Ernaiko kideak Bilbon eta Gasteizen kateatu dira, Barbado eta Zelaiaren espetxeratze aginduaren kontra
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.
Ernaiko kideak Bilboko Espainiako Gobernuaren ordezkariordetzan eta Gasteizko Ertzaintzaren komisaldegian kateatu dira, Galder Barbado eta Aitor Zelaiaren espetxeratze agindua salatzeko. Ostiral goizean izan dira ekintzak.
Eraikin horietan kateatu dira espetxeratzea Espainiako Auzitegi Nazionalak agindu duelako, eta gazteen aurkako ikerketa "EAJren Ertzaintzak" abiarazi zuelako.
Bilbon bi pertsona kateatu dira eraikinean eta hamarnaka kidek eserialdia egin dute Moyuan eta errepidea moztu. Ertzaintzak protesta egin duten guztiak identifikatu ditu, eta gazteen aurka oldartu da.
Gasteizen ere Ertzaintzak protestan ari zirenen aurka jo du, eta bost kide atxilotu ditu, kateatuta zeuden biak eta babesa erakusten ari ziren hiru.
Zelaia eta Barbadoren aurka lau urteko espetxe-zigorra, urtebeteko zaintzapeko askatasuna eta hamar urteko inhabilitazioa agindu du Audentzia Nazionalak. "Material lehergarriak" zituen bidoi bat "helburu terroristekin" gordetzea egozten diete.
Mobilizaziorako deia
Goizeko ekintzekin Ernaik eta AnkerkeriariSTOP plataformak antolatutako mobilizazioetara batzeko deia egin dute. Ostiral arratsaldean Bilboko Moyua plazatik abiatuko da manifestazioa, 19:00etan. Mobilizazio nagusia Gasteizen izango da, irailaren 30ean. 18:30ean abiatuko da, Artium museoko plazatik.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
John Weissman sionista Sadarrera joatekoa zenean, Palestinarekin elkartasunez argitaratu zuen mezu bat Indar Gorrik. Adierazpen horiekin lotuta, pertsona bat auzipetu du Espainiako Poliziak, iritzita gorroto-delitu bat egon daitekeela.
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]
Azken hiru urteetan %13,7 igo da Eusko Jaurlaritzaren segurtasun-aurrekontua. Datorren urterako igoera 44 milioi eurokoa izango da.
Ostiralean izan da urriaren 11n atzeratu zen epaiketa eta langile akusatuak bere errugabetasuna aldarrikatu du epailearen aurrean. Hemen ikus daitekeen bideoa erabili dute hori erakusteko.
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Ankerkeria stop! plataformak deituta manifestazio jendetsua egin zuten larunbatean, Galder Barbado eta Aitor Zelaiari ezarritako lau urteko espetxe zigorraren aurka. Ostiralean agortu zuten bi gazteek beren borondatez espetxean aurkezteko epea, eta larunbatean bertan,... [+]
Azken asteetan Euskal Herriko txoko ezberdinetan egin dituzte gazteen atxilotze agindua salatzeko ekintzak. 2019an atxilotu zituen Ertzaintzak gazte arabarrak. Sei hilabete igaro zituzten espetxean, baldintzapean aske utzi zituzten arte. Prozesu judiziala lau urtean luzatu da.
Orain arte bi kideren aurka hamazazpina urteko espetxe zigorra eskatzen zuen, beste biren aurka bina urtekoa eta azkenaren aurka urte eta erdikoa. Gaurko epaiketan, ordea, lauren kontra urtebeteko zigorra eta bosgarrenarentzat urte erdikoa eskatu du.