Bigarren Mundu Gerratik, estreinakoz ultraeskuinak irabazi ditu hauteskundeak Alemaniako eskualde batean
Alemaniako Turingia eskualdean, hiru bototik bat jaso du Alemaniari Alternatiba eskuin muturreko alderdiak. Saxonian ere egin dira hauteskundeak, eta bigarren geratu da, ozta-ozta, demokristauen atzetik.
1949an Alemaniako Errepublika Federala eratu geroztik, lehenbiziko aldiz eskuin muturrak irabazi ditu eskualde mailako hauteskunde batzuk. Turingian gertatu da, herrialdearen ekialdean, Txekiar Errepublikatik gertu; bi milioi biztanle inguru ditu Turingiak –estatu federatu txikienetako bat da; Alemania osoan 83,3 milioi bizi dira–.
Alemaniari Alternatiba (AfD) eskuin muturreko alderdiak hiru bototik bat jaso du Turingian, alegia, %33ko babesa. Bigarren izan dira CDU demokristauak –Angela Merkelen alderdia–, botoen %23 jasota. Saxonian –4 milioi biztanle–, berriz, alderantziz, CDUk irabazi ditu hauteskundeak, botoen %32rekin. Puntu bat gutxiago eskuin muturrak.
Höcke: mutur-muturreko liderra
Björn Höcke izango da Turingiako agintaria, eskuin muturreko ordezkaria. 52 urte ditu eta, kurioski, Historia irakaslea da institutuan; kuriosoa, izan ere, gutxienez bi alditan kondenatua izan da nazismoari loturiko kontsignak bistaratu eta hainbat lelo ia berdintsu erabiltzeagatik, "jakin gabe".
Höckek ez du AfD-ren Berlingo eta beste inguruetako ordezkarien babes handiegirik, "erradikalegia" dela uste baitute. Akaso lagun gehiago ditu Austrian, Berlingo bere alderdiaren erdigunean baino. Austrian, bereziki, eskuin mutur identitarioko Neue Rechte-rekin du harremana, eta horko buruzagi Martin Sellner austriar faxista gaztearekin. Azken hori ere ikertua eta kondenatua izan da, nazismoko hainbat kontsigna erakusteagatik bere mitinetan.
Bermigrazioa defendatzen dute bai Neue Rechtek eta bai AfDk; bereziki Höckek. Hau da, migratzaile ororen deportazioa, herrialde bakoitza "herritar autoktonoena" soilik balitz bezala. Lehenik, "legez kanpoko migratzaileak" kanporatu behar direla diote, premia bizia horretan dagoela argudiatuta; eta bigarrenik, herrialdean asentatuta dagoen etorkin oro, "herrialdearen izatea segurtatzeko".
Ekonomiak pisu gehiago, Solingen-eko atentatuak baino
Duela hamar egun inguru, Estatu Islamikoak beregain hartu zuen Alemania hego-ekialdean gertaturiko krimena: 26 urteko gazte batek, sortzez siriarra baina Alemanian bizi zenak, labankadaz sastatu zituen dozena bat pertsona, eta hiru hil zituen. Ihes egitea lortu bazuen ere, bere burua aurkeztu zuen polizia-etxean hurrengo egunean. Estatu Islamikoak zera esan zuen, Palestinako eta beste leku batzuetako musulmanen "mendekua" zela.
Eskuin muturrak gertakaria kapitalizatu zuen, bereziki pasa den igandeko hauteskundeei begira; are, Höckek leloa aldatu zuen AfD-rentzat: Höcke edo Solingen. Zeuk aukeratu. Izan ere, Höckeren esanetan, Solingenekoa AfDrekin "ez zen sekula gertatuko, ezta inmigrazio masiboa edo segurtasunaren kolapsoa ere". Kanpaina horrek ez du, antza, botoetan eragin handirik izan; gertakari horien aurretik inkestek gertatu bezala ematen zioten AfD-ri, %30 inguru.
Alemaniako ekonomiak "geldirik" jarraitzen dutela seinalatzen dute hainbat adituk, eta horrek eragin handiagoa duela immigrazioak baino. Azken zazpi hilabeteetatik lautan BPGak behera egin du, hamarren batzuk bada ere, eta ekainean, esaterako, esportazioak %3,5 jaitsi ziren. Inflazioak, dena den, beheranzko bidea hartua du: %2tik jaitsi da uztailean.
Boto gutxi tarteko gailendu zaio Olaf Scholz lehen ministroaren SPD alderdia eskuin muturrari Alemania ekialdeko Brandenburgoko hauteskundeetan. Turingia eta Saxoniako porroten ostean Brandenburgoko emaitzak arnasa eman dio Scholzek zuzentzen duen “semaforoaren”... [+]
1,1 puntuko aldea baino ez. Alemanian koalizioan gobernatzen ari diren sozialdemokratek hauteskundeak irabazi dituzte Branderburgo eskualdean. Botoen %30,7 lortu dute. Bigarren tokian, botoen %29,6rekin, gelditu da Alemaniari Alternatiba (AfD) eskuin muturreko alderdia... [+]
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Geissenkloesterle (Alemania), dela 42.000 urte. Danubio ibaiaren arroko kobazuloan bizi zirenek txirula bat egin zuten hegazti hezurrak eta mamut bolia erabiliz. Garai bertsuan, Esloveniako Divje Babe kobazuloko biztanleek ere txirula bat egin zuten hartz baten femurra baliatuz... [+]
Estatu Islamikoak beregain hartu du erasoa, Palestinako eta beste leku batzuetako musulmanen "mendekua" dela esanez. Eskuin muturrak inmigrazioaren aurkako mezuak hedatzeko baliatu du.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Elba ibaiaren arroa, 1417. Lehorteak eraginda ibaiaren mailak nabarmen egin zuen behera, eta norbaitek ur maila markatu zuen harri batean, idazkun bat zizelkatuta: “Harri hau berriro ikusten baduzu, negar egingo duzu. Ura maila honetan zegoen 1417... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]
Palestinarekin elkartasunez kongresu bat antolatu zuten Berlinen aurreko astean, baina hura itxi zuen Poliziak. Atxilo eraman zituzten sionismoaren aurkako hainbat judu.