Gabarra, tabarra... eta emakumeak zer?
Aste batzuk igaro dira zoramen kolektibo zuri-gorritik eta, bai, badakit, azken ordukoa ez izateaz gain, gaiarekin gogaituta gaude gutariko asko. Gaur dut, ordea, artikulu hau idazteko data eta tabarra mundialaz geroztik nabil hurrengo hitzok idazteko, oihukatzeko, goitikatzeko gogoz (hori edo lehertu!): eta emakumeak zer?!
Komunikabideek esan digute Athleticek ez duela koparik irabazi 1984tik… gezur borobila! Gizonek ez dute irabazi! Emakumeek liga bost bider irabazi dute 2002 eta 2016 urte bitartean. Non geratu ote dira politikarien M8ko berdintasun aldarriak…? Hiru aste eta futbol pilota bat nahikoak izan dira ahanzturaren zulo hipokritan gordetzeko.
A11n forofismo manolo-lololo-az betetako inurritegian pankarta ausart bakan batzuk ikusi nituen Noizko emakumeoi aitortza kirolean? gisako leloekin. Nik bertatik alde egin nuen; bilbotar petoa den honek argi zeukan: ez bada guztion jaia, hau ez da nire jaia! "Zeinen burugogorra zaren! Une historikoa galduko duzu!" entzuteko, gainera. Alaporai, goizean goiz, milaka pertsona jasotzeko hiria hankaz gora jartzen zuten unean, nik kontrako norabidea hartu nuen, eta harro.
Jaietan emakumeak baztertzea ezinezkoa iruditzen zaigun garaiotan, nola da posible normaltasun osoz hartzea emakume futbolariei dagokien ospakizuna ukatzea?
Ospakizunak berdintasunean gozatzeko, borrokak eta malkoak isuri ditugu gurean; duela hogei urte Irunera joaten ginen fatxa atzerakoien irainak, listuak eta bultzadak jasotzeko... gure lekua irabazi genuen arte! Jaietan emakumeak baztertzea ezinezkoa iruditzen zaigun garaiotan, nola da posible normaltasun osoz hartzea emakume futbolariei dagokien ospakizuna ukatzea emakume izate hutsagatik?
Kontrara, zergatik merezi dute pilota batekin abilak diren gizontxo dirudun horiek tamainako gorazarre desfasea? Mugituko zen kopurua aurrez jakina izanagatik, tristuraz konprobatu nuen jendetza horren hamarreko batek ere ez duela hatzik mugituko munduan zein gugandik gertu dauden bidegabekeriak salatzeko.
EAEko Berdintasun Legeak dio erakunde publikoek ezin dutela diruz lagundu emakumea diskriminatzen duen kirol jarduerarik. Arrotzak senti ditzakegun legeen gainetik, Athleticek diru publikotik jasotzen duen puskak (zergen araubide berezituez gain) kezkatu beharko gintuzke, geure burua ezkertiartzat dugunok, bederen. Bilboko klub jauretsiak 130 milioi inguruko aurrekontua du aurten; bere webgune ofizialeko "gardentasun" atalean ez dut topatu zehazki zenbat diru esleitzen dion Bilboko Udalak (hornitzaile ofiziala) edota Bizkaiko Diputazioak ("San Mames Barria SL" elkartearen bazkide nagusietakoa), biek ematen badute ere. Ustezko gardentasun hori arakatzen jarraitu beharko dut... eta ea uholde zuri-gorria more-gorri-beltzarekin uztartzen dugun!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]
Eroso gaude ingurunea gure egoera fisiko/emozionalera egokitzen denean. Besteak ni kontuan hartu nauenean, izan gizaki bat, objektu bat, espazio bat. Erosotasunaren klabea produktu eta espazio diseinuan beharrizan handi gisa sartu da, erosotzat jotzen dena erosgarria delako... [+]
Nafarroa Arenan Mitoaroa ikusten izandako lagun batek “telurikotzat” jo zuen entzun-ikusi-sentitutakoa. Niri ere hala iruditu zitzaidan telebista medio etxetik hauteman nuena.
Pentsa daiteke Mitoaroak piztutako grinak eta atxikimenduak proiektuaren ikusgarritasuna... [+]
Urte berria hastearekin batera, bizitza aldatuko diguten erabakiak hartzeko ohitura bada. Listak egiten ditugu hiru puntutan: bat, kirola gehiago praktika; bi, lagun zaharrak maizago ikusi; hiru, Islandiara itzuli, errealki eta metaforikoki. Xedeak beti xede geratzen direla... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
Oholtzak betiko utziko dituela jakinarazi zigun Benito Lertxundik badira jada hainbat aste, eta geroztik asko gara maila batean ala bestean umezurtz sentitzen garenak, halako galera edo abandonu sentsazioarekin, triste. Iruindarroi, behintzat, bere zuzenekoen zirrara azken aldi... [+]
Hiru korapilotan mordoilotzen digute euskaldunon elkarbizitza, eta urte luzez, pazientzia handiz eta erabakitasun irmoz ekin arren, loturok askatu ezinean gabiltza. Hiru bederen badira uneko korapiloak: presoak, euskara, etorkinak.
Urte berriarekin elkartu ohi gara milaka... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]