Urteroko opari fisikoa
Entzun bilduma 2023
Askoren artean
Eragin
------------------------------------------------
Bitxia da Entzun aldizkaria. 1990eko hamarkadan sortua, euskarazko musika aldizkari aitzindaria da eta bakarra –Izu Giroa hardcore-punk fanzinea salbu–. Desagertzear egon bazen ere, bizirik jarraitzen du, nahiz eta azken hamarkadatan urtean behin bakarrik ikusten duen argia, urtekari gisa eta modu fisikoan: liburuan. Hala deitu arren, ez da espresuki urtekari bat, ez baitu urtean jasotako guztia batzeko asmorik. Hala, urteak musikagintzan Euskal Herrian eman duenaren lagin interesgarria eta mamitsua ekartzen du beti dozenaka egileren erreportaje, elkarrizketa, argazki zein iruzkinen bitartez. Eta ia beti kantu bilduma bat ere jasotzen du.
2023koan ere hala izan da, eta are eta fisikoagoa gainera: biniloan kaleratu dute bilduma lehenengoz, eta batu dituzte argitaratu gabeak edo euskarri fisikoan orain arte plazaratuta ez diren hamaika kantu.
Euskal Herriko synth-elektro-punkaren aitzindari Munlet-ek zabaltzen du diskoa Devo-ri gorazarre eginez. Atzetik dator Otoi intriga eta sentimenduz jositako post eta pop-rocka lantzen. Mice-k ariketa berezia eskaini digu, gaztetako Patti Smith-en energia eta kadentzia duen perla basatia, Zaballako espetxean grabatua. Arima Soul, DJ Farrapo-ren laguntzarekin, are eta dantzagarriagoa bilakatu da soul, doinu latino, electroswing eta elektronikarekin. Niña Coyote eta Chica Tornado-k Txile-n estudio batean inprobisatutako pieza pisutsu garbi eta distiratua oparitu digu.
B aldea, bestalde, swing eta gipsy musikaren hastapenetan arakatzen duen Erromintxelak talde arrasatearrak zabaldu du. Gailu-k azkenean argitara eman du zuzenean gozarazten digun Sleaford Mods taldearen Atzeak musukatzen bertsioa. Petti handiak iraungitze datarik gabeko Egun bat gehiago hit!-aren lehen tomari, Berako Aduanan jasoa, hautsa kendu eta distiratsu plazaratu du. Irungo Bobbi Relac multi-instrumentistak giro eta bidaia desberdinetan (exotikoa, psikodelia…) murgilduarazi gaitu. Uger-ek tanta psikodelikoak batzen dituen kantu baikorra erregistratu du. Eta, azkenik, Muare bikoteak goxotasuna eta esperimentazioa batu ditu sehaskan.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]