‘Masterclass’ bat Sanagustinen
Ithaka + Ibil Bedi
Noiz: Urriaren 21ean.
Non: Azpeitiko Sanagustin Kulturgunean.
(Argazkia: Kulturaz kultur elkartea)
-----------------------------------------------
Aitortu behar dut: beste arte diziplina batzuekin egiten ez dudana egiten dut musikarekin eta gutxitan joaten naiz ezagutzen ez ditudan musika taldeen kontzertuetara. Oholtzaz gain, afaria ere konpartitu dugu gaur Ithaka taldeko laukotearekin: Josune, Leire, Aran eta Enekorekin.
Ez da Azpeitiko Sanagustinen jotzen duten lehenengo aldia, duela hilabete batzuk eskaini zuten kontzertua aretoko oholtza txikian. Soinu proban ikusi ditut eta saihestezina egin zait eszenatokian ikusten ari nintzen lau gazteak duela urte batzuetako Ibil Bedi-rekin konparatzea. Lau urte dira guk aretoko oholtza txikian jo eta handian egotearekin amestu genuela, eta hauek hilabete batzuk besterik ez dituzte behar izan. Normala. Lehenengo kontzertu hura ez dakit nolakoa izanen zen, baina ez dut uste gaur emandakotik oso urruti ibiliko zenik eta… uf, agian hasieratik behar zuten handian.
Entsalada eta oilasko izter artean galdetu diet, ea zein sentsaziorekin nahi zuten bukatu gaur kontzertua, zein zen haien “helburua”. Argi dute laurek: kontziente dira horrek beti duela eragina, baina ez dute publikoaren feedbackaren araberako aldartean egon nahi oholtza gainean, ez lukete horrek haien jarrera baldintzatzerik nahi.
Mutil bakarra da taldean eta ez, ez da bateria. Hutsik dago oholtzaren erdialdea batzuetan, kantuaren arabera hartzen du batek ala bestek. Erdigune hori denena da eta, aldi berean, ez da inorena. “TOC-en antza dute” entzuna nuen aurretik eta bai, izan daiteke, baina ez dut uste inorekin konparatzerik behar dutenik. Flipatu dut kontzertuarekin. Batzuetan pasatzen da: edo “kalitatea” (kakotx artean, zaila da hitz hori kakotxik gabe idaztea) edo jarrera. Baina hauek biak dituzte. Eta 19 urte. Dena den, abisatu dit Aretak, jarrerarenak harritzen gaitu neskak direlako, Amets. Eta hor ere, bai, arrazoi.
Orioko Arraunetxen jotzen egon ginenean elkar ezagutzen ari zirela kontatu digute eta Enekok kontzertu hartako gure set list-a ekarri du, espreski guri erakusteko. Ez naiz ni bereziki errazki hunkitzen denetakoa, baina, jolin… ze ilusio handia.
Esanen nuke haiek jotzen bezain ongi (edo ia-ia) pasa dudala nik entzuten. Eta beti gertatzen zait (orokorrean hala dela esanen nuke) kantuak dakizkidanean askoz gehiago gozatzen dudala kontzertuetan. Oxala kantuak jakin izan banitu, pentsatu dut behin baino gehiagotan. Hilabete eskas falta da haien lehenengo diskoa izango den Biluzten-ek argia ikus dezan. Hortik aurrera, ez dut denbora galduko.
Afaldu bitarteko elkarrizketagatik, oholtza gaineko masterclass-agatik eta gaurkoan Sanagustineko eszenatoki gainean gizon baino emakumezko gehiago egotea ahalbidetzeagatik, eskerrik asko eta laster arte, Ithaka.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.