Israel eta judutarrak, denek pentsamendu bakarra balute bezala irudikatu dute maiz hedabide hegemonikoek, Israelgo Gobernuaren erabakiekin eta indar armatuak aurrera eramaten ari diren genozidioarekin bat egingo balute bezala. Baina israeldarren eta judutarren euren artean, ahots kritikoak eta protestak ikusten ari gara han-hemenka, munduan barna.
Hori bai, gobernuaren politika salatu edo are, kritikaren bat egiteko ausardia duenari, errelato hegemonikoa zalantzan jartzen duen orori gogor erantzuten diote Israelgo agintariek. Horren erakusgarri, Hamasek bahituriko 85 urteko Yocheved Lifschitz. Bahitu eta egun batzuetara askatu zuten, "arrazoi humanitarioak" argudiatuta. Lifschitzek esan zuen bahitzaileek ongi tratatu zutela eta hori ez zitzaien Israelgo agintariei gustatu. Hamasi propaganda egin izana salatu zuten eta emakume hori hedabideen aurrean jartzea akats gisa baloratu zuten. Israelgo hedabide nagusiek ere, bahituaren prentsaurrekoa kritikatu zuten.
Haaretz hedabide israeldarrak berriki plazaratutako editorialean, gogor kritikatu du gobernuan eskuin muturrak duen indarra, eta nabarmendu du Netanyahu ez dela soluzioa, arazoa baizik, urteotan Israel muturrekoago bilakatzeagatik, eta Israelgo gizartean adostasunik ez duten ideia eta balioak normalizatzeagatik.
Ildo berean, Palestinaren okupazioa gaitzesten duten Israelgo militar ohiek, Breaking the Silence elkartean bildurik, irakurketa plazaratu dute egunotan, Israelen “sarraski ikaragarria eta kriminala” gaitzetsiz. “Ezer txarrik egin ez duen herri bat erasotzen jarraitzen badugu, gure lorpen bakarra izango da biolentziaren eta odol isuriaren zikloa behin betikotzea”.
Gutxienez 23 palestinar hil dituzte Nuseirat errefuxiatu kanpalekuko eskola batean. Genozidioa hasi zenetik “aste odoltsuenetakoa” izan da azken hau, UNRWAren arabera.
Bonbardaketarik tragikoena larunbatean burutu zuen Israelgo Armadak, desplazatuen ehunka dendaren aurka, Al Mawasin, Gazako hegoaldean. Israelgo Armadak "eremu humanitario seguru" izendatu zuen eremu hori. Gutxienez 90 pertsona hil eta 300 zauritu zituen bost misil eta... [+]
Sionista hitza daukaten argitalpenak ezabatuko ditu, juduei edo israeldarrei erreferentzia egiten dieten kasuetan. Orain arte baino modu zabalagoan hartuko dute erreferentziak aztertzeko irizpidea, eta sionisten aurkako mugimenduei eragin diezaieke.
Gazatik itzulitako soldaduek aitortu dute bertan ez dagoela tiro egiteko irizpiderik. Armada sionistak nahieran egiten du tiro, etxeak erre eta gorpuak lurrean botata utzi, guztia komandanteen onespenarekin.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.