskerrak eman dizkio informatikako ikasle horri, eta "balorean" jarri du "EHUn dugun talentua". Talentutsua ez da izan, beraz, EHUren errektoreorde eta Eva Ferreiraren hautagaitza zerrenda berrian orain arte zegoen Quindosen jardunbide ezkutua.
Sare sozial batean troll kontua sortua zuen Quindosek, faltsua eta anonimoa, Bengoetxea eta haren taldea iraintzeko eta difamatzeko helburuz. Besteak beste, Bengoetxearen taldeko zenbait norbanako "komunismoari" lotzen zituen, pentsamendu hori kritikatu eta horri loturiko ustezko atxikipen-politikoak seinalatzen zituen, eskuin muturrak mundu mailan sarean egin ohi duen gisan. Horixe egiten aritu da Zientzia eta Gizarte Garapenerako eta Transferentziaren arloko errektoreordea, Mikrobiologian katedraduna ere badena.
Dimisioa, berehala; baina ez isilik
Joxerramon Bengoetxeak berak egin du jakinarazpena, salaketa, EHUren klaustroak astelehen goizean egin duen ezohiko bileran. Hautagaiek euren programa eta taldea aurkezteko unea zuten, joan den ostiralean hasi baitzen, ofizialki, Euskal Herriko Unibertsitateko errektoretzarako hauteskunde kanpaina –azaroaren 26an egingo dira hauteskundeak–. Bada, hautagaitza-taldeak erakusteko modurik argiena horixe izan da, bistan denez.
Bengoetxeak hori esan duenean, Eva Ferreira egungo errektore eta beste hautagaiak bere taldea batzartu du eta exijitu egin dio dimisioa Quindosi. Halaxe egin du segituan. Dena dela, eta oraingoan aurpegia emanda izan bada ere, ez da isilik geratu eta ez zaio aurpegia falta izan: mezuak "testuinguru pertsonal" batean zabaldu zituela esan du, "irismen murritzarekin", beste hautagaitza-taldearen irudian "eragiteko asmorik gabe". Hori esanda, "barkamena" eskatu du gero.
Bengoetxeak, sareetan, aurrerantzean "kanpaina garbia" izan dadin eskatu du, "joko zikina" izan baita orain artekoa. Eta, horrez gain, elkartasuna adierazi dio Ferreiraren taldeari, momentuok "desatseginak" izango direlakoan.
Bengoetxea, kanpainaz "kezkatuta"
Salaketa egitearekin batera, Bengoetxeak esan du "kezkatuta" dagoela Ferreiraren taldeak kanpaina egiteko darabilen moduarekin. Izan ere, kexak egin ditu beste hainbat alorretan: esaterako, hautagaien arteko eztabaida foroari dagokionean. EITBk proposatu du telebistan eztabaida saioak antolatzea, baina Ferreirak esan du soilik Radio Euskadin hartuko duela parte, gaztelera hutsean. Zuzeu.eus-en eman du horren berri Irati Agirreazkuenaga EHUko irakasleak eta Multimedia Komunikazioaren Masterreko zuzendariak, zeina Bengoetxearen taldean dagoen.
Horrez gain, Ikasle Kontseiluari ere "zailtasunak" ipini dizkiote eztabaida antolatzeko. Azkenean, baina, egingo da. Hala ere, Bengoetxearen taldearentzat "ulergaitza" da ikasleen parte-hartzeari horrelako oztopoak ipintzea, besteak beste, aintzat hartuta aurreko hauteskundeetan ikasleen %2ak soilik hartu zuela parte.
Gorroto mezuak EHUko karguetan
Hilabete eskas pasatu da gorroto mezuak, diskriminatzaileak eta matxistak zabaltzen zituen EHUko Zuzenbide fakultateko irakasle haren aurkako protesta oldea gertatu zenetik. Alvaro Sánchez Hernández eskolak ematera joan zen irailaren 27ko goizean, eta hainbat ikaslek protesta egin zuten, ez zutelako nahi sarean mezu faxistak zabaltzen zituen irakasle horrek klaseak ematea. Azkenean, irakaslea unibertsitateko segurtasun indarrek babestuta atera zen fakultatetik.
Leioatik! unibertsitateko ikasleen hedabideak jakinarazi zuen ideia faxistak sareen bidez zabaltzen zituen irakasle bat eskolak ematen ari zela Leioako Zuzenbide Fakultatean. Irakasleak Falange Española de las JONS eta mezu faxistak zabaltzen dituen Santiago Armesillaren argitalpenak hedatu zituen, baita mezu matxistak, homofoboak eta Francoren aldekoak ere. EHUk kaleratu egin zuen azkenean.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Euskal Herriko Unibertsitateak jakinarazi duenez, gutxienez astebetez ez du eskolarik emango Zuzenbide Fakultateko irakasleak. Astelehen goizean Leioako campuseko ehunka ikaslek sare sozialetan frankismoa goraipatzea eta mezu xenofobo, matxista eta homofoboak hedatu izana salatu... [+]
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]