“Sexu eraso batean hartzen diren jarrerak plazaratu ditugu”

  • Oñatiko XUP antzerki taldeko kideek sortu zuten Beita antzezlana, eta websail bihurtuta eta lantaldea handituta pantailara ekarri dute. Pantaila txikietara ekarri ere, mugikorretara. Kuadrillako festa batean gertatutako sexu erasoa oinarri hartuta, publikoak hausnartzea dute helburu. Zortzi aktore dira, eta horietako birekin, Maddi Altolagirre eta Paula Polorekin, hitz egin dugu.

Nola sortu da Beita proiektua?
Maddi Altolagirre: Antzezlan gisa jaio zen duela bi urte inguru. Taldekide bati bururatu zitzaion oholtzatik pantailara igarotzea ideia ona izan zitekeela, eta aurrera jarraitzea erabaki genuen. Horrela hartu du websail formatua.

Zein da kontatu duzuen istorioa?
Paula Polo: Kuadrillako parranda batean kide batek beste bati eraso egiten dio, baina ez da ikusten nork. Eki erasoa jasan duenaren lagunik onena da, eta gertatutakoa ikertzen saiatzen da, erasotzailea nor izan den argitzeko.
M. Altolagirre: Thriller eran dago kontatuta. Egiaren bilaketa horretan zenbait sekretu ikusiko dira, baita gainerako kideek eraso baten aurrean hartzen duten jarrera ere. Jokamolde horiek plazaratu eta salatu nahi izan ditugu.
P. Polo: Pertsonaia guztiek ezberdin jokatzen dute, baina guztiek dute ezaugarri bat komunean: berekoikeria. Guztiek begiratzen diote gehiago euren buruari lagunari baino. 

Bestelako gai batzuk ere landu dituzue.
M. Altolagirre: Trama nagusia sexu erasoa izan arren, gazteon egunerokotasuneko zenbait gatazka ere landu ditugu; esate baterako, drogen salmenta, apustuekiko menpekotasuna, heriotzaren dolua edota bikote harreman irekiak. Gai asko ukitu ditugu, publikoa identifikatuta sentitzeko modukoak.
Istorio bera kontatzen da antzerkian eta websailean?
M. Altolagirre: Oinarria bera da, baina websailak aukera eman digu luzatzeko. Pertsonaia bakoitzaren bizitzan gehiago sakondu dugu eta elkarren arteko harremanak hobeto azaldu ditugu.

Nortzuk hartu duzue parte?
M. Altolagirre: Irazan Oñatiko antzerki taldea da, eta gazteen taldea da XUP. Bertako zortzi kide gara aktoreok, guztiak oñatiarrak: Sara Arregi, Malen Perez de Arenaza, Danel Teran, Izar Mendiola, Ander Murillo, Aitor Gomez eta Paula eta biok. Bertan sortu genituen ideia eta gidoia, baina websailerako lantaldea handitu egin dugu, kalitatea nahi genuelako. Oñatikoak ez direnak ere badira tartean, zenbait adinetakoak.
P. Polo: Ez genuen bilatzen taldekideak profesionalak izatea. Nahi genuena zen lana gure estilora egiten duen eta artea maite duen jendea.

Zein da estilo hori?
P. Polo: Bakoitzak bere ardura izan du eta zekiena aportatu du. Batera egin dugu lan eta inor ez da besteak baino gehiago izan, guztia adostua izan da. Ez dakigu oso ongi non sartu garen, inoiz ez dugu egin telesail edo websail bat, eta proiektua sortzerakoan eta grabatzerakoan elkarri gauza ugari erakutsi dizkiogu.
M. Altolagirre: Horrez gain, helburua ez da sekula ekonomikoa izan, gure baloreak eta mezua zabaltzea baizik.

Zertan eragin nahi diozue publikoari?
P. Polo: Hausnartzea nahi dugu. Sexu erasoaren aurrean pertsonaiek hartzen dituzten jarrerak errealitatean gertatzen diren arren, horiek normaltzat ez jotzea nahi dugu. Publikoak bere burua egoera horretan imajinatu eta hartu izan dituen edo har ditzakeen jarrerak pentsaraztea, hausnartzea. 

"Gazteok sortutako proiektua da, eta
uste dugu gure errealitatea hobeto erakusten lagundu digula"

Norengana iritsi nahi duzue?
M. Altolagirre: Batez ere gazteengana, nahiz eta helduagoek ere ikusteko modukoa den. Gazteok sortutako proiektua da, eta uste dut gure errealitatea hobeto erakusten lagundu digula horrek.
P. Polo: Onuragarria da beste publiko batek ere ikustea zer gertatzen den berea ez den belaunaldi batean.

Noiz eta non ikusi ahal izango dugu websaila?
M. Altolagirre: Ekainaren 25ean argitaratuko dira lehen lau kapituluak, Gaztea irratiko Youtube-ko kanalean. Hurrengo laurak, berriz, uztailaren 4an. Hamabost minutu inguruko zortzi kapitulu izango dira denera.
P. Polo: Aurrestreinaldia ekainaren 16an egin genuen, Oñatiko Santa Ana antzokian.
M. Altolagirre: Hasiera ofiziala etxean eman nahi izan diogu.

Sare sozialetan martxan zaudete jada.
M. Altolagirre: Instagramen (@beitawebsaila) hasi gara komunikazio kanpainarekin, eta lehen kapitulua igo bitartean zenbait material igoko dugu: pertsonaien aurkezpenak, trailerrak… Nahiz eta gure lan nagusia websaila den, baliabide gehiago ere landu ditugu. Pixkanaka igoko ditugu teaserrak, elkarrizketak…
P. Polo: Guretzat berria da sare sozialetan ere gure lanak plazaratzea. Azken urteetan aldatu egin da ikus-entzunezkoak plazaratzeko modua, eta orain sare sozialak ere proiektuen parte dira.
M. Altolagirre: Gure publikoa gaztea den heinean sare sozialak guregana gerturatzeko beste modu bat dira.


Kanal honetatik interesatuko zaizu: Kultura
2024-09-12 | Xalba Ramirez
Erreskatatu-ka-tu-tu-ka

Tuka esaten da
Tu-K
Autoekoizpena, 2024

----------------------------------------------

Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]


Hori dena eta askoz gehiago

Barkamena existituko ez balitz bezala
Mariana Travacio
Erein, 2024

---------------------------------------------------

Izenburuak autolaguntza liburu batena eman lezakeen arren Ereinek narratiba sailean argitaratu duen western itxurako testua da honako hau. Fernando... [+]


Badator Donostiako 72. Zinemaldia: sarrerak igandetik aurrera

Irailaren 20tik 28ra egingo da Zinemaldia. Igande honetan irekiko da lehen hiru egunetako emanaldietarako sarreren leihatila.


2024-09-12 | Bertsozale.eus
Badator Gipuzkoako Bertsolari Txapelketa 2024
Irailaren 14ko lehen hitzorduaren aurretik, aurkezpen jaia egin dugu parte-hartzaile, babesle, eta eskualdeko bertso-eskoletako kideekin. 25 urtetik azpiko saria eta sintonia aurkeztu ditugu.

Euskarazko literatur sorkuntza sustatzeko doako idazketa tailerra antolatu du Euskal Idazleen Elkarteak

Irailaren 28 eta urriaren 5ean eta 19an izango dira saioak. 16 urtetik gorako euskaldunei zuzenduta dago eta dagoeneko izena eman daiteke Iruñeko Udalera deituta.


2024-09-11 | Ula Iruretagoiena
Lurraldea eta arkitektura
Europa

Europar sentimendua duen lagun gutxi ditut, ez dakit europartasuna identitate bat izatera iristen ote den. Baina Europara bidaia egiten dugunean, adiskidetasun bat atera daiteke, ze gurean eta bertan gertatzen den lurraldetasun norabide nagusiak elkarbanatuak dira; bertan... [+]


Jon Garaño
“Marcok bere fikziozko Marco sortu zuen”

Ez da pelikula erraza izan Moriartikoentzat. Proiektua duela hemezortzi urte sortu zen, eta gutxienez bi aldiz eten; bietan, Enric Marcok "ezusteko" bana eman ondoren. Azkenean, dokumental eran beharrean, fikzio bidez islatu dute istorioa. Aitor Arregi, Jose Mari... [+]


Musika Hamabostaldia: gogoeta batzuk

Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]


Enric Marco: pertsonaia bi, larru berean

Hogei urte pasatu dira bazterrak nahasi zituen iruzurra argitara eman zenetik: Enric Marco, Holokaustoaren ustezko biktima bat, ez zen sekula kontzentrazio-esparru batean egon. Ez zen nolanahiko iruzurra izan, Marco bazelako nor: Holokaustoaren Biktimen Espainiako Elkartearen... [+]


2024-09-09 | Behe Banda
Barra warroak |
Bueltan berriz ere


Eguneraketa berriak daude