Benetako filigrana
Euskadiko Orkestra Sinfonikoa
Zuzendaria: Juraj Valcuha.
Narratzailea: Dorleta Urretabizkaia.
Egitaraua: Copland eta Mahlerren lanak.
Non: Gasteizko Principal Antzokian.
Noiz: Abenduaren 15ean.
-------------------------------------------------------
Euskadiko Orkestrak bat egin du Giza Eskubideen Adierazpen Unibertsalaren 75. urteurreneko ospakizunekin, eta abonu-kontzertu bat eskaini du, Aaron Coplanden Preamble for a solemn occasion lanarekin. Lan horrekin ospatu zen, hain zuzen ere, deklarazio horren lehen urteurrena. Oraingo honetan, obra horren diskurtso-bertsioa eman da, Dorleta Urretabizkaiak euskaraz irakurritako testuarekin.
Obra 1949an sortu zen, aipatutako efemeridearentzat hain zuzen ere, eta Euskadiko Orkestraren kontzertu honen abiapuntua izan zen, Juraj Valcuha zuzendari eslovakiarraren batuta bereziarekin.
Bratislavan jaio eta gaur egun Houstongo Orkestraren zuzendari titularra den Valcuharen zuzendaritza izan zen kontzertuaren gauzarik azpimarragarriena. Zuzendaritza zorrotza, bikaina, ia kirurgikoa bere perfekzioagatik. Horrek aukera eman zigun programa osatu zuten bi lanen motibo eta frase bakoitzaz gozatzeko.
Coplanden obra, sei minutu eskasekoa, irmo iritsi zen entzuleengana. Obrak, nahiz eta 74 urte igaro diren konposatu zenetik, ez du freskotasun izpirik galdu. Soinu-ehundurak gardentasunez eta dotoretasunez hautematen diren lana da. Ederra.
Baina, agian, Valcuharen zuzendaritza perfektua nabarmenago geratu zen programaren bigarren obran. Gustav Mahlerren 1. Sinfonia re maiorrean 'Titan' xehetasunez betetako oparia izan zen. Aipatu bezala, zuzendaria Bratislavan jaio zen, Kalistetik –Mahlerren jaioterritik– 200 kilometrora. Agian xehetasun horrek azaltzen digu zuzendariak duen konpositore bohemiarraren soinu-munduaren ulermen eta itzulpen perfektua.
Sinfonia erraldoi honen ñabardura guztiak argi eta garbi azaldu zituen zuzendariak. Muturreraino disekzionatu zituen. Sinfoniaren mugimendu bakoitzak giroa eta ñabardura egokia adierazi zituen, baina mugimenduetako bat nabarmendu behar badugu, hirugarrena –Feierlich und gemessen, ohne zu shleppen (solemnea eta neurritsua, arrastatu gabe)– izango litzateke. Valcuhak motibo bakoitzaz egin zuen transizioa magistrala izan zen. Modu minorrrean egindako Frère Jacques famatutik, bohemiar melodia goxora, hungariar giroko zirku kutsuko pasarteetatik pasata, dena oso argi zegoen, garbi-garbi, eta oso igarobide dotoreekin.
Benetan zoragarria Valcuhak orkestrarekin egindako lana. Zorionak.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.
Luxenburgoko Orkestra Filarmonikoaren lehen kontzertuak erromantizismo berantiarraren kutsua izan bazuen ere, bigarren topaketan taldeak bi obra zirraragarri interpretatu zituen, istorioak kontatzen zizkigutenak. Obra exigenteak ziren, batez ere adierazkortasunaren aldetik, eta... [+]