Ona dena eta pena
Pozten naiz Airu ez dudalako entzun garai ilun batean. Pentsa bikotekidearekin apurtu berri edo gertukoren bat galduta hartzen duzula disko hori. Alejandra Pizarnik bera berpizteko gai nintzateke. Tristuraren inguruan, eta tristuratik egindako pieza, itxuraz, minimalista da Con lo bueno y con pena. Eta bidaia bat da: doluaren bidaia.
Bilbotik datoz Airukoak, eta, onartu behar dut, apur bat ezinikusia eragiten didan bertako dardara moderno eta arty-arekin lotzen nuela taldea. Bigarren entzunaldi zintzoak, ordea, geruza ugariko dream-pop goibel eta nostalgiko zainduaz gozatzeko aukera eman dit. Triste eta pozik egoteko istorio horietako bat da.
Cuenta, cuenta, cuenta-n bateria eta baxuak isildu, eta letrak hartzen du pisua. Bikote harremanetan (batez ere) ematen diren komunikazio arazo erraldoien aurrean korapiloak nola askatu proposatzen du: “Ikusten duzu nola ateratzen zaizun esateko zerbait?”.
Kontua horixe bera baita: nola sendatzen dira zauriak? Harrigarria da pop kulturan zein pisu duten kantuek dolu prozesuetan. Pertsonei iltzatuta geratzen dira melodiak, eta ezin ditugu berpiztu gabe utzi.
Sendatu arren, “orain soilik geratu naiz onarekin, eta penarekin”.
Gaztelania hutsean kantatu du oraingoan taldeak –lehen ingelesa zuten hizkuntza nagusi–, eta gaztelaniaz den arren, kanten tituluak halako esaldi bat osatzen dute: “Zu bizkarra emanda ikustea itxialdi bat da. Oinak kokatzen ditut, zure onerako da. Eta honaino: kontatu, kontatu, kontatu haraindian, zer dakizu nitaz? Zenbat denbora iraungo duela diozu? Beste aukerarik ez bazenu bezala begiratzen saiatzen naiz: nire bizkarrean dantzatu”.
Nahiago nuke gure gizarteak doluetarako antsiolitiko, psikoanalista eta pop taldeen beharrik izango ez balu. Nahiago nuke erritual komunitarioak indartuko balira, eta eguneroko bizitzaren gainean kontrola izango bagenu; aurre eginez kolektiboki gure arazo pertsonalei eta heteroarauak, sistema arrazistak eta soldatapeko lanak eragiten dituen trauma guztiei. Bitartean, tontipop pixka batek dolua arintzen lagundu dezake. Eta aizu, hori ez da batere gutxi.
.jpg)
Satorralaiak plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen... [+]
Miopia gero eta gehiago eta gero eta lehenago ari da garatzen, eta horren arriskua da dioptriak gehitzen joatea eta helduaroan begiari lotutako hainbat gaitz izateko aukerak dezente handitzea. “Eguzki-argia jasotzea inportantea da, eta denbora asko ez igarotzea oso gertu... [+]
Martxoaren 8an kalera ateratzera deitu ditu herritarrak mugimendu feministak, "desberdinkeriek bere horretan" dirautelako. Zapalkuntza mekanismo berriak agertu direla salatu dute, eta feminismoa "ezkerreko borroken erdigunera" eramateko beharra... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
Une delikatua igarotzen ari den zure lagun minak Taylor Swiften kontzertura joatea proposatu dizu, baina kide zaren elkarte ekologistak elkarretaratzea deitu du, abeslariak sortuko duen kutsadura salatzeko; nora joango zara? Dilema etiko horri erantzun diote gazteek, baita... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
Larunbatean egindako prentsaurrekoan adierazi dute manifestazioa ekainak 14an Donostian egingo dutela. 130 kolektibo, alderdi politiko eta sindikatu batu zaizkie eta "atxikimendu kanpaina oraindik zabalik dagoela" gogorarazi dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Azken asteetan François Bayrou Frantziako lehen ministroaren harira ezaguna egin bada ere, aspalditik dira albiste Betharram eskola katolikoko apaizen gehiegikeriak. Lau urtez barnetegian ikasle izan zen Paxkal Indo lapurtarrarak Euskal Irratiaki adierazi eta ARGIAk... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Otsailaren 17an Txinako Alderdi Komunistaren arduradun gorenak bildu ziren bertako enpresa pribatu handienen zuzendari nagusiekin. Ez da ohikoa aldi eta areto berberean Huawei, BYD, New Hope, Tencent, SWSC, Yushu, Xiaomi edo DeepSeek bezalako konpainien nagusi gorenak bilduta... [+]