Katalunian protesta, hemen paso
Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko gaitasuna neurtzea eskatu zioten Kataluniako Gobernuari.
Normala ere bada, ezta? Ahozkoa neurtu barik ez dago ikasle baten komunikazio-gaitasuna neurtzerik, ezta? Ezta?
Gurean bai. EAEn, ikasleen komunikazio-konpetentzia ahozkoa neurtu barik zehazten da: “Beraz, esan daiteke derrigorrezko eskolatzea amaitu duten ikasleen ia %80k euskarazko konpetentzia nahikoa dutela komunikatzeko eta hizkuntza horretan ikasten jarraitu ahal izateko”. (2022ko etapa amaierako ebaluazio diagnostikoa, 41. orrialdea). Baina “Euskarazko hizkuntza-komunikaziorako konpetentziaren Mintzamena dimentsioa ez da ebaluatu eta Idazmena dimentsioa hizkuntza-komunikazioko hiru konpetentzietatik bitan bakarrik ebaluatu da” (22. or.).
Katalunian, protestatuta, lortu dute gobernuak atzera egin eta ahozko konpetentzia ere neurtzea aurtengo ebaluazio diagnostikoan. Gurean?
Hezkuntza Sailaren curriculum-dekretuak (77/2023) definizio hauxe ematen du: “Hizkuntza-komunikaziorako konpetentziak esan nahi du ahoz, idatziz edo (zeinuz) modu koherente eta egokian jardun behar dela”. Dekretu horretako 41. artikuluak agintzen duenez, “diagnostiko-ebaluazioko prozesuen helburua da ikasleek funtsezko konpetentzietan eta konpetentzia espezifikoetan lortutako maila egiaztatzea”. Ahozkoa neurtu barik, ezin ikasleen hizkuntza-komunikaziorako konpetentzia egiaztatu.
Katalanez bezala, gurean ere behin baizik ez da neurtu DBH 4ko ikasleen mintzamen-gaitasuna euskaraz: HABEk, 2018an. 1.000 ikasle izan ziren, B2 maila neurtu zitzaien eta, nik dakidala, emaitzak ez dira argitaratu. Bitxia da 2022ko Ebaluazio Diagnostikoan horixe dela propio aipatzen den hizkuntza maila bakarra: HABEk ahozko B2 neurtu zuela; 2022an idazmena eta ulermenak neurtu ziren, baina ez da argitzen B1 maila izan zen, B2, tarteko zerbait…
Ez da, ostera, bitxitasun bakarra: 2017an, DBH 2ko ikasleen %45,6k zeukan maila apalena euskaraz; 2018an, DBH 4ko %27,7k; 2019an, DBH 2ko %47,9k. 2021ean, ehunekorik ez, baina: “Euskarazko hizkuntza-komunikaziorako konpetentzia nabarmen jaitsi da”; 2022an, ikasleen %20,8 maila apalenean. Urte batetik bestera, ikasleen %20k lortzen ei du maila apalenetik egokira pasatzea.
Hasierara bueltatuta: Katalunian, protestatuta, lortu dute gobernuak atzera egin eta ahozko konpetentzia ere neurtzea aurtengo ebaluazio diagnostikoan. Gurean? Animatuko gara protesta egitera?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Danimarkatik iritsi zaigu berria: 400 urtez estatuak eskainitako zerbitzua etengo du PostNord enpresa publikoak, eta eskutitzak banatzeari utziko dio 2025 urtea amaitzean. Gobernuak adierazi du enpresa publikoak negozioa paketeak banatzera bideratuko duela. Bi arrazoi eman ditu... [+]
“Hondakinik ez platerean!”. Hori zen kontsigna gure txikitako otorduetan. Janariak zeozer sakratu bazukeen, batez ere ogiak; lurrera erori eta, jasotakoan, musua eman behar zitzaion. Harik eta adin zozoan mamia baztertzeko moda etorri zen arte, lodiarazten zuelakoan... [+]
Zenbait estatistikak berretsi dute begiak hondar urteotan ikusten ari zirena: gimnasioak (eta estetika-zentroak eta nolako-edo-halako-terapia eskaintzen duten negozioak) nabarmen ugaldu dira gurean. EITBk plazaratutako datu bat emateko: EAEn 2010-2019 urteen bitartean, zazpi... [+]
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Gaur buruko minez iritsi naiz etxera. Ostiral iluntze hotz bat da; ez du euririk ari, baina haizeak bota ditu lurrera bi kontainer eta korapilatu dit ilea. 23:39 dio telefonoak. Lagunekin afaldu dut gure ostiraleroko tabernan. Barre asko-asko egin dugu, eta bihotza bete-beteta... [+]