Euria Bilbo postindustrialean
Ekialdea dela, Mendebaldea dela, baten bati ez zaio gustatzen Euskal Herriko banaketa kultural hau. Kontsentsuen faltan, badugu egia bat berdaderoa: kultura –eta musika– lurraldeari lotzen zaio, edo ez da. Nafarroa Garaiak eta Behereak eman dizkigute euskal zera hau birpentsatzeko eredu nagusiak azken hiru urteotan. Ordea, gainontzeko latitudeak ez dira, ez, geldirik egon, eta lerro hauetan sarri ekarri dugun eran, Bizkaiak badu bere ekarpena, ukabilkada forman.
Tradiziotik dator iraultza, beti ez bada ia beti. Aurreko belaunaldietako erraldoien sorbalda gainean pausatuta urrutiago ikusten delako –Newtonek esana, uste dut–. Bada, Bizkaian tradizioak punk forma du, eta belaunaldi berri batek hartua du lekukoa.
Territorializatu da olatua, eta forma hartu du: Soinu Basatiak. Badakigu eta, egiturarik gabe ez dagoela arterik. Kolektibo horren ingurumarian sortu da, beraz, Sei Sega, pulamentu handiko taldeetatik igarotako kideekin: Andoni de la Cruz eta Jangitz Larrañaga (Vulk, Cuero), Jon Salinas (Kotoi, Tatxers), Elena Nuñez (Serpiente, Aihotz, Kotoi) eta Camilo Tonon (S'AFFERRA AFFERRA).
Estetikarik ez da etikarik gabe. Punka da irudia, baina punka da jarrera. Autogestioa ta malaletxea, alegia, hortxe Sei Segaren zigilua. Ikusiko dugu zein bide egiten duten, baina ziur ez direla arituko horren modan dagoen banketxeen eta edarien propagandaren zirkuluan. Anarkismo-artie moduko bat garatzeko aukera, mezu zuzenekin eta melodia zorrotzen dantzan, euskal eszenan geroz eta ohikoagoa den arte apolitikotik urrunduz.
Zeren zer esango dizut, zoriontasunari kantatzeaz apur bat aspertuta gaude honezkero euskaldun batzuk. Ehunka, milaka, (milioika!) ikurrinek ez dutelako estaltzen Bilbo postindustrialaren miseria guztia. Bilboko euriak uxatu ditzala tristeziak, eta atera ditzala gure barruan dauden gorroto eta grinak dantzara. Ikuskizunaren gizartean bizitza aldarrikatzeko edo, eta batera eta bestera aritzeko “deskalabru bila”.
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]
La Urbe
Chulería, JODER!
Autoekoizpena, 2024
-------------------------------------------------------------
Bizkaiko Ezkerraldean nerabezaro berantiarrean sortutako Desorden taldeak nire arreta piztu zuen haien gaztetasunean punk-rocka sinesgarri eta fresko... [+]
Ke Lepo
Izpi
Forbidden Colours, 2023
-------------------------------------------------------------
Inteligence Dance Music deitzen zaion estiloan mugitu da Ke Lepo. Musika estilo batentzako izen ponposoagorik okurritzen inori? Technoaren eta ambientaren garapen mota bat... [+]