Genozidioa gelditzeko, BDZ eta gehiago
Nazioarteko Justizia Auzitegiak erabaki historikoa hartu berri du genozidioari buruzko konbentzioan, eta Hegoafrikaren salaketaren onargarritasuna berretsi. "Israelek Gazan herri palestinarraren aurkako ekintza genozidak egin ditu, egiten ari da eta egiten jarraitzeko arriskua du" esan, eta Israeli agindu dio ekintza genozida oro gelditzeko, bere militarrek ekintzok eragozteko, eta bermatzeko elikagaiak, ura, botikak eta premia humanitarioak Gaza okupatu eta setiatuan sartzea. Zergatik ez dute euskal alderdiek gauza bera esaten edo, are, egiten? Euren poltsikoen interesak galarazten dielako, noski! Hipokrita ustelak, etxean ahoa bete giza-eskubide duten horiek beraiek. Zoritxarrez, itxurazaleak izateaz gain, hiltzaileen kolaboratzaile ere badira. Zein izen merezi du, bestela, genozida babesten eta laguntzen duenak?
Izan ere, EAJren gobernuak ekonomikoki sostengatzen du genozidioa. ARGIAk argitaratu zuen sarraskia hastean: euskal enpresek ia 200 milioi euroko produktuak saldu zizkioten Israeli 2022an eta, 2023ko lehen erdian, kopuru hori %52 handitu zen. EAEko ekoizpen gehien erosten dituzten hogei herrialdeen artean kokatzen da estatu sionista. Irabazien erdia baino gehiago CAF enpresari dagokio, zeinaren %3 Eusko Jaurlaritzarena den. Bada, euskal gobernuak badu ardura zuzena, euskal enpresek beste hainbeste eta, Palestinarekiko Erantzukizun Plataformak aldizkari honetan berriki idatzi duen moduan, herritar guztiok ere badugu gure ardura.
BDZtik hasi eta ekintza zuzeneraino, egite oro da beharrezko bezain zilegi. Bide guztiak erabili behar ditugu, gehiegi gertatu delako gure begien aurrean
Hitzetik jardunera igarotzea baizik ez dago. Besteak beste, Boikotak, Desinbertsioak eta Zigorrak (BDZ) biderkatu eta egiazko bilakatu behar ditugu. Hegoafrikako apartheid-aren aurkako mugimenduan oinarrituta eta Israeli presio egiteko, 2005ean, Palestinako gizarte zibileko erakundeek (170 sindikatu, alderdi politiko, errefuxiatu sare, emakume elkarte, antolakunde, herri erresistentziako batzorde eta gizarte zibileko bestelako taldeek) BDZ mugimendua abiarazi zuten. Lorpenak nahikoak izatetik urrun badira ere, dagoeneko urrats esanguratsuak eman dira; esaterako, hainbat estaturen gobernuek Israelen dituzten inbertsioak bertan behera utzi dituzte, Suedia, Norvegia, Zeelanda Berria eta Luxenburgo, kasu.
BDZtik hasi eta ekintza zuzeneraino, egite oro da beharrezko bezain zilegi. Ditugun tribuna, bide eta molde guztiak erabili behar ditugu, gehiegi gertatu delako gure begien aurrean; geratzen diren palestinarren bizirautea denbora kontua baizik ez delako.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Gaur buruko minez iritsi naiz etxera. Ostiral iluntze hotz bat da; ez du euririk ari, baina haizeak bota ditu lurrera bi kontainer eta korapilatu dit ilea. 23:39 dio telefonoak. Lagunekin afaldu dut gure ostiraleroko tabernan. Barre asko-asko egin dugu, eta bihotza bete-beteta... [+]
Goizean jaiki orduko hasten dira desegokitasunak. Beharbada lotarako erabili duzun lastaira ere ez zen egokiena. Baina, ezin ba idatzi desegoki sentiarazten nauten guztiez. Horregatik, udaberriko ekinozioa –egunaren eta gauaren arteko oreka– dela eta, oraindik ere,... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Antropozentrismoaren aldaera traketsena eurozentrismoa izan zen. Europako mendebaldea, geografikoki, Kontinente Euroasiarraren penintsula txiki bat besterik ez da, baina lau mende luzez gertaera demografiko, teknologiko eta ideologiko batzuk zirela medio, bazter horretako... [+]
Badakizuenok badakizue, beste gauza asko bezala, euskararen aldeko borrokan ere politikoek, eragile batzuek eta hedabideek beraien antzezlana saldu nahi digutela, benetakoa balitz bezala.
Lehen urtean pozik jaso nuen, "Euskaraldi" hau. Zer edo zer zen, ezer ez zegoela... [+]
Euskarak, mendez mende, zapalkuntza sistematikoa jasan du, eta oraindik ere borrokan dabil egunerokoan bere leku duina aldarrikatzeko. Hizkuntza baten desagerpena ez da inoiz berez gertatzen; planifikazio politiko eta sozialak eragiten du zuzenean. Euskaldunoi ukatu egin izan... [+]
Oldarraldia ari du EAEko administrazioa euskalduntzeko erabakien aurka, berriz ere, enegarren aldiz. Oraingoan berrikuntza eta guzti, espainiar epaitegiak eta alderdi eta sindikatu antieuskaldunak elkarlanean ari baitira. Ez dira izan akats tekniko-juridikoak zuzentzeko asmoz... [+]
Igande gaua. Umearen gelako atea itxi du, ez guztiz. Ordenagailu aurrean esertzeko momentua atzeratu nahi du. Ordu asko aurretik. Zazpietan jaiki da, eta, bihar ere, astelehena, hala jaikiko da. Pentsatu gabe ekiten badio, lortu dezake gauak pisu existentzialik ez izatea. Akats... [+]
Naomiren etxeko eskailerak igotzen ari dela datorkion usainak egiten dio memorian tiro. "Ez da sen ona, memoriaren eta emozioaren arteko lotura da. Baldintzapen klasikoa", pentsatzen du Peterrek bere golkorako Intermezzo-n, Sally Rooney irlandarraren azken eleberrian... [+]
Joan den urte hondarrean atera da L'affaire Ange Soleil, le dépeceur d'Aubervilliers (Ange Soleil afera, Aubervilliers-ko puskatzailea) eleberria, Christelle Lozère-k idatzia. Lozère da artearen historiako irakasle bakarra Antilletako... [+]
Aspaldi pertsona oso zatar bat ezagutu nuen, urrun izatea komeni den pertsona horietako bat. Bere genero bereko pertsonengana zuzentzeko, gizonezkoengana, “bro” hitza erabili ohi zuen. Edozein zapaltzeko prest zegoen, bere helburuak lortzeko. Garai hartatik hitz... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]