PP ere, 3Lren alde
Euskarari egurra eman eta eman ari da Espainiako Justizia azken aspaldian. Azken aizkorakada (artikulu hau uztail erdialdean idatzitakoa baita) Auzitegi Konstituzionalak eman dio. Susmatzekoa da aurrerantzean beste batzuek ere indar berriz ekingo diotela gure hizkuntza honi egurra emateari. PPk, esaterako.
Eta egur-emate horretan, irakurri zer dioen PPren hezkuntza programak: "151. Bermatuko dugu hizkuntza ofizial bat baino gehiagoko autonomia erkidegoetan, hizkuntza orekaren patroiarekin bat, biak hartuko direla irakaskuntza-hizkuntzatzat, ikasle guztiek gaztelaniaz eta dagokion hizkuntza koofizialean behar bezala jardun dezaten".
Jaurlaritzak eta EH Bilduk legez (hezkuntzako lege-proiektuaren 67.1 artikulua), PPk ere edukiak gaztelaniaz irakatsi gura ditu. Ingelesez ere bai, jakina: garrantzitsuagoa zaionez, programako 150. puntua da. Ez nau harritzen. Alegia, ez nau harritzen PPk hori gura izateak.
Are okerrago, hezkuntza legeak kendu egingo ditu orain arteko hizkuntza ereduak (xedapen indargabetzaile bakarraren 1. eta 2. puntuak). Horrek zer ekarriko du? Bada, orain arte ez bezala, Espainiako lege batek gaztelaniazko gutxieneko irakaskuntza ezartzen duenean, eskola publikoak nahitaez gehitu beharko dituela irakastorduak espainolez. Eta PPren 145. puntuak hauxe agintzen du: "LOMLOE erreformatuko dugu".
Ez utzi Konstituzionalari erabakitzen gurean zenbat gaztelania eman beharko den. Ez hipotekatu eskola publikoak ikasleak euskalduntzeko duen ahalmena
Orain arte, eskola publikoan desagertze bidean dagoen A ereduak balio zuen gaztelaniazko irakaskuntza bermatzeko, hor ikasgai guztiak ematen baitira erdaraz. Baina hezkuntza legea onartutakoan eredu bakarra izango dugunez, eredu horretantxe jaso beharko dira PPk, gobernura ailegatzen denean, nahitaez gaztelaniaz irakasteko ezarriko dituen gutxieneko ikastorduak.
Ez egin zalantzarik: lehenago-geroago, gobernura ailegatuko dira. Ez egin zalantzarik: ailegatutakoan, gaztelaniazko ordu kopuru minimoa ezarriko dute. Gaur egun, Kataluniako hezkuntza sistema dela eta, gaztelaniazko gutxieneko orduen auzia… Konstituzionalean da: zalantza egiten duzue?
ARGIAko azken artikuluan, Ruben Sánchezek EH Bildu eta meloiak aipatu zituen. Planoa irekita, Jaurlaritzako eta Legebiltzarreko euskaltzaleak hartuko ditut begi-bistan: ez zabaldu meloi hau.
Ez ipini, hezkuntza sisteman ere, euskara eztabaida politikoaren erdigunean. Ez ahuldu euskara hezkuntza-sisteman. Ez utzi Konstituzionalari erabakitzen gurean zenbat gaztelania eman beharko den. Ez hipotekatu eskola publikoak ikasleak euskalduntzeko duen ahalmena, bera baita mende honetan euskaldun gehien hezi duen sarea.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Mundu mailako ekonomiak gorakada nabarmena izan zuen COVID-19aren ostean. Orain, baina, gorakada hori agortze-fase batera heldu den zantzuak agerikoak dira, krisi klimatikoak nabarmen baldintzatuta: munduko potentzia nagusien ekonomiaren hazkunde-tasa murrizten ari da,... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
Kapitalismoan lana salgai bat da, beraz, ohiko ekonomialarien pentsamoldea jarraituz, eskaintza eta eskariaren arteko orekak bai prezioa, bai kantitatea erregulatu beharko lituzke. Agerikoa denez, hori ez da errealitatean betetzen. Emango balitz, lan harremanak leherraraziko... [+]
Zutabe hau idazteari uko egin behar nioke, baina berandu da. Hauteskundeak izan dira Frantzian. Non dago Frantzia? Bai, hemen goian, iparraldean; baina, munduan, ez dakit oraintxe non dagoen Frantzia, noren zer den. Eta ez dakit noiztik begiratzen diodan ia soilik... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]