Oriaren ertzetik
Nahi dugu iragana kontatu eta etorkizuna ospatu” aipatzen du Juantxo Zeberio musikari tolosarrak pasa den igandean Ataria-n eginiko elkarrizketan. Tolosako Futbol Klubak ehun urte egin ditu aurten eta, harekin batera, baita Berazubi estadioak ere. Horren karira antolatu zuten San Joan egunaren biharamunean kontzertua Oria ibaian. Ez ertzean edo gertu, baizik eta ibaiaren barnean, lehen aldiz. Ikusgarria ez zen bakarrik entzuten zena izan.
Tolosakoak gehienak, hamabost bat musikari hartu zituen ez-ohiko oholtzak: Mirua taldeko kideak, Verde Prato, Tenpora taldea, hari laukote bat eta haize hirukotea. Hodeiertz abesbatza Zerkausiaren goiko partetik aritu zen kantuan. Antton Telleria ibili zen emanaldiaren gidari, txalupa batean, oholtzaren inguruan bueltaka, Tolosa Futbol Klubarekin lotura duten zenbait kirolarirekin batera.
Errepertorioa interesgarria izanen zela aurreratua zuen Zeberiok goizean, baina, egia esan, bete-betean asmatu zutela esanen nuke. Berandu eta galduta gindoazela, Garai galduak kantatzen ari zen Verde Pratoren ahotsari segika heldu ginen Oriaren ertzera. (Oholtzarena gutxi ez eta argiak ere… wow). Kantu propio batzuk izan ziren, aipatu berri Verde Pratorena, Tenporaren Berriro asma nazazu edo Miruaren Goiz hiltzen dira ametsak single berria kasu. Itoizen eta Laboaren bertsio bana ere izan zen tartean, eta leku zabala izan dute ere Tolosako bertako zenbait kantu zaharragoek. Gustatu zait bertakoari aitortza nabarmena egin izana. Tolosa Futbol Klubaren ereserkia bertsio diferentetan jo dute, inauteri ezagunetako doinu batetik Miruako hirukoteak sorturiko Txin Txin edo Iraolaneko zuloari eginiko Iraolanekoa, udako solstizioarekin batera urtero kantatu ohi dutena. Bakoitza bere aldetik entzutea ederra izan da eta musikari denak elkarrekin aritu direnetan hartu dute dimentsio handiagoa doinuek, baina kantuari ibai ertzetako barandilletako tolosarrak gehitu zaizkiolarik hartu du emanaldiak indarrik handiena.
“Nik ere hau nahi dut nire hirian” pentsatu dut eta hasi naiz imajinatzen Labrit frontoiak 2052an izanen duen mendeurrenean. Ez dut uste Argan horrelakorik montatzean pentsatzen ibiliko direnik, baina jakinda (duela urte batzuk arte behintzat) pilotan aritzen ziren haurren arteko txapelketak “txitxirioaren txapelketa” zuela izena eta irabazleak bere pisua eramaten du garbantzutan, okurrituko zaie zerbait originala.
“Edertasun guztien leku izan nahi duzunez gero, hala izan zaitezen” kantatzen dio Benito Lertxundik Oria ibaiari. Beti ez dakit, baina iluntzeko edertasun dena haren urek bildu zuten igandean.
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Joan den martxoaren 7an Maurice Ravel, garai guztietako euskal konpositorerik onena, jaio zela 150 urte bete ziren. Eta ARGIAn omenaldia egin zitzaion konpositore horri, Bolero ospetsuak imajinario kolektiboan izan duen eragina gogoratuz.
Kasualitatez, Deutsche Grammophonek... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.