Gora Palestina eta Kurdistan askeak!
Zer entzuten da gurean bi herri zapalduoi buruz? Nola ez, egunotan, Palestinak lerroburu handiak hartu ditu. Sutan dira azken ordukoak eta tertulistoak, palestinarren etxeak sutan diren bitartean. Kurdistanen, berebat, bonba-euria ari du; beraiek ez dute, ordea, gaurko titulu handien lekua hartu, Turkiak azken aspaldiko erasorik handienetakoa abiatu duen arren Rojavako hiri nagusien aurka.
Irakurri dut, halaber, zenbaitek idatzitako deialdia “eraso guztiak gelditzeko”, elkarrizketarako gonbita eginez, “gatazkak konpontzeko bide bakar” gisa. Aldiz, nekez lortzen da elkarrizketa bonbak buru gainera botatzen ari zaizkizunean. Ez dut ez dakigunik esango; urteak dira nola kurduek hala palestinarrek era guztietako gehiegikeriak pairatzen dituztela: mugikortasuna ukatzea, errefuxiatu eta presoen aurkako politika, haurren hilketa eta eskubide urraketa, lurren konfiskazioa, erlijioaren inposatzea, militarren probokazioak, beraientzat santuak diren lekuen profanazioa, Gazako eztanda demografikoa, hilketa, tortura eta masa-bonbardaketak… Noiz arte jasan behar dute, bada, bortizkeria eta laido amaigabea erantzunik eman gabe?
Uste dut ezkerreko mugimendu iraultzaileok anbiguotasunik gabe hitz egin behar dugula: ez da gerra bat, okupazioari erantzuteko zilegizko autodefentsa baizik
Husni A. Wahed-en hitzetan, fisika legea da: zenbat eta presio altuagoa, orduan eta leherketa arrisku handiagoa. Zortzi hamarkada dira inperialistek lurraldea okupatu zutenetik. Bada, Estatu sionistak 80 urte luze daramatza eztanda hori elikatzen, palestinarren kontrako aipatu sarraski politika etengabearekin. Gertatutako leherketa “Israel eta Palestinaren arteko gerra” deitu diote komunikabide gehienek, baita ezkerreko hainbat euskal hedabidek ere. Gerra hitza erabiltzean, ordea, parekatzen dituzte zapaltzaileak eta zapalduak. Mikel Aramendi saiatu da hobeto zehazten: gerra asimetrikoa da honakoa. Nik gehituko nuke herri guztiek duten autodefentsarako eskubidea gauzatu dutela palestinarrek. Uste dut ezkerreko mugimendu iraultzaileok anbiguotasunik gabe hitz egin behar dugula: ez da gerra bat, okupazioari erantzuteko zilegizko autodefentsa baizik.
Gazan eta Kurdistanen ukabila altxatu dute, betiere, setazko eskularru batean bilduta: borroka eginen dute, egunen baten, estatu inperialistek ukatzen duten elkarrizketa gauzatu ahal izateko. Ageriko ezberdintasunak gaindituz, kideko aldarrikapenak dituzte: errefuxiatuen itzulera, presoen askatasuna, beraien lurralde eta etxeetara bueltatzeko aukera, aske, duin eta bakean bizitzeko eskubidea...
Kurduek aspaldi egin bezala, palestinarrek duintasun ariketa bat egin dute oraingoan, baita munduko indar antiinperialistoi laguntzarako deia luzatu ere. Nola erantzungo diegu?
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Kointzidentzia harrigarriak daude bizitzan. Izan ere, zenbat ikusle elkartu litezke Arriaga antzokian? Zenbat komun ote daude solairu bakoitzean? Zein probabilitate dago Gipuzkoako emakume bik sartu-irtenean leku eta istant berean kointziditzeko, 35 urtean elkar ikusi barik egon... [+]
Transfeminismoak argia eta konplexutasuna ekarri ditu gorputz, genero eta desirei buruzko eztabaidetara. Hala ere, itzalak ere sortu ditu. Ustezko koherentzia politiko erradikal baten izenean –askotan hegemonia oso zehatz bati lotua–, diskurtso transfeminista batzuek... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]