Eguzkierripako ‘outlaw’-ak
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean. Zuzeneko ikusgarriak, musikari oso finak eta abesten eroso aritzeaz gain, agertokian zer egin dakien frontman-a.
Gerora, pandemia erdian Martin L. Guevara-ren Silver estudioan Phoenix izeneko lan luzea grabatu eta argitara eman zuten: dotorea, indartsua, rockaren bueltan estilo eta eskola desberdinak arakatu eta azaleratzen zituena; horietako asko izerditsuak eta sentituak, jakina.
Horren ostean, Danbaka Debagoieneko musika lehiaketaren bosgarren edizioan, lehiaketako lehen saria eskuratu zuten; eta, ondorioz, honako diskoaren grabazioa erraztu. Oraingoan Zestoara jo dute Eñaut Gaztañagarengana, grabatu, nahastu eta masterizatzera. Eta berehala bueltan dira agertokietan, haien esentzian, honako lanarekin besopean.
Phoenix-ek bazituen horren zantzu batzuk eta oraingoan sustraietako doinu amerikarrean egin nahi izan dute geldiune gozagarri bat. Hala, Gose dira soinu amerikarreko eta gorputz sendoko kantua da, tenpo erdiekin ere jolastu eta tarteka gitarrak erotzen dituena. Inertzia, berriz, biziagoa, azkarragoa eta jostariagoa da. Erritmo biziko rock-and-roll bizi eta itsaskorra. N-260 are eta amerikarragoa da, blues-arekin ere ligatzen duena –a zer gitarra riffak eta zer emaitza borobila!–. Euripean kantutzarra da: Idoia Tapia lagun dutela Ameriketako sustraietatik edan eta Eskean Kristorekin txikiteoa egin ostean pop-rockari enbidiarik ez dion pieza ia epiko eta sentikorra –portzierto, adi kantu honen bideoklipari!–. Let loose-ek ere txunditu nau, pub-rock hezurdura badu ere, arropa rockeroago jantzi eta tenpo erdiak barne borobilduta dagoelako. Buffalo-n agerian uzten dute gutxirekin asko esan daitekeela, jotzearen gozamena transmititzen dute-eta. Light me up da rock-and-roll bizi-bizia. Eta, azkenik, Aingurarik ez rock maltzurra, Kaliforniako melodiak eta Euskal rocka batzen dituen akaberako pieza.
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]