Ez da gerra onik
Soka-tira
Testua: Ilan Brenman
Ilustrazioak: Guilherme Karsten
Itzulpena: Ipar Alkain
Denonartean, 2024
-------------------------------------------------
Album honen bukaeran bada Benjamin Franklinen aipu bat: “Sekula ez da izan gerra onik, ezta bake txarrik ere”. Eta, hain zuzen, gerraren zentzugabekeriaz ari zaigu bi egile brasildarrek eginiko liburu hau; gai serioa da, baina umore tonuan kontatua.
Azalak eta kontrazalak irudi bat osatzen dute, bi txakur saltxitxa korda batetik tiraka. Azalean txakur handia dugu, amorruz tiraka; kontrazalean, aldiz, txiki marroi bat haserre indar egiten. Eta saltxitxa korda hori dugu istorio honetako elementu garrantzitsuenetariko bat. Kredituen orrian eta izenburua agertzen den orrien artean kokatuta ikusiko dugu lehen aldiz, bi orrien artean, orrien mugak kordaren erdia markatzen duela. Ondorengo orrietan bi txakurrak ikusiko ditugu, bakoitza orrien alde banatik hurbiltzen, ondoren saltxitxa kordari heltzen, tiraka, gero txakurren jabeak hauei laguntzen tira egiten, pertsona batzuk gehituko zaizkie bi jabe horiei… harik eta saltxitxa kordaren alde bakoitzean jende multzo bana tiraka egon arte.
Bi txakurren arteko eztabaida izan dena pertsona askoren arteko enfrentamendua bilakatuta ikusiko dugu. Eta eztabaida, “gerra da hau”, une gorenean dagoenean katu bat agertzen da, eta txakurrak haren atzetik irtengo dira korda askatuta eta pertsona guztiak airean bueltaka doazela.
Amaierak umore kutsua du, bi txakurrak elkarrekin jolasten eta pertsonak eztabaidaren zergatiaz galdezka. Baina umore hori amaieran egoteaz gain, orriz-orri ere handitzen doa; irudietan gehitzen ikusi ahal izango ditugu ezagunak zaizkigun pertsonaiak; era askotakoak (hiru txerrikoak, Peter Pan, Aita Santua, Edurnezuri… baina baita Maradona eta Pelé futbolariak, astronauta bat, urpekari bat, eta abar), gertakari eta istorio askori erreferentzia egiten dietenak eta nahiko xelebre agertzen zaizkigunak istorio honetan.
Ilan Brenman ezagutzen genuen Printzesek ere puzker egiten dute (Algar, 2017) albumagatik eta Guilherme Karsten, aldiz, Auto-stopean (Pamiela, 2021) edo Munstroa al zara? (Ibaizabal, 2022) lanengatik, besteak beste; orain, aldiz, oso lan polita, dibertigarria eta, aldi berean, kontu serioez ari zaigun obra umoretsua eskaini digute elkarrekin.
Guardasol gorria
Lutxo Egia
Susa, 2024
Asfaltoaren azpian, lorea
Testua: Mónica Rodríguez
Ilustrazioak: Rocío Araya
Itzulpena: Itziar Ultzurrun
A fin de cuentos, 2025
Odolaren matxinadak. Gorputza, politika eta afektuak
Miren Guilló
EHU, 2024
Miren Guilló antropologoaren saiakera berria argitaratu du EHUk. Odolaren matxinada da izenburu... [+]
Zero. Transhumanismoa ate-joka erdi aro berrian
Aitor Zuberogoitia
Jakin, 2024
-----------------------------------------------------------
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia... [+]
Ihes plana
Agustín Ferrer Casas
Itzulpena: Miel A. Elustondo
Harriet, 2024
---------------------------------------------------------
1936ko azaroaren 16an Kondor legioko hegazkinek Madrilgo zenbait museori egin zieten eraso. Eta horixe bera da liburu honetara... [+]
Etxe bat norberarena
Yolanda Arrieta
Alberdania, 2024
Gogotsu heldu diot irakurketari. Yolanda Arrietaren obra aski ezaguna zait eta iragan maiatzean argitaratu zuen proposamen honetan murgiltzeko tartea izan dut,... [+]
Rosvita. Teatro-lanak
Enara San Juan Manso
UEU / EHU, 2024
Enara San Juanek UEUrekin latinetik euskarara ekarri ditu X. mendeko moja alemana zen Rosvitaren teatro-lanak. Gandersheimeko abadian bizi zen idazlea zen... [+]
Idazketa labana bat da
Annie Ernaux
Itzulpena: Leire Lakasta
Katakrak, 2024
Segundo erabakigarriak
Manu López Gaseni
Elkar, 2024
--------------------------------------------------
Nobela labur hau irakurtzen hasi eta harrapatuta sentitzen zara, eta horretan badu zerikusia idazleak ezarritako erritmo bizi eta azkarrak. Lehen hamar... [+]
Dragoiak eguzkia IRENTSI zuenekoa
Aksinja Kermauner
Alberdania, 2024
-------------------------------------------------------
Hamarnaka liburu idatzi ditu Aksinja Kermauner idazle esloveniarrak. Euskaraz plazaratutako lehenengoa dugu hau, Patxi Zubizarretak itzulia eta... [+]
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]