Propagandarako tresna berria Ukrainan
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren gerra informaziotik elikatzeko eta herritarrengan eragiten saiatzeko beren interesen arabera.
Sare sozialetan, Telegrameko taldeetan eta, oro har, Interneten, Ukrainako eta Errusiako armadek eta soldaduek dronen grabazioak zabaldu dituzte. Etsaiak egindako suntsipena erakusten duten irudiak dira, erabat birrindurako hirien bideoak, edo arerioaren morala txikitzeko egindako eraso “arrakastatsuak".
Bideo batzuetan ukrainar droneek errusiar armadaren walki talkieak lapurtzen dituzte, etsaien lerroen atzean eroritako drone batzuk erreskatatzen dituzten droneak ere badira, drone txikiak tanke baten barruan granadak jaurti, urrundu eta leherketa grabatzen dutenak, drone kamikazeen jaitsiera hilgarria... Oso egoera errealak dira, eta, gogorrak izan arren, oso propagandistikoak. Horren erakusgarri, paradigmatikoa da 2022ko amaieran zabaldutakoa. Ukrainako armadak bideoa zabaldu zuen errusieraz, etsaiei azaltzeko nola errenditu drone baten aurrean. Bideo biral horretan, Bajmut ondoko lubaki batean grabatua, soldadu errusiar bat ageri da drone bati keinuka tiro egin ez dezan. Ondoren, beste drone baten bidez armada ukrainarrak soldadu errusiarrari helarazten dio errotuladorez idatzitako ohar bat, ondokoa dioena: "Amore eman eta jarraitu droneari". Segituan, soldadua errenditu, arma askatu eta droneari jarraitzen dio ukrainar indarrengana heldu eta preso hartu arte.
Ukrainak ere drone txikiak erabilita zibilen aurkako erasoak egin ditu Errusiako hainbat lekutan. Militarki eraso hutsalak dira, baina egiazko helburua eraso horiek grabatu eta propaganda gisa zabaltzea da. Hala, Errusiako gizarteari gogorarazi nahi diote gerran daudela eta haiek ere, frontetik milaka kilometrora egon arren, "helburu militarrak" direla.
Gerraren ikuspegi subjektibo eta gertuko hori, hain modu masiboan erabiltzea gerra honen berritasunetako bat da. Honezkero ez zaigu deigarri egiten Internetera sarbidea duen edonoren eskura milaka bideo izatea, gerra-frontean berean eta ia zuzenean grabatuak. Propaganda beti izan da arma nagusietako bat guduetan, eta gaur egun inoiz baino gehiago.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Ukrainako gerra hasi zenetik, bi potentziak ez dira mahai beraren bueltan eseri. Negoziatu egingo dute nola amaitu gatazka belikoa. Ukrainako presidenteak, ordea, esan du ez duela mahai horretan adosten den ezer onartuko, bera ez baitute gonbidatu.
Macronek egindako deiari erantzunez, NATOko eta Europako agintariak Parisen elkartuko dira astelehen honetan, AEBek eta Errusiak iragarri ostean Ukrainako gerra amaitzeko elkarrizketei heltzekotan direla. Europak diru asko xahutu du Ukraina laguntzen, eta gerra amai dezakeen... [+]
Trumpek eta Putinek ordu eta erdiz hitz egin dute telefonoz. Biek hala biek baieztatu dute ados direla Ukrainako gerra amaitu dadin "elkarrekin lan egiteko", baina argi utzita Ukraina 2014ko mugetara itzultzea ez dela "errealista". Zelenskyrekin ere hitz egin... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
Urtarrilaren 20rako bidea. Donald Trump urtarrilaren 20an izendatuko dute AEBetako presidente. Demokraten aldeko elite ekonomikoak hainbat aldiz saiatu dira Trump hiltzen. Lortuko al dute helburua urtarrilaren 20a baino lehen? Hortaz gain, guda fase berri garratzagora eraman... [+]
Gazpromekin zuen kontratua ez du berritu Volodymyr Zelenskyren gobernuak eta, asteazken goizean, Europa ekialdea hornitzeko gasaren fluxua eten du errusiar konpainiak.
.jpg)
Atentatua astearte goizean izan da, Kieveko auzitegi batek Kirillovi Ukrainako tropen aurka arma kimiko debekatuak erabiltzea leporatu eta hurrengo egunean. 300 gramo TNTko karga zuen lehergailuak, eta Errusiak jazotakoa argitzeko ikerketa bat jarri du abian.
Moskuk erakutsi du bere disuasio ahalmena areagotu dezakeela arma nuklearrik erabili gabe eta modu horretan bere arerioen gorakadari erantzun diezaiokeela. Bide batez, errusiar erruletan jokatzen ari diren europar erakundeetan arrakalak zabaltzen ditu.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]