Eroritako sabaiak, itoginak, hezetasunak... EHUren eraikinetako baldintzak salatu dituzte
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan ziguten, baina gabeziek bere horretan jarraitzen dute".
"Hotza pasatzen dugu, kalefakzioa gero eta beranduago piztu eta gero eta lehenago itzaltzen dute, eta ikerlari batek kontatu digu fakultate bateko eta besteko bulego askotan matxuratuta daudela berogailuak, eta berogailu elektriko txikiak pizten dituztela, legez kanpokoak, arriskutsuak izan daitezkeenak", kontatu dio ARGIAri Miren Aranguren EHUko ikasle eta UIB (Unibertsitateko Indar Batasuna) taldeko kideak. "Ez da bermatzen modu erosoan ikasi eta lan egin ahal izatea", kexu da.
Salaketa klaustrora eramana du UIBk, eta arazoei aurre egiteko aurrekontua egina zutela erantzun zieten arren, "orokorrean ez zaie konponbiderik eman; itoginek urteak daramatzate. Eta horren ondorio da adibidez Magisteritza fakultatean gertatu dena, hezetasunen eta itoginen ondorioz azkenean sabai zati bat erori da, eta orduan bai, konpondu behar izan dute, muturreko kasuei baino ez dietelako heltzen, sabai eta pareta eroriak, baina konponketa horiez ere ez gara gehiegi fio, egun batetik bestera egin dituzte eta adabaki itxura dute, berriz ere ez ote den gauza bera gertatuko...", dio Arangurenek.
"Itoginek urteak daramatzate, eta horren ondorio da adibidez Magisteritza fakultatean gertatu dena, hezetasunen eta itoginen ondorioz azkenean sabai zati bat erori da, eta orduan bai, konpondu behar izan dute"
EHUk kanpo-finantzazio gero eta gehiago bilatzen duela eta akordioak enpresekin egitearen poderioz unibertsitate publikoak egiten dituen "milioika euroko inbertsioek" enpresen interesak asetzeko helburua dutela uste du UIBk (master eta gradu jakinetara, eta kontrol sozialera bideratutako inbertsioak), "eta interes horietan inoiz ez da sartzen azpiegiturak eta ikasle eta langileen baldintzak hobetzea".
Horma eroriak eta ur-baldeak
UIBk identifikatuta dituen arazoen zerrendan, Leioako campusean, itoginak dituzte liburutegian eta GKZ eta Arte Ederretako fakultateetan. Ibaetako campusean, itoginak dituzte Kimikan, Zuzenbidean, HEFAn eta Magisteritzan. Azken horretan sabaiaren zati bat erori zen horren ondorioz, HEFA eta Psikologia fakultateko sabai zati bat ere erori da duela gutxi eta baita Ingeniaritzako horma zati bat ere. Kimikako laborategi batean, ke-kanpaia ez dabilela ere nabarmendu dute, "gasak-eta xurgatzeko ezinbestekoa, pentsa zelako segurtasun falta".
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]
EHUk Tel Aviv-eko unibertsitatearekin etorkizuneko lankidetzarako bideak ahalbidetzen dituen zibersegurtasuneko katedra bat sortu izanaren harira, bertako langileok interpelatuak izan gara hainbat lekutatik, eta esan beharra dut neurri handi batean lotsatuta sentitu naizela,... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]