Xori berriketaria 1871ko kanta da. 200 urte erraz esaten dira, e. Parisko Komunaren urtea zen hura, atera kontuak. Inperialismo hitza ez zen oraindik sortua, baina praktika bai. Eta han zegoen, Sarako Jean Baptiste Elizaburu Egipton, Napoleonen alde borrokatzen, bere borondatearen kontra.
Saratarrak idatzi zituen bertso batzuk, bere herritik hegan etorritako txori batekin hizketan aritu zenekoa, herriarekiko saminaz eta maite duen jendea faltan hartzeaz. Txoriñoari eskatuko dio bere herriaz hitz egiteko: “Mintza hakit ahaidez-eta, mintza lagun on hekiez, / Mintza, nihor ahantzi gabe, maite ninduten guziez”.
Ez dira urteak alferrik pasatzen, eta mundu hori jada ez da gaur dena. Gerrak bai, baina iraultzak ez dira han hemen gertatzen, tamalez. Giza sentimenduak, ordea, zenbat aldatu dira? Ez diot esango unibertsalak direnik, desiraren pare, eraikia delako. Baina bakardadeari abesteko zenbat modu daude? Nola heldu sentimenduen barreneraino?
Urteak ez dira alferrik pasatzen, baina zaharrik zaharrena berririk berriena da, inoiz ez delako ebazten ahal. Tradizioaren iturri amaigabetik edaten ari da Peio Erramouspe saratarra bera ere. Bertsolari eta kantarien leinukoa, bere ondare ditu euskal tradiziozko kantu gordeenak, eta dakien moduan ari da orain kaleratzen, sintetizagailuekin eta musika elektronikoarekin.
Bidaia laburra den arren, bidaia azkarra eta indartsua egin du Laupabortz aire ttipi lan zoragarrian. Aipatu kantaz gain, Goizeko Ihintza, Nauna, nauna jin, Ikusten duzu goizean eta Eraztuna kantak batu ditu Usopop zigiluarekin kaleratutako lan zainduan. Azkena, herrikoi-herrikoia da, han hemenka ezberdin abesten den horietakoa –XVIII. Mendetik datorren Eper zango gorria-ren bertsioa, alegia–.
Kanta bakoitzak du bere atmosfera zaindua, eta bada bat, beste ororen gainetik ateratzen dena: Ikusten duzu goizean. Usopopeko lagunek antolatutako egonaldi magiko batean garatu zuen, Larrun mendiaren puntan. Annelise Cazamayou, Felix Buff, Jona Bonnetta, Xabi Etxeberri eta Maia Iribarne lagun... zer nahi duzu esatea ba? Urteko euskal kanturik ederrenetakoa.
Urpekari bat. Hori da musikari on bat. Eta hori da oraintxe Peio Erramousperen Haira. Ozeanoaren barrenera sartu eta altxorrak ateratzen dituenak gainontzekoontzat. Mundua amaitu ez bada, 200 urte barru jarraituko dugulako gauza inportanteez abesten. Bakean bizitzeko etxeak bilatzen, alegia.
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
