Beste orri zuri bat
Orri zuri bat karakterez bete behar dudanean egunak ematen ditut hainbat gairen inguruan hausnartzen, ingurukoekin hainbat titular partekatzen, neure burutik kanpoko termometroa nola dagoen neurtzeko. Pentsatzen ditudanak kanpotik ikusteko aukera ematen dit, imajina ezin nitzakeen gaietan arramazka egiteko aukera. Baina, batzuetan, gai batzuk buruan giltzapetzen zaizkit. Eltxoak kristalezko botilan itxita bezala ibiltzen zaizkit pentsamendu berberak bueltaka, buruko bi hemisferioetako paretetan kolpatuz. Batzuentzat errepikakorrak diruditen gaiez hitz egitea besterik ez dut orduan. Bai, indarkeria matxistaz hitz egitera nator berriro. Ze astuna, ezta?
Hilabete hauetako gertakariak bueltaka ditut. Indarkeria matxistaren albiste berriren bat dagoenero, agendan iraungi direnak etortzen zaizkit gogora, ezin ditut modu isolatuan ulertu, banatu. Hauteskunde kanpaina bete-betean gizon batek bere bikotekide ohia tiroz erail zuen Orioko kaleetan. Egun gutxiren buruan, gizon batek Maialen gasteiztarra hil zuen bere hirian bertan eta umeak orduak eman zituen amaren gorpuari begira. Haurdun zegoen. Baina orduan ere, denak egin zuen aurrera, indarkeria matxistaren adierazpen gorena ere ez delako nahikoa albiste, dena hankaz gora jartzeko, azkura eragiteko, jakin-minetik haratagoko diskurtso batzuk lehen lerroan mantentzeko. Are gehiago, Segurtasun sailburuak esan zuen "ez dela erraza arrisku egoeran antzematen ez den biktima bat babestea". Maialenek bikotekidea salatu zuen lehenago eta urruntasun agindua zeukan. Erailak izan behar al dugu babestuak izan gaitezen?
Indarkeria matxistaren adierazpen gorena ere ez da nahikoa albiste, dena hankaz gora jartzeko, jakin-minetik haratagoko diskurtso batzuk lehen lerroan mantentzeko
Orri zuria aurrean dudala ezin burutik kendu nire herrian aste bakar batean salatu diren hiru eraso matxistak. Arrotxapeako txosnak itxi behar izana. Tutera. Legorreta. En nombre de ellas Kote Cabezudoren kasuari buruzko dokumentalean agertzen diren biktimak; eta agertzen ez direnak. Esaten digute kontuz ibiltzeko, kanpoko "otso" bat dabilela hor nonbait, baina ez, kontua ez da kanpoko otsoa, gertatzen dena da otsoen erregimenean bizi garela: hau guztia baimentzen eta normalizatzen duen sistema patriarkala.
Nahiko nuke astuna ez izan, orri zuri bat dudan aldiro eltxoak giltzapetuta ez sentitu garuneko bi hemisferioetan, gorputzean. Beste zerbaiten inguruan idatzi. Nahiko nuke gizon kuadrillen taberna elkarrizketetan ardura zantzuren bat usaindu albotik pasatzerakoan. Beraz, astunak izateko motiboak ematen dizkiguzuen bitartean astunenak izaten jarraituko dugu. Besterik ez dakit, baina orri zuriak soberan ditut.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]
Zalantza asko izan ditut, meloia ireki ala ez. Ausartuko naiz, zer demontre! Aspaldian buruan dudan gogoeta jarri nahi dut mahai gainean: ez da justua erditu den emakumearen eta beste gurasoaren baimen-iraupena bera izatea. Hobeto esanda, baimen-denbora bera izanda ere, ez... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Beste detektibe triste baten telesail bat ikusi berri dut. Eskoziako irla urrun batean gertatzen dira trama guztiak. Badakizue nola funtzionatzen duten fikzio horiek: hildako asko, jende arrunta baina ez hainbeste, eta paisaia berde iluna. Oraingo honetan duela urte pila bat... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]
Eroso gaude ingurunea gure egoera fisiko/emozionalera egokitzen denean. Besteak ni kontuan hartu nauenean, izan gizaki bat, objektu bat, espazio bat. Erosotasunaren klabea produktu eta espazio diseinuan beharrizan handi gisa sartu da, erosotzat jotzen dena erosgarria delako... [+]