(Azken aldi luzean ezin naiz gauez atera, eta arratsaldez ere larri, eta asteburuetan ere ez, eta (jarri zaizue jada ihes egiteko gogoa), marianitoak eta bazkari azkar samarrak izaten dira nire enkontruneak. Konpainiak ondoegi aukeratu behar ditut. Ezin ditut poteoak inprobisatu, Aner Peritz eta Maialen Akizurekin egingo nukeena, kasu, mozkor, nire señora jarioaz aspertzeko. Barkatuko didate maternalismoa (barkatu), baina nik barra batean imajinatu dut hau, eta barra batean andre bati uzten zaio zenbait dibagazio maternalista, idatziz, agian, xelebreagoak direnak).
Biek adierazi dute, Peritzek lehenengo, Akizuk, katean, ihes egiteko gogoa (eta eten dezagun katea, bestela, suizidio nota batean agertzeko arriskua dugu). Eta lehen kolpean, bai, bai, egin ihes, ez pentsatu, pentsatu dut. Nik ere badut gogoa, beti izan dut... Itxoin, itxoin... ez, aiba, pentsatzen jarrita, ez daukat ihes egiteko gogorik (parkean ez banago). Zahartu egin naiz. Eta onerako. Eta Kavafisen hiri hura aipatzeko adina dut. Adina dut esateko beti iristen garela hiri berera, hiri hori barnean daramagulako. Baina, agian, hobe da ondorio horretara iristea, beste hiriren batean. Orain ihes egin nahi ez badut, noizbait egin nuelako izango baita. Adinaren arabera hori ere; Peritz eta Akizuri bizitza birika handiagoz arnasteko gogoa antzematen baitiet (bejondeizuela), nire adinetik gorakoei gaizki kudeatutako iraganak (suizidio noten sukalde). Akizuk, hala ere, ñabartzen zuen amaieran, ihes egiteko gogoa hori dela, ez norabait joatekoa, alde egitekoa bakarrik. Eta ihes egin daiteke turismoa egiteko, edo bidera berriro ez itzultzeko, edo desbideratzeko guztiz. Eta horrek prezioa du. Ni oraindik zigor izugarri baten zain nago, eta jaso ditut batzuk; ez nuke jakingo, barran mozkorturik, zer gomendatu.
Desbideratuz gero, betirako izango dela zaila, eta ez beti ederra. Baina bizirik zaudela. Eta ederra denean, gainera, batzuetan, bakarka dela, hiria zu zeu zarela, zeu hiri oso bat, eraiki baduzu (eta dibortzioak eta pandemiak ez dira amildegi izango). Eta opari hori zeuk egin diozu zeure buruari. Animatzen bazarete, gogoratu hortzen arteko odola garbitzen duzuen hurrengoan. Kalkulatu hurrengo kolperako behar duzuen denbora, ea gero eta gehiago den, edo gero eta gutxiago. Eta, batez ere, eduki inguruan ni bezalako señora noizean behin folklorika, noizean behin ama, noizean behin... bat, Martiniaz odola garbitu, eta bazterretan guatekeak egiteko.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Interneten Willow hitza bilatzerakoan oraindik txikitan ikusi nuen pelikula baten izenburua agertzen da. Fantasiaz beteriko pelikula hartan, Willow izeneko gizon txiki batek, protagonistak, mundua eraldatu zuen, erresuma zapaltzaile batetik herritarrak askatuta. Google-k Willow... [+]
Loti ederra eta errauskinaren irudia izan du hizpide aurtengo Feministaldian Irene Coulon-en hitzaldiak. Loaren ideia kulturalak zartatu ditu, loaldia ere maskulinizatua dugula argituta. Loaren irakaspen (kultural) asko barneratuak ditugu, eta gorputz feminizatuan edertasunaren... [+]
Berriki Pierre Carles dokumental egile engaiatuaren azken lana ikusteko aukera izan dut. Guérilla des FARC, l'avenir a une histoire (FARC gerrilla, etorkizunak historia du) du izena eta Kolonbian mende erdi baino gehiago iraun duen gatazka armatuaren kontakizun... [+]
Valentziako tanta hotzaren kudeaketa txarrak aldaketa ekarri du muturreko eguraldiagatik izan daitezkeen alerten inguruan, “neguko” lehenengo denboraldian agerian geratu den bezala. Hego Euskal Herrian ibaiek gainezka egingo zutelako mehatxuaren aurrean, hainbat... [+]
Ekintzailetza modan dago. Kontzeptuak indarra hartu du eta hiztegi ekonomikotik askoz harago zabaldu da. Just do it: egizu, besterik gabe. Baina ez dezagun ahaztu: propagandaren mundutik dator leloa. Erosle-ekintzaile aktiboak izatea ote da hitzaren mozorroa? Egungo enpresariek... [+]
Kaosean sartuak gara. Hori erran digute hedabide frantsesek, legebiltzarrak gobernua erorarazi duelarik abenduaren 4an. Kaos politiko, instituzional, sozial, ekonomikoaren zirimolak infernuko sarabandan bahituko gaituelako izua zainetara isurtzen hasia zaigu denoi. Zer komedian... [+]
2011. urtean M-15eko mugimendu indartsua lehertu zen, Kataluniako Gobernua ataka estuan jarri zuena. Besteak beste, orduko hartan Polizia Bartzelonako Katalunia plazako kanpaldi suminduari oldartu zitzaion, eta parlamentua setiatu zuten ekintzaileek, Artur Mas presidentearen... [+]
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
Segur aski, gutariko gehienek jada erosiak dituzte, han eta hemen, Eguberrikari banatzeko opariak. Olentzeroren bisita gautar hori hitzordu handia baita, bereziki haurrentzat. Denak prestatzen dira urteko garai emankor horretarako: Bilbo sutan agertzen da, Gasteiz, Iruña... [+]
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Benetan nahasia da euskara ikasteko dirulaguntzen kontu hori. Euskara ikasi nahi duen herritarrak leihatila bat baino gehiagotara jo beharko du egin nahi duen ikastaroa zenbat kostatuko zaion eta dirulaguntzak nondik, nola eta noiz lortuko dituen jakiteko. Oraindik ere dirua... [+]
Hizkuntza matematikoa ondo ulertu eta interpretatzeak badu garrantzia ikasketa prozesuan; horixe esan ohi diegu guk geure ikasleei, bederen. Matematiken lengoaia unibertsala da, eta oro har, interpretaziorako errore marjina txikia izan ohi da. Nekez marraztuko genuke hiruki bat... [+]
Beharbada gizakion ahultasunetariko bat gehiengoari entzuteko eta kasu egiteko dugun joera da. Ziur gure espeziearen garapenaren ezaugarri garrantzitsua izan dela, eta beharrezkoa biziraupenerako. Baina digitalizazioarekin, dugun ezaugarri horrek zaurgarriagoak bilakatu... [+]