Hasperenik ez
Zer: Lukiek taldearen kontzertua
Non: Tafallako jai herrikoietan
Noiz: Abuztuaren 19an.
----------------------------------------------------
Txosnagunetik metro gutxira daude zezen plazatik irten eta udaletxearen aurrera heldutako zezenzaleak, albokoa lepotik hartuta, txarangako kideen Suspiros de España pasodoble popular espainiarrarekin gozatzen, eta alboan dituzte Queen-en talde tributukoak, beren lana amaituta, gauzak jasotzen. Festetara joan den gipuzkoar batek harridura apur batez hartu du egoera, halako kantikoak askozaz ere hegoalderago espero zituelako akaso, edo halako manifesturik are gutxiago imajinatzen zuelako EH Bilduk alkatetza daukan herrian. Errealitateak eta ezezagutzak ematen dituen kolpeak dira horiek, autoz ordubeteko bidaia egin eta kontuak dezente aldatzen diren Euskal Herrian. Hori bai, txosnagunera minutu bakar batean heldu eta orduan sentitzen da bat etxean, Tafallako ikastolako gurasoek mimoz prestatutako ogitarteko eta pintxoak afalduta.
Tafallarren artean gipuzkoar batzuk bisitari, eta txosnaguneko oholtzan bizkaitarrak musikari. Gaualdeko hamarrak aldera eszenaratu dira Lukiekeko hiru mutilak, eta publikoak, hasiera batean bederen, nahiko hotz jokatu du. Jendea afaltzen ari delako, Iruñetik atzerapenarekin datorrelako aldirietako tren retroa, Mungiako bizkaiera arrotza suertatzen delako edo egongo da beste arrazoirik, batek daki, baina kontua da dozena erdi abesti jo behar izan dituztela gerri batzuk dantzan jartzeko. Sail honetan idazten duen batek esan zidan behin Gipuzkoako publikoa zail samarra dela; panorama ikusita, orain ez dakit zer pentsatu. Egia da: Lukiekek ez du ez salsa ez antzerako doinurik jotzen, baina egiten duen rocka dantzagarria da. Erritmo, doinu eta melodiek laguntzen dute burua goitik behera mugitzeaz harago gorputza askatzen.
Hibernazio pandemikoan ereindako artelanetako bat da #2 gisa izendatutako diskoa. Post-punka erritmo psikodelikoekin nahasita, eta #1 diskoan erreibindikatu zituzten 1990eko hamarkadako ukitu musikalei jarraituta, azken diskoan autotunea eta musika garaikideagoa uztartu dute. Eta gauza bat izaten da diskoan gitarra mila geruzatan grabatu eta detaileak fin orraztea, baina hori gero zuzenekora eraman egin behar da hiru lagunen artean. Lukieken kasuan, indartsua da oso oholtzatik emozioak plasmatzeko duen gaitasuna; izango da Christianek baketak apurtzeraino jotzen duelako, edo izango da hirurek badutelako eszenara irteteko esperientzia, eta bistakoa da badutela abilezia.
Emanaldiaren osteko atseden eta trago artean baten batek ahobero esan du Lukiek izan daitekeela euskal musika eszenako talderik onena garai likido hauetan. Irizpideak zehaztu eta definitu nahian alamena eman dute, talde gehiagoren izenak atera dira, ez dute eztabaida itxi, baina inork ez du Lukieken aukera baztertu.
Irungo ospitale zaharrean jaio zen Fermin 1963an, Muguruza Ugartetarrenean. Azken hamarkadetan euskal musikan eragin nabarmena izan duen artista da. Ez alferrik, bera izan da Kortatu eta Negu Gorriak taldeetako abeslaria eta alma mater-a, Esan Ozenki zigilu independentearen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Gasteizen, Jimmy Jazz aretoaren hamabosgarren urteurrenaren harira, hitzaldi-ziklo bat antolatu dute lau astelehenez jarraian. Aurrekoan artez eta politikaz mintzatu baziren, azaroaren 4an euskal musika eszena izan dute hizpide. Ea existitzen den, eta existitzen bada nolakoa ote... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
Kasu Hegoaldeko begirada horri. Lehen-lehenik desmitifikatu larre berde, etxe zuri eta teila gorrien lur ederrekiko miresmen itsua, halako maitasun inkondizionala, hizkerari eta ustezko bizitzeko manerari loturiko fetitxismoa. Utz, Ruper Ordorikari sarri entzun gisan,... [+]
Badok-ek, Berriako musika atariak, 15 urte bete ditu. Bi ekitaldi ezberdin antolatu dituzte urteurrena ospatzeko, bata Hendaian azaroaren 16an eta bestea Durangoko Azokan. Hainbat artista izango dira bertan. Euskal musikaren gaur egungo egoeraren erradiografia txikia ere eskaini... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
.jpg)
Rock alternatiboa egiten duen laukote baztandarrak 2019an kaleratu zuen Ihesi doaz animaliak, eta pandemia heldu zenez geroztik isilik egon da. Orain arte. Seigarren lana izango du Deus (Usopop, 2024). Lehen singlea kaleratu dute, Egia, begira deiturikoa, eta azaroaren 11n... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]