Barruan daramagun ipuin-kontalaria
Erronka jarri nahi izan dugu ARGIAtik: zenbateraino utzi diezaiokezu sormenari hegan egiten? Zenbateraino bihurritu dezakezu istorio bat eta bilakatu beldurgarria, barregarria, dramatikoa? Gauza al zara euskarak duen aberastasunari etekina atera, hitz-jolasei leku egin eta ipuin-kontalari trebeenen mailan aritzeko?
Ipuinak altxorra dira, altxorra da ipuinak sortzea, kontatzea, entzutea, partekatzea; bestelako munduetara eramateko duten gaitasunagatik, arreta eta jakin-mina erakartzeko duten ahalmenagatik, irudimena eta hizkuntza lantzeko ematen duten aukeragatik. Eta guk, ARGIAn, ipuinen mundua hartu dugu oinarri, atera dugun jolas berrian. OTU du izena eta irudi bana duten 70 kartak osatzen dute. Proposamena da kartak nahastu eta egokitutako irudien arabera istorioak asmatzea, burua eta mihia astinduz.
Adinaren, jolaskideen, gogoen eta abilidadeen arabera, jolasteko moduak nahi adina izan daitezke. Norberak sor dezake istorio osoa, karten hurrenkera errespetatuz edo egokitu zaizkizun karten ordena nahieran antolatuz. Taldean arituz gero, txandaka denon artean osatu daiteke pasadizoa: adibidez, bakoitzak karta bat hartu eta karta horrekin aurrekoaren istorioari segida eman dakioke, edo aurrez bakoitzari karta kopuru jakin bat banatu eta norberaren txanda denean eskuan dituen irudien artean egokiena aukeratu daiteke, istorioa harilkatuz.
Irudi berak baliatuz, oso kontakizun ezberdinak osatu daitezke, eta hori ere erronka izan daiteke: ea nork ipuinik beldurgarriena kontatu, irrigarriena, hunkigarriena…
Utzi kartei barruan duzun ipuin-kontalaria ateratzen, eta batez ere, izan dadila disfrutatzeko eta gozatzeko jolasa.
ARGIAren Azokan eskuratu dezakezu produktua: www.azoka.argia.eus/produktua/otu-karta-jokoa
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Urtebetez, jolas garaian Lehen Hezkuntzako neska-mutilen mugimenduak behatu dituzte Kataluniako bi ikastetxetan. Espazioaren gehiengoa mutilek okupatzen dute eta neskak bazterretan mugitu ohi dira. Ikerketak hainbat gogoeta utzi du espazioaren antolaketaz, genero rolez... eta... [+]
6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Horrela amaitzen da ARGIAk sortu berri duen OTU karta-jokoko azalpena; baina jolasaren hasiera ere izan liteke, dibertsioa hasteko sarrera. Modalitate asko egon litezke, irekia da jolasteko modua, baldintza bakarra irudimena izango da. Aurrean dituzun kartekin, bakarka edo... [+]
Euskaraz izango direla iragarri baina gaztelaniaz izaten amaitzen duten ekintzak, teorian elebidunak diren eta praktikan gaztelania hutsean egiten diren saioak edota zuzenean euskaraz eskaintzen ez den aisialdia. Gasteizko gurasoen kexak ugariak dira eta mezu garbia dute:... [+]
Soldatak mantenduz, lau egunera murriztu dute lan-astea Britainia Handiko 61 enpresak, sei hilabetez. Horietan, nekea %71 murriztu da eta gaixotasun bajak %65, diru-sarrerak batez beste %1,4 handitu dituzte eta orain arteko esperientzia piloturik handienean parte hartu duten... [+]
Eskolaz kanpoko jarduerak dira ikasturte hasierako guraso askoren buruhausteetako bat. Seme-alabentzat onuragarriak dira beraien motibazio eta trebeziak garatzeko, baina agenda beteegiak, interes okerrengatik hautaturiko jarduerak edota faktore ekonomikoak baldintzaturiko... [+]
Aisialdi orduak biderkatuta, haurrak entretenitzeko telebista eta tabletera jo ohi dugu udan. Pantailak kontsumitzeko moduez, mugak jartzeko zailtasunez, baliabide gisa saihestu beharreko uneez… hainbat gogoeta jaso dituzte Criar.cat-en eta hona ekarri ditugu.
Hezkuntzaren ardura konpartitua dela eta familiaz eta eskolaz harago herria bera eremu hezitzailea dela, herritarrak hezitzaile ere badirela ulertzen du Herri Hezitzaileen Sareak. Otxandiok (irudian) bat egin berri du sarearekin eta dagoeneko 36 herri direla jakinarazi dute.
Bustitzearen eta zikintzearen beldur, eguraldi euritsua eta putzuak desatsegin jotzen ditugu maiz helduok, baina jolaserako eskaintzen duten aukera aldarrikatu nahi du "Putzuetan plast!" ekimenak. Esana du Mary Ruebush zientzialariak: “Zure seme-alabak egunero... [+]
Noiz eta zergatik parte hartzen dute nerabeek? Galdera hori dute abiapuntu Oinherrik antolaturiko jardunaldiek. Bai nerabeen beharrak bai euren aisialdia bazterrean utzi dituzte pandemiaren kudeatzaileek eta arrisku faktoretzat aurkeztu dizkigute etengabe; enpatia faltak eta... [+]
Nire egiten dut Claude Lévi-Straussek bere libururik entzutetsuenean, Tropiko tristeak, idatzi zuen lehen esaldia: “Gorroto ditut bidaiak eta esploratzaileak”. Baina uda garaia iritsi eta areagotu egiten da inora bidaiatzeko irritsa, batzuetan presioa: mundu... [+]
Duela lau urte abiaturiko Jolasparkeak.eus ataria berritu eta aukerak gehitu dituzte. Urteotan 60 jolasgune, jolas-parke eta urgune proposatu ditu jendeak eta webgunea elikatzen eta eztabaida sustatzen jarraitzea da asmoa, “jolas libre eta espontaneoa maite... [+]