Musikak eramaten gaituenerat
Harat
Harat
Autoekoizpena, 2022
---------------------------------------------------------------
Post-rocka, post-punka, post-hardcorea... Iraganetik datozen aterkiak dira. Inork gutxik daki zehazki zer estaltzen duten eta zer ez, nor busti eta nor ateri den. Eta, paradokixoki, nire semeetako batek, 7-8 urtetako inozentziakin (edo agian musika latinoa entzun aurretik… ji-ji) modu oso grafikoan deskribatu zuen: “Punka edo hardcorea dramarekin”. Arrazoia! Post aurrizkia jartzen dizkiogun talde ia guztiek daukate drama, malenkonia poso edo urgentziatik harago zama ilun bat, bereizi, interesgarriago eta askotan misteriotsu bilakatzen dituena.
Bestalde, sortzeak badauka oinarri drama edo barruko mina. Eta tesitura horretan gorde edo atera, honat edo harat egiterakoan, garrantzitsua da bigarrenaren alde egitea bizilege. Horixe bera egin du Ibai Gogortzak, dozenaka musika proiektutan burubelarri ibilitakoa den eta dabilen beratarrak (Joseba Irazoki Eta Lagunak, Mice, Joseba B Lenoir, Satelitik…), oraingoan bere kantu propioak idatzi ostean plazaratzeko jarraitu duen taupadan. Hitzak eta musika idazteaz gain, gitarra eta ahotsaren ardura hartu du (biena batera lehenengoz) Gogortzak, dotoreziaz, Iñigo Telletxea baxuan eta Mattin Arbelaitz baterian lagun dituela.
Borrokan taldeko kide ere badira Gogortza eta Telletxea; hau da, musikan eta bizitzako proiektuetan orpoz orpo aritutakoak; eta Arbelaitz entsegu lokaleko bizilaguna. Hara, ezinbestekoa da kantaren batean Borrokan-en arrastoa izatea, baina harago doa bederatzi abestitan batutako emaitza: hirukotea fina da testuratan, giroan, intentsitatean eta bere baitan ñabardura oso irekiak batzen dituzten piezak eraikitzen. Badira une langidoak, indartsuak, erritmo jostariak, riff malenkonikoak, intentsitate sarkorrak, industrial pisutsua, une kiribilduak, poesia baita Xabi Erkiziak landutako jantzi berezia ere, besteak beste.
Antza, buelta askorik eman nahi izan gabe, Iñigo Irazokirekin grabatuak izan diren zirriborroak dira hauek, freskotasunari eutsi nahi eta horiek harrapatuta utzi nahi zituenak. Hortaz, post-ari baino momentukoari erreparatu beharko diogu arretaz!
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]