Beldurra gogoko
Beldurrak airean
Aitor Arana
Ibaizabal, 2023
--------------------------------------------------
Zazpi ipuinek osatzen dute Aitor Aranak gazteentzako idatzi duen liburu hau. Ugaria eta ezaguna da Aranaren produkzioa; 125 liburutik gora idatzi ditu, horietako zenbait beldurrezkoak dira, eta azken horietakoak dira Beldurrak airean liburua osatzen duten istorioak. Beldurrezko tradizio klasikoen airea duten banpiro, hilezkortasun istorioak, deabru edo pertsonak akabatzen dituzten izpirituen istorioetatik abiatuta sortu ditu Aitor Aranak liburuko kontuak.
Irakurlea, beraz, estilo ugariko istorioen aurrean aurkituko da. Azkar antzean igarriko du zein nobela edo sineskeriatik abiatu den Arana. Abiatu… amaierak irakurlea harritu eta harrapatu nahi baitu kasu guztietan. Horixe baita ipuinon meritua, kontakizun nahiko laburrean irakurlea istorioari lotzea eta irakurtzeari utzi gabe jarraitzea amaieran harritu arte. Edozein kasutan, istorioak askotarikoak izanik ere, guztietan nabaritzen da idazleak duen ofizioa; errazkerietatik ihesi, euskara zaindua eta, aldi berean, irakur arina erabiliz, Aranak lortzen du irakurlea argumentuan, narrazioan eta istorioan harrapatzea, lan horretan zailtasun eta eragozpen handirik aurkitzen ez duelarik.
Beldurrezko istorioak direla esan dugu, eta horretan badute zerikusia argumentuek, gertakariek baita hauen deskribapenek, zenbaitetan zehaztapen nazkagarriekin batera. Banpiro izan nahi eta lurperaturik dagoen narratzailearen kasuan bezala: “Nire erraien suntsipena maila deskribaezinera heldu da. Parenkimak, hau da, gurintxoen ehunkiak txiki-txiki eginda dauzkat: isuri bilakatzen ari zaizkit. Ene gibela dagoeneko gai beltz-berdexka nazkagarria da eta garuna masa gris-berdexka lirdingatsua besterik ez da”.
Asko dira literatura unibertsaleko erreferentziak (Oscar Wilde, E. A. Poe, Defore, Dickens, E. King, P. Straub), baita zinemagintza eta gure kulturari buruzkoak ere, eta horrek guztiak are gehiago aberasten du Aitor Aranaren liburu hau; betiko gaztetasunaren sekretua, mamuak, hilezkortasuna, banpiroak, misterioa… maite dituen irakurlea harrapatuko duen liburua. Eta horiek ezagutzen ez dituenarentzat, generoan barneratzeko guztiz aproposa da.
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]
Snarkaren ehizan
Lewis Carroll
Irudiak: Henry Holiday
Itzulpena eta edizioa: Manu LÓpez Gaseni
Pamiela, 2024
-------------------------------------------------------
Udaberrian argitaratu zen esku artean dugun obra hau. Alizia herrialde miresgarrian,... [+]
Argialdiak
Miriam Luki
Susa, 2023
-------------------------------------------------
Itzulerak
Miren Agur Meabe
Elkar, 2023
--------------------------------------------
Iaz kaleratu zuen Miren Agur Meabek Itzulerak eleberria. Pertsonaia nagusiak gazteak direnez, gazte literatura dela esan genezake, baina literatura ona denean, gazte zein helduentzat da,... [+]
Soka-tira
Testua: Ilan Brenman
Ilustrazioak: Guilherme Karsten
Itzulpena: Ipar Alkain
Denonartean, 2024
-------------------------------------------------
Album honen bukaeran bada Benjamin Franklinen aipu bat: “Sekula ez da izan gerra onik, ezta bake txarrik... [+]
Putzua
Goiatz Labandibar
Erein, 2024
----------------------------------------------------------
Goiatz Labandibarren Putzua egun batean gertatzen den hazkunde nobela bat da: hilekoa jaisteak markatzen duena, hain zuzen ere. Edo bestela esanda, heroiaren bidaia bat,... [+]