Iran, Hezbola, Itsaso Gorria… Gerra Gazatik Ekialde Hurbilera zabaltzeko arriskua erreala da
Azken asteetan zabalduz zihoan mehatxua geroz eta errealagoa da: Gaza erabat suntsitzen dabilen gerra Ekialde Hurbilera hedatu daiteke. Hiru lurralde dira tentsio gorenean –Hezbolaren bidez Libano, Iran eta Itsaso Gorria– eta beste batzuk ere sartu daitezke dantza makabroan aurki: Qatar, Turkia...
Iran: urtarrilaren 3ko atentatuarekin tentsioa gora
Urtarrilaren 3an Irango Kerman hirian buruturiko atentatuak giroa are gogorrago bihurtu du. Qasem Soleimani Irango Guardia Iraultzailearen buruzagiaren heriotzaren laugarren urteurrena gogoratzeko ekitaldian bi lehergailu zartarazi eta ehun lagunez gora hil eta beste 210 bat kolpatu dituzte. AEBek hil zuten 2020an Soleimani, drone bidez, eta orduz geroztik urtero dira milaka herritar batzen bere hilarriaren inguruan.
Oraindik ez du inork beregain hartu eraso hilkorra, baina Israeli eta AEBei lotu diete erasoa Irango buruzagiek. Ondokoa adierazi du, besteak beste, Irango presidentearen aholkulari Mohammad Jamshidik: "Erregimen amerikar eta sionistek dute krimen honen ardura eta terrorismoa dute tresna". Ali Khamenei Irango aiatolak egunean bertan argitu du "erantzun bortitza" bideratuko dutela. Parean, AEBek "absurdotzat" jo dute leporaturikoa eta "Hamasen aurkako guduan zentraturik" dela nabarmendu du Israelek, atentatuarekilako lotura deuseztatuz.
Talde armatu sunita batzuei ere lotu diote atentatua hainbat iturrik, batez ere erasoaren izaerarengatik –bi bonba, bi leku ezberdinetan, denbora-tarte labur batean biak zartaraziz–. Israel eta AEBez gain, EI-E Khorasango Estatu Islamikoa taldea ala Jaish Al-Adl erakundea aipatzen dituzte Mediapart komunikabide independentearen iturriek. Dena dela, AEB eta Israelen aurkako haserrea puztu besterik ez du egin ezbeharrak.
Iranen inguruko milizia islamistak dabiltza jadanik AEBek eskualdean dituzten posizioei eraso egiten. Horien artean dira, besteak beste, Irakeko Erresistentzia Islamikoa, drone bidezko erasoak burutzen dabilena.
Hezbola: erasoen indarra areagotzeko gaitasuna daukan erakundea
Irango atentatuaren bezperan jadanik berotuz zihoan Ekialde Hurbileko giroa. Urtarrilaren 2an Libanoren hiriburua erasotu zuen Israelek, bertan ziren Hamasen adar politikoko buruzagiorde Saleh al-Aruri eta taldeko beste sei goi kargudun hilez. Zehaztu beharra dago Saleh al-Aruri zela su-etenari buruzko negoziaketetako Hamasen solaskide nagusienetarikoa.
Hezbolaren kontrolpeko eremu batean gertatu da erasoa, eta milizia xiita horrek argi utzi du hilketa hori ez dela "zigorrik gabe" geratuko. Hilketaren biharamunean argitu du bere postura Hezbolaren idazkari nagusi Hassan Nasrallahak: "Oraingoz fronteari mugatzen gara, modu kalkulatuan gabiltza, (…) baina etsaiak Libanoren aurkako gerra abiatuz gero, borroka eramango genuke mugarik gabe eta mugen gainetik". "Entrenaturiko eta armaturiko 100.000 borrokalari" ditu Hezbolak, Nasrallaharen erranen arabera. Israelen aurkako 2006ko gerraz geroztik berritu eta emendatu du bere armategia, eta milizia bat baino "benetako armada" bat dela diote aditu bat baino gehiagok, daukan erasotzeko gaitasuna azpimarratuz.
Tentsioa areagotu besterik ez du egin, itxura guztien arabera, Israelek nazioarteko zuzenbidea urratu eta Libanoren hiriburua erasotu izanak. Orain artean, elkarren aurkako erasoak mugaren inguruan dira baina puztuz doa Israelen hiriburua jomugan hartzeko arriskua.
Hori horrela, egoera baretzeko ahaleginetan dabil Libanoko Gobernua. Abdala Bu Habib Atzerri ministroak adierazi du Hezbolako buruekin elkarrizketak hasi dituztela, haiek "konbentzitzeko" Israeli leporatutako erasoari erantzun ez diezaioten. "Biziki kezkatuta" dago Libanoko Gobernua, Nazio Batuen Libanorako Indar Behin-behinekoen bozeramaile Kandice Ardielen arabera.
Itsaso Gorria: AEB eta Israel erasotzeko gune estrategikoa
Huthi Yemengo matxinatu xiiak ere armaturik dabiltza Israelen aurka eta Palestinaren askapenaren alde. Hain zuzen, misilak eta droneak jaurtitzen dabiltza Itsaso Gorritik barrena Israelerantz doazen ontziei. Erantzun gisa, Prospery Guardian izeneko itsas-koalizio militar baten osaketaren berri eman zuten abenduan AEBek. Huthien erasoei erasoen bidez erantzunen duen koalizio militarra da eta AEBak, Erresuma-Batua, Bahrain, Kanada, Frantziako Estatua, Italia, Herbehereak, Norvegia, Seychelleak eta Espainiako Estatua ditu kide –azken honek zehaztu du Europar Batasunaren edo NATOren erabakiaren beha egonen dela operazioan aktiboki parte hartzeko–.
Bertako egoeraren berri dakar ARGIAko 20.000 palestinarren bizitzek baino balio gehiago dauka kargaontzi batek... erreportajeak.
Qatar, Turkia… Horiek ere jomugan hartzeko arrisku arduragabea
Izan Gazan zein nazioartean, Israelek argi utzi du bururaino segituko duela Hamasen aurka. Ulertu behar ote da Libanoz gain, beste herri batzuetan ere bideratuko dituela erasoak? Baliteke. Funtsean, duela hilabete zabaldu zen Israelgo barne-segurtasunerako buru Ronen Bar-ek adierazitakoa: "denetan" erasotu dezaketela Hamas, baita "Libanon, Qatarren edota Turkian". Adierazpen horiek gauzatuz gero, gerra Ekialde Hurbilera zabaltzeko arriskua are errealagoa litzateke.
Hori da Israelgo hedabideetan azken egunotan bolo-bolo dabilen albistea. Baieztapenaren inguruan auzi ugari daude, eta horietako batzuk ikerketa judizialean aztertzen ari dira. Israelgo Estatuko Fiskaltza urriaren amaieratik ikertzen ari da Benjamin Netanyahu Israelgo lehen... [+]
Gazako herritarrei arma kimikoarekin eraso egin izana salatu du NBEren Giza Eskubideen Bulegoak ostiralean argitaratutako txosten batean. Fosforo zuria nazioarteko legedian debekatuta ez dagoen arren, debekatuta dago populazio zibilaren aurka erabiltzea.
Gazaren aurkako sarraskiak kirolean ere badu islarik, bateko eta besteko ekintzek erakutsi dutenez. Futbolean, zehazki, urak harro datoz, Israeleko taldeek Europako estadioetan jokatzen duten bakoitzean agerian geratzen den moduan. Pasa den astean Amsterdamen gertatutakoek,... [+]
Israelgo armada urria osoan bereziki gogor aritu da Gazako iparraldean, eta egunotan ere azken urteko erasorik gogorrenak egiten ari da bertan, ehunka pertsona hilda, gehien-gehienak zibilak eta tartean hamarnaka ume. Herritarrei Gazako hegoaldera joateko agindua eman diete... [+]
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra... [+]
Turkiaren ekimena babestu dute nazioarteko herrialde ugarik, gehienak arabiarrak edo islamiarrak, baita Hegoafrika, Brasil, Kuba, Errusia, Norvegia eta Vietnamek ere, besteren artean.
Gazako iparraldeko Beit Lahiya hiria setioan dago eta Israelen etengabeko erasoaldiek gutxienez 120 palestinar hil dituzte azken aldi honetan. Astebete baino gutxiagoan, urriaren 24tik 29ra bitartean, NBEk “biktima masiboak” izan dituzten zazpi eraso erregistratu... [+]
Errefuxiatu palestinarrei giza laguntza emateko lan egiten duen NBEren agentziari jarduna galarazi diote. Asteartean onartu du legea Israelgo legebiltzarrak, gehiengo oso zabalarekin. 1967an sinatu zen akordioa indargabetuko du Israelek.
Israelgo armadak dio sei kazetariak Hamaseko eta Jihad Islamikoko kideak direla, baina ez du hori egiaztatzeko frogarik eskaini. Horren ondorioz, eta aurrekariak ikusita, Aljazeera eta sei kazetariak beldur dira gerta daitekeenaz.
Realak Israelgo Tel Aviv-eko Maccabiren kontra jokatuko du ostegunean Belgradon. Segurtasun arazoak direla-eta, ez dute Israelen jokatuko. Talde txuri-urdineko zaletu batzuek Realari eskatu diote Palestinaren aldeko keinuren bat izateko, baina Jokin Aperribay presidenteak argi... [+]
Zisjordanian bezala, Gazako lurretan ere asentamenduak ezartzea eta bertan finkatzea planteatu du Israelgo Gobernuko Segurtasun Nazionalerako ministro ultraeskuindarrak. Horretarako, aukera onena palestinarren “emigrazioa sustatzea” dela adierazi du.
Urriaren 21erako, mobilizazioak deitu zituen Gernika Palestina izena hartu duen sareak. Palestinak pairatzen duen genozidioa salatu, eta bakearen alde egiteko ekimena omen da, eta nekez jar gaitezke bi kausa horien kontra. Elkartasunak palestinarren alde lerratzera garamatza,... [+]
Asteburuan indiskriminatuki bonbardatu ditu Gaza eta Beirut hegoaldea. 2023ko urriaren 7az geroztik, 42.600 pertsona baino gehiago hil ditu Israelek Palestinan, Gazako Osasun Ministerioak zenbatu ahal izan duenaren arabera. The Lancet aldizkari zientifikoak uztailean kaleratu... [+]
Urtebete pasa da palestinar erresistentziak burua altxatu eta Israelek inoiz egin duen ofentsibarik bortitzena hasi zuenetik. Tamalez, egoerak okerrera egin du, Israelek bere ofentsiba areagotu baitu palestinar lurrez harago, Libano, Siria, Yemen edota Iranen aurkako eraso... [+]
Yahya Sinwar Hamaseko burua hil ondoren, Ekialde Erdiko gerrak nola jarraituko duen aurrera mintzagai da hilketaren biharamunean. AEBek, Joe Bidenen ahotik, berehala iragarri dute orain su-etenak bidea libre izan dezakeela. Bide beretik jo dute Mendebaldeko hainbat buruzagik... [+]