Eguzki izpi gabekoak hunkitzen
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende multzo dezentekoak mugitzen dituen musika paletako bestelako kolorerik. Baina badira, zorionez, bestelako zirrikitu eta koloreak, harritzen banaute ere, pozgarriak direnak.
Fiachras talde bergararrak aspaldi zabaldu zuen bidezidor berezi bat, non punk eta oi!-aren inguruan ibilitako musikariek folk irlandar eta oinarrietako rockean murgilduta, distortsio gabe eta tenpo pausatuagoan, lortu zuten hunkitzen duten hitz eta doinuak idaztea, lagun –eta garagardo– artean abesteko modukoak.
Arrasate, Bergara, Areantza eta Atauneko kideak dituen Añube ere denborarekin zabaldu eta aberastu den bidezidor horretan kokatzen dut. Hans poetak idatzitako piezak mimoz musikatuta, rock, pop, folk, country, gure sustrai eta itsasoko langileetan hezurmamitzen dira; eta, bai, publiko gaztea zinez hunkitzen dute.
Bigarren disko luze honetan Hans-en ahotsak eta Garmen-en saxoak gero eta pisu handiagoa dute, eta gehiago borobildu dituzte kantuok. Hamaika kantu, hamaika bizipen eta hausnarketa, jautsi eta altxatzeari, gure lur eta sustraiei, izan ginenari eta izango garenari abestuak.
Sutan xume hasten da, saxoak hauspotuta erritmoa hartu eta itsaskorretik tiraka hazi egiten da. Desegin-ek eramaten gaitu Moher-eko itsaslabarrera eta behin lur hartuta lagunei sorbaldatik helduta abesten dugu. Bizarra lepoan eta Itsututa, gurean Pettik landutakoen moduko country-rock tenpoetan murgiltzen dira oso dotore. Indarberritzen ahaidetuta dago Iheskideren esentziarekin. Zutik-ek badu punk oi!-aren distortsio gabeko kadentzia eta Doctor Deseoren sedukzioa batzeko atrebentzia. Zentzu bila da sentimendu eta bizitza gorabeherekin jokatzen duen pieza borobila. Eta badira, baita ere, Guardia Zibilak Arrasaten egindako sarraskiaren biktimei eskainitako Kanpazar 1975 zein Entre paredes de ladrillo rojo-ren bertsioa, are eta hunkigarriagoak.
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]