Testamentu berria
Katu
Bilboko Areatzan, Aste Nagusian (abuztuaren 25ean).
--------------------------------------------------------------
Beti iruditu izan zait gure Disneyland txikia dela Bilboko Areatza Aste Nagusian, oraindik gogoan dut 16 urte bete berritan lehen aldiz hara eskapatu ginenean flipatu nuena (eta errotonda batean lo egin izana). Mini hiri bat (niretzat) hiri handi baten barruan astebetez. Euskal Herriko hiriburuetako jaietan onenak.
Nafarroa Garaian ohituak gaudenaren kontrara, lotara joateko orduro garraio publikoa hartzeko aukera izateak larritasuna kendu dio euri iragarpenari. Trenetik atera eta kaputxa denak burura. Ezagun batzuek kontzertua dute 21:30ean eta topatu dugu leku erdi-babestu bat Arriaga Antzokiko arkupeetako baten azpian. Gu–euri gortina–Askapeña konpartsa.
Eneko, Beñat (Malakias ere badena) eta Iker gazte durangarrek osatzen dute Katu, oker ez banago aurretik Parkatu izandakoaren bilakaera (aldaketa batzuekin). Gitarra, baxua, bateria eta ahots autotuneatuak. Gure ondotik pasa da Eneko kontzertuaren aurretik eta pozik agurtu gaitu lau metro karratuko oholtzara igo aurretik. Karpa goraino eta ni prest boligrafoa eta EHUko koaderno bat eskutan, nire lagun Asierrek esanen lukeen bezala, ohartxoa ematen (dando la nota).
Momentu honetan Euskal Herriko talde top direnen pandillara sartu dira hauek ere zuzenekoetan: ni bezalako tikismikis batendako letrak ulertzeko justiko. Baina ikusten duzu aho txikiarekin hitz solteak botatzen ari zaretenen ondoan badela ere jende bat tope kantuan, beraz, igual arazoa ez da taldearena. [Hemen ahalko banu jarriko nuke bakarrik burua ikusten zaion txakurtxo txiki baten stickerra].
Dituztenak sareetan-eta nahiko presente dauden arren, oraindik ez dute kantu propio askorik eta bertsio batzuk prestatu dituzte zuzenekoetarako. Beti izaten da buruhaustea bertsionatzeko kantuak hautatzea eta, egia esan, hauen konboa ez nuen espero. Ez dizkizuet aurreratuko, baina hautaketa kuriosoa da (eta graziosoa).
Talde hasiberri askori ez bezala, hauei entzun dakizkie haien kantuetan joera batzuk, taldearen bereizgarri izaten direnak gerora: izan armonien segidari edota melodietan interbalo zehatz batzuk jarraian jartzeari dagokionez. Ez da batere erraza izaten hori (hain azkar) edukitzea eta hauek badute.
Kontzertua hurbilagotik ikusteko eta dress codea hitzarturikoaren ondorio ala modaren kasualitate izan den jakiteko gogoz geratu naiz. Hurrengo kontzertua fitxatua dut. Jaio eta gutxira kantatu du Testamentue Katuk, baina beste sei falta zaizkio, beraz, bitartean, nola ez egin kasu Oskorriren bertsio bat kantatzen duen talde bati.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]