Arrats dibertigarria
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia, oso elementu gutxirekin ongi definitzen dena; Mutuberriak, esaterako, zapoaren begiradarekin jolasten du irakurlearen irribarrea sorrarazteko, zapoaren asmoez eta jokabideaz konturatu gaitezen. Zapoa geldi dago, eltxoak dio “azzzpertuta” dagoela zapoa, baina berehala konturatuko gara zapoak molestatzen duen eltxoa jaten duela, bai eta harrapaketan aritzeko probokatzen duen barraskiloa, edo ondoren datozen inurria, armiarma… harik eta matxinsaltoarekin topo egin arte, horrek lortzen baitu zapoa tarte luze-luze-luze batez ez aspertzea.
Testu gutxiko albuma dela esan dugu aurretik, eta testuan aipagarriak dira onomatopeiak eta hitz jokoak. Eltxoak “aizzzu, ezetzzz harrapatuzzz” dioen bitartean barraskiloak “aaaiiizuuu, eeezeeetz haaarrraaap…” bakarrik ahoska dezake zapoak irentsi aurretik, edo matxinsaltoak “aizu-aizu-aizu, ezetz-ezetz-ezetz harrapatu” xuxurlatuko dio segurtasun handiz. Eta batek xuxurlatzen duen bitartean, beste bat oihuka, zezelka edo deiadarka arituko da, zapoaren arrats arruntean.
Liburu dibertigarria da, haur txikiei behin eta berriro errepikatzeko modukoa. Irudiekin eta testuarekin jolasteko aproposa, irakurlearengan oso sentsazio polita uzten duena amaieran. Eta ez bakarrik irakurlearengan, baita Compostela sariko epaimahaikideengan ere, iazko sarian finalista izan baitzen Arrats zapo bat, eta horren ondorioz euskaraz gain beste hainbat hizkuntzatan ere argitaratu da liburua –italieraz, portugesez, galegoz, gaztelaniaz eta katalaneraz–.
Beraz, oso liburu gomendagarria da Maite Mutuberriaren azken lana, bere sinpletasunean, detaile txikietan –babes orrietan, adibidez–, informazio asko ematen duena; hitzekin etengabe jolasten duena; eta biekin, irudi eta testuekin, oso narrazio sinple eta dibertigarria lortzen duena irakurlearen gozamenerako.
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]