Euskal sindikatuen aldarrikapen historiko bati atea ireki eta lurralde-hitzarmenak lehenetsi ditu Espainiako Gobernuak
Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.
Espainiako Ministroen kontseiluak asteartean onartu du autonomia erkidegoetako eta probintzietako lan-hitzarmenak lehenestea Estatukoen gainetik. Hala, euskal sindikatuen eskaera historiko bati bidea ireki dio Pedro Sánchezen gobernuak, EAJrekin akordioa egin ostean.
Iazko abenduan egin zuten akordioa EAJk eta PSOEk, Sánchezen inbestidurarako negoziazioen barruan, baina Espainiako Kongresuak atzera bota zuen, subsidioaren dekretuarekin batera Podemos aurka agertu baitzen. Orain, alderdi moreak subsidioaren erreforma berria balekotzat emanda, lan-hitzarmenena ere onartuko dute ia seguru Kongresuan. Hala ere, neurria berehala sartu da indarrean, asteazken honetan bertan.
Hego Euskal Herrian sinatzen diren lan-hitzarmenek Estatukoek baino baldintza hobeak jasotzen dituzte, soldata eta lanaldien arloan batez ere, eta sindikatuen aldarrikapen historikoa izan da horien prebalentzia.
Hego Euskal Herrian sinatzen diren lan-hitzarmenek Estatukoek baino baldintza hobeak jasotzen dituzte, soldata eta lanaldien arloan batez ere, eta sindikatuen aldarrikapen historikoa izan da horien prebalentzia
ELAk esan du Espainiako Gobernuak euskal lan-hitzarmenak lehenestea "urteetan euskal langileek egindako borroken ondorioa" dela, eta duela bi urte greba orokorrera jotzeko prest agertu zela gogorarazi du: "Gaurko erabakia ez dago ulertzerik orduko jarrerarik gabe", azaldu du sindikatuak. Nolanahi ere, subsidioaren dekretuaren eta lan-hitzarmenen dekretuaren eduki guztiak xeheki aztertu behar dituela adierazi du ELAk.
Ildo beretik, LAB sindikatuak adierazi du "lan-esparru propioaren eraikuntzan urrats gehiago" eman behar direla. Sindikatu horrek azpimarratu du 2023ko abenduko akordioak zalantzak sortu zizkiola eta proposamen zehatzak helarazi zizkiela Lan Ministerioari eta alderdi politikoei, akordio hori hobetzeko: "Gure irakurketa kritikoak eta proposamenek ondorio positiboa izan dute, aurreko testuak izan zitzakeen ahulguneak hobetuz", azaldu du.
EAJk Espainiako Gobernuarekin hitzarturikoak ziurtasun handiagoa ematen du 2017an sindikatuen gehiengoak (CCOO, UGT, LAB eta ELA) Confebask EAEko patronal pribatuarekin sinaturiko akordioa egikaritu ahal izateko. Euskal lan-hitzarmenek lehentasuna izatea adostu zuten ordukoan, baina berme juridikorik gabe ezerezean geratu zen.
Orain, Espainiako Langileen Estatutuak, beharrezko aldaketak eginda honako esaldi ere jasoko du: "Autonomia Erkidegoetako hitzarmenek lehentasuna izango dute gainerako sektore hitzarmen edo Estatuko hitzarmenen gainetik baldin eta baldintzak langileentzat onuragarriagoak badira".
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]