‘Dones més enllà de les armes’
Emakumeak armen haraindian Katalunian antolatzen diren jardunaldi transfeministak dira. Bertara gonbidatzen dituzte munduko gatazka armatuen parte eta protagonista izan diren emakumeak*, euren istorioak konta ditzaten: Kolonbia, Alemania, Italia, Nikaragua, Palestina, Kurdistan, Euskal Herria, Irlanda, Kanariak, Guatemala... Partaideen ideiak, estiloak, hizkuntzak zein militantzia eremuak era askotarikoak dira, lurbirako ezker erradikaletik eratorritako andre, trans, bollera edota identitate ez bikoitidunak, anarkismotik edaten dutenak nagusi.
Isiltasuna boterearen gaizkidea denean, memoria borroka da dio jaurdunaldien lemak. Preseski, memoria ariketa kolektibo bezain auskaria da hauxe, borrokarekiko pasioa lagun eta zapalduen arteko elkartasuna oinarri duena. Funtsean: iraganetik ikasteko grina, orainari aurre egin eta etorkizun askeak eraikitzeko. Ezinbesteko irakaspena Euskal Herrian, gatazkaren kontakizunean, edo, hobeki esanda, kontakizunaren gatazka bete-betean gauden honetan.
Denak balio du diskurtso ofiziala irentsarazteko eta, kontakizun bakarraren inposatze horretan, gurea debekatu eta zigortzen jarraitzen dute
Gurean ez dugu askatasunez hitz egiteko aukerarik; kontakizunetik kanporatu gaituzte, errealitatetik zokoratu, nor garen ukatzeraino. Ezin ditugu gure usteak eta zergatiak azaldu, gertakizunak guk bizi izan ditugun moduan kontatu, geure Historia idatzi. Estatuek, ordea, masa-komunikabideen munstroa inoiz baino bortxa handiagoz elikatzen dute: ohikoak, serieak, filmak, sareak... Beti lez, denak balio du diskurtso ofiziala irentsarazteko eta, kontakizun bakarraren inposatze horretan, gurea debekatu eta zigortzen jarraitzen dute.
Aitzitik, Historia ezin da ezabatu, gertatutakoa oso presente baitago memoria kolektiboan. Edestia irabazleek idazten omen dute; aldiz, nik uste dut herriak egin ahal/beharko lukeela. Odolez eta malkoz izkiriatu dugu dagoeneko; irabaztea, ostera, gure esku. Bada, ekimen herritar oro da garrantzizko, baita xumeena ere, gatazkaren kontakizunari bestelako ikuspegi ausart bat emateko. Horiekin guztiekin osatuko dugu Euskal Historiaren idazketa.
Ekinbide horretan, Kataluniako jardunaldiak dira aletxo eredugarri bat. Krestak, titi askeak, ileak, zapiak eta elastiko aldarrikatzaileak, bizarrak eta loreak, barreak eta negarrak, sumindura, maitasuna, itzultzaile nekaezinak, liburuak, fanzineak, pegatak, afixak, opil eta hitz gozoak, gutizia beganoak, kontakizun gogorrak, emakume* eredugarriak, elkarrizketak hamaika hizkuntzatan, hartu-eman politiko amaigabea, perfekzio eza eta koherentzia bikaina, musika uterotik garrasika, besarkada zenbaezinak, burmuinak eta ukabilak puztuta. Bartzelona borroka giro bizi-bizian. Gràcies a totes, sou exemple (Eskerrik asko denei, eredu zarete).
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Harriduraz irakurri dugu prentsan Aritz Otxandianori etxean bertan bengalekin egindako erasoaren albistea. Berak sare sozialetan eman zuen gertatutakoaren berri. Bai bera, bai bere adierazpenak jasotzen dituzten hedabideak ahalegindu dira eraso hori makro-berriztagarriei buruzko... [+]
Ez da lehenengo aldia, aditua izan ei naiz kontraesanetan. Oreka, baietzaren eta ezetzaren arteko muga non marraz daitekeen bilatzen. Analisi topografikoa, neurriz neurri morala triangelatzen. Tatuaje erraldoia bekokian: Bai, baina… Erabaki batera iristeko, inoiz nire... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]