Noiz da jauzi egiteko unerik egokiena? Salto egin aurretik inoiz ez dakizu iritsiko ote zaren, edo bide erdian geratu. Goldea jauzi bat da Ibil Bedirentzat, gaztetxo izatetik heldu izatera. Eta nire zalantza: saltoa ondo eman al dute?
Zalantza hori izan bainuen diskoa entzuterakoan. Kaleratu aurretik work in progress batzuk entzunak nituen, eta banekien taldeak urrundu nahi zuela azken diskoaren giro naifetik, eta zerbait "helduagoaren" bila zebilela. Egiturei buelta eman, geruzak pentsatu, ekoizpena landu...
Kantak bihurritzen ibili ziren, leku berri batera iristeko. Berez iritsiko ez ziren lekura iristeko. Eta horrek sortzen zidan beldurra. Kantugintzak badituelako bere intuiziozko norabideak, eta normalean badutelako zarenaren zintzotasuna gordeta. Are gehiago zure lanak guztiz maneiatzen ez dituzun hizkuntza batzuk baldin baditu. Bada, Goldea erdibidean sumatzen dut oraindik. Pausu txiki bat gehiago beharko lukeela tamainako jauzirako.
Eta berri ona da hori. Zergatik? Hemen ez dagoelako helbururik. Bidearen parte delako erdibidea. Eta iritsi nahi zen tokira iritsi ez bada, iritsi delako beste norabaitera.
Ibil Bedikoek konfiantza eduki behar dute euren jauzietan. Zutik erortzeaz gain, dotore eroriko direla badakit. Zergatik? Bada, kantugile apartak direlako Ibil Bedikoak. Pop kanta batek behar dituen melodiak, letrak eta gogoetak josteko gai direlako, eta joskintza horiek azalean itsasten direlako. Goldearena, Armairuarena, Lokatzarena, Erreminarena, Norabidearena, Litekeenarena, Perimetroarena eta Xirarena, den-denak, kanta zoragarriak dira. Eta behin sartuta, bueltaka dituzulako azalean eta barrenean.
Kantugile apartak izateaz gain, taldeak jauzi eman du zehaztasunean eta kalitatean. Soinua hobetzeaz gain, konposizioan findu dute, eta zuzenean nabaritzen da orain zer lortzeko gai diren. Eta ahotsak instrumentu lez, beste maila batera pasa dituzte Ibai Osinagak, Areta Senosiainek eta Amets Arangurenek. Hiruek egin dute sekulako lana, baina Arangurenena da aldaketa handiena. Bere ahotsa topatzeaz gain, bere ahoskera topatzen ari delako. Eta gure eszenako ahots pertsonal eta sakonenetako bat izatera bidean doa, duda gutxi.
Zera idatzi nuen 2021eko azaroaren 21ean orrialde honetan: “Kanta sorta ederra du taldeak. Baina, irudipena dut, onenak oraindik etortzeko daudela”. Bada, kanta sorta ederra handitu du taldeak. Eta ze poza. Zeren orain badakit onenak etortzeko daudela. Zeren “bidea oinatzez estaltzen dira ari”.
Espainiako Sare Elektrikoak jakinarazi berri du ekaineko elektrizitate kontsumoa zein izan zen Espainiako Estatuan: 19.422 gigawat orduko. Hau da, 2004ko datuaren oso antzekoa: orduan 19.384 gigawat izan ziren.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Ganz MaVag-ek adierazi du ez diola uko egiten etorkizunean tren-enpresa erosteko beste eskaintza bat egiteari. Talde hungariarraren ekintzari esker, Talgok eskaintza berriak entzun ditzake.
Igandean hasiko dira polio txertaketa egiteko su-etenak, goizeko 6:00etan hasi eta 15:00ak arte. Osasunaren Mundu Erakundeak (OME) eman du operazioaren berri eta bederatzi egunetan hiru esparrutan emango da: iparraldean, zentroan eta hegoaldean.
30 urteko behargina hil da Amezketako (Gipuzkoa) paper fabrikan. Ibarra Argi Lanak enpresak azpikontratatuta zegoen. Elkarretaratzea egin dute ostiralean, 11:00etan, gertatutakoa salatzeko. 2024an hil den 38. langilea dela adierazi du LABek.
Karibeko bi irletan kolonialismoaren loriarako dauden monumentu, iker eta izendapenak ezbaian jartzen hasi dira herritarrak eta gobernua. Lehen pausua eman dute agintariek eta erabaki dute herrialdearen armarritik Cristobal Colonen lehen espedizioaren hiru karabelak kentzea.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Iruñeak bat egiten du irailaren 16tik 22ra egingo den Mugikortasunaren Europako Astearekin, mugikortasun iraunkorra eta espazio publiko partekatuari buruzko hausnarketa sustatzeko diseinatutako jardueraz betetako programa batekin. "Konbinatu eta mugitu"... [+]
Duela aste batzuk Suitzak lege federal aitzindaria onartu du (Europako legedietan aitzindaria), LMETA delakoa, Loi fédérale sur l’utilisation de moyens électroniques pour l’exécution des tâches des autorités frantsesez,... [+]
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.