Makina lepo
Ke Lepo
Izpi
Forbidden Colours, 2023
-------------------------------------------------------------
Inteligence Dance Music deitzen zaion estiloan mugitu da Ke Lepo. Musika estilo batentzako izen ponposoagorik okurritzen inori? Technoaren eta ambientaren garapen mota bat da IDMa; apur bat sofistikatuagoa izateaz gain, dantzalekurako pentsatuta ez dagoena. Apala eta zaratatsua, melodikoa eta disonantea, erritmikoa eta lasaia.
Esperimentazioan oinarritutako musika horrek artistaren ibilbidea jartzen du erdigunean, barrutik kanpora arituko balitz bezala, eta ez kanpotik barrura. Mark Fisherrek Burialen inguruko post-ravean topatu zituen garaiko Londres irakurtzeko gakoak. No Future berri bat, aldarrikapenik gabea, T.S. Ellioten eran: “Honela amaitzen da mundua, ez leherketa batekin, asperen batekin baizik”.
Kontrasteen diskoa da Izpi. Arreta jartzen ez badiozu, kantu bakarra izan daiteke, bidaia bat, batetik bestera mugitzen zaituena. Barru paxira-n sartzen da lasaitasuna, eta horren ondo neurtutako sintetizagailu zaharrekin egindako koltxoia. Bai, Alejo Orbegozo musikari zestoarrak bere sintetizagailu eta katxarro zahar guztiak jarri ditu martxan. Vintageak baduelako soinu berezia, egungo preseten diktaduratik aldendu, eta arima pixka bat esleitzen diona konposizioari.
Makinengan konfiantza jartzen dugu. Gehiago harrituko gaitu sintetizagailu modular batek egiten duen ausazko polirritmiak, gure pop talde ezagunenaren estribilloak baino. Nahigabe ari da gertatzen musika, akaso ez dakigulako nora goazen. Zer egin? berri bat behar dugu, artea ekintzarekin lotuko duena.
Artearen funtzioetako bat da, hain zuzen, ekintza sortzea. Espazioa irabazi dute, azken urteotan, promotoreek eta enpresen markek antolatutako espazio, erabat zaporegabeek. Ke Lepo entzuteko afterrak asmatu behar ditugu Euskal Herri osoan zehar. Edo gaztetxeak, noski. Diruak aginduko ez duen edozein gune, musikak musika baino askoz gehiago eskaintzeko aukera izan dezan. Burialek Londres irakurri zuen eran, irakur dezagun gure herria, eta noski: ehortzi.
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]
La Urbe
Chulería, JODER!
Autoekoizpena, 2024
-------------------------------------------------------------
Bizkaiko Ezkerraldean nerabezaro berantiarrean sortutako Desorden taldeak nire arreta piztu zuen haien gaztetasunean punk-rocka sinesgarri eta fresko... [+]
Entzun bilduma 2023
Askoren artean
Eragin
------------------------------------------------
Bitxia da Entzun aldizkaria. 1990eko hamarkadan sortua, euskarazko musika aldizkari aitzindaria da eta bakarra –Izu Giroa hardcore-punk fanzinea salbu–. Desagertzear... [+]