Geure baitako argazkietan
Gogoratzeko ariketak fikziora jotzea dakar. Eta ezinbestekoa da gogoratzea jarduera selektiboa izatea, biziraupen-estrategia bat den heinean; gauza batzuk gogoratzen ditugu, eta ez beste batzuk. Gertatzen dena da ez garela estrategia horietaz jabetzen eta oroitzapena gauza segurutzat hartzen dugula. Gainera, memoria da bizi dugunaren kontakizuna eraikitzeko dugun mekanismoa. Egia esan, guztion bizitza zatikatua da. Gogoratzean, kontakizun bat eraikitzen dugu eta zentzua ematen diogu. Eta eraikuntza hori fikziozkoa da. Gauzak nola bizi ditugun ere gure biziraupen estrategiaren parte dira. Horiek horrela, batzuetan ematen du gertakariek ezinegona ekarriko digutela bakarrik. Samina eta ondoeza. Geure buruak zentzua eman nahi dio zentzugabea denari. Malkoak erortzen zaizkigu eutsi nahi badiegu ere. Neure baitako argazkietan arakatzen ari naiz irribarre baten bila eta bikote baten argazkia aurkitu dut. Muxu eman diote elkarri Altsasuko gazteek kartzelan zenbat egun daramatzaten zenbatzen dituen euskarriaren aurrean, turisten jomuga batean egongo balira bezala. Kalearen beste aldetik ez nuen entzun zer esan zioten elkarri. Maitasunezko hitzak izan zirela pentsatu nahi dut. Maitasuna baita ezkutatu ezin den gauza bakarra. Fikziozkoa ez den bakarra.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
Badira zenbait pertsona aztertzekoak direnak, euren artean Elon Musk. Duten askatasunaren ideiak dena kontrolatzeko beharretik datorrela dirudi, botere guztia izatetik, botere guztia izanda negozioak sortzea errazagoa delako, eztabaidarik ez baitago; eredu hegemonikoak indartsu... [+]
Europar sentimendua duen lagun gutxi ditut, ez dakit europartasuna identitate bat izatera iristen ote den. Baina Europara bidaia egiten dugunean, adiskidetasun bat atera daiteke, ze gurean eta bertan gertatzen den lurraldetasun norabide nagusiak elkarbanatuak dira; bertan... [+]
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]
Ikasle asiriar eta babiloniarrek ez zuten ezagutzen eskua altxatzeko artea. Mendeak igaro behar izan ziren, bai eta beharbada milurtekoren bat ere, Egiptoko eskola bateko ikasle batek, zerbait galdetu nahi baitzuen, eskua altxatzeko artean saiatzeko: azalpen bat ematen ari zen... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]
Andere agurgarria:
Zer moduz uda? Ondo espero dut. Oraingo honetan, harira joango naiz, zure baimenarekin.
Dakizunez, merkatu ultra-liberalenen berezko lehia-logikan sartuta, ikastetxeek era guztietako "proiektuak" abiarazi behar dituzte. Jakin behar duzu... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]