Balorazio positiboa
Wallapop aplikazioaren bidez bozgorailu kaxkar batzuk saldu nituen uda aurretik. Agian produktuaren deskribapena pixka bat puztuta zegoen, egia da. Erosleak hiru izar jarri zizkidan bostetik. Argi dago, ez nuen gehiagorik merezi.
Hurrengo astean, Irundik Bilbora eraman nuen autoan nire adin bueltako gizon bat, Blablacar webgunea erabilita. Bidaideak ez zuen zeken jokatu niri nota jartzeko orduan, eta bost puntu eman zizkidan, nota gorena. Iruzkin adeitsu bat idatzi ere egin zuen. Ez nuen gutxiagorik espero; bidaia bikain joan zen, hitz eta pitz, garaiz iritsi ginen adostutako lekura, ez zuen kexarik adierazi hankentzako espazio-muga bistakoengatik, eta nik ere malgu jokatu nuen helmugako puntuarekin.
Iazko irakasgai bateko ikasleen balorazio-inkesta iritsi zitzaidan ikasturtea hastearekin batera: 3,6/5. Ondo dago, edo ez dago gaizki, baina kopeta zimurtu egin zait nahi gabe. Iruditu zitzaidan ondo konektatu genuela, oso gustura egon zirela nirekin, eta inkestetan ez da hori nik espero bezala islatu. Zer egingo zaio…
Poz txiki bat ere eman ohi didate balorazio positiboek, eta pittin bat goibeldu edo apaldu, aldartearen arabera, negatiboek. Baina zer balio dute benetan?
Ez dut horretarako ohitura handirik, baina pasa den astean argazki bat jarri nuen seme-alabekin zaharrunoon sare sozialean, eta 38 "datsegit" lortu nituen. Eta iruzkin atsegin batzuk ere bai, bospasei, gehienak senitartekoenak. Txikien intimitatearen gaineko zalantza batzuk sortu zitzaizkidan, baina nahiko kontent geratu nintzen emaitzarekin.
Poz txiki bat ere eman ohi didate balorazio positiboek, eta pittin bat goibeldu edo apaldu, aldartearen arabera, negatiboek. Baina zer balio dute benetan? Eta horiek ez badute asko balio, zerk balio du benetan? Nire kasuan, ez gauza bakar batek, noski, baina badut adibide bat. Antzeko bi eskaintza jaso ditut oso denbora gutxian, eta ez nolanahiko eskaintzak, bi familiaren eskutik: etxe handi bat erosi, bitan zatitu eta familia bakoitza parte batean geratzeko eskaintzak.
Gauza asko esaten dizkit halako proposamen batek, edo nik honela itzultzen ditut, nire komenientziara: “Nire bizitzaren parte izan zaitezen nahi dut”, edo “bizi-proiektu bat eraiki nahi dut zurekin batera”, edo, zergatik ez, “arriskua hartzea merezi du zurekin baldin bada”, edo antzekoa izan daitekeen “fidatzen naiz zutaz”. Urrunegi joan naiz? Agian bai. Eta tira, hala izanda ere, horiek ere ez didate balio bizitza osoan laino batean bizi nadin, baina poz poxi bat sortzen dute nigan, eta zerbait gehiago ere bai, erdi ezezagun batek ematen dizkidan like, izar, puntu eta abarren aldean.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Mendebaldeko herrialdeetako demokrazia liberalak demokrazia minimalista baten itxura gero eta handiagoa du. Definizioaren muina litzateke hauteskunde bidezko gobernu aldaketak errespetatzen direla. Horren aldaera autoritarioari Levitsky eta Way politologoek autoritarismo... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Euskadi irratian baineraren ordez dutxa jartzeko iragarkiak etxeko komunean obrak ya hastera animatzen duen kuña hori. Obra erraza, inbestitze txikia eta aldaketa handia iragartzen da. Komunetako sanitarioen joerak aldatu dira eta ahoz aho zabaldu da zeinen eroso eta... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]