‘Tutto Verdi’-ren azken txanpa
Sari banaketa guztien emaitza ez da beti bertaratuen emozioa, edota benetan merezitako sariak direlako sentsazioa. Oraingo honetan, ordea, bai. Verdiren opera guztien entzule gisa izandako esperientziatik zetorren bertaratuen emozioa, Tutto Verdi proiektu apartaren edukia izan direnak. Agian norbaiti erraza iruditzen zaio Tutto Verdi bezalako proiektu bati ekitea, non egile bikain horren obra osoa urteetan zehar eskaintzen den. Baina ez du ezer errazik. Izan ere, opera bat muntatzea oso zaila da. Ikuskizun totala, garestia eta konplexua da, eta horrelako ekoizpen batean modu batera edo bestera esku hartzen duten guztien talentu ikaragarria eskatzen du.
Bada, pentsa dezagun opera bat muntatzea zaila bada, Verdiren produkzio osoa hamasei urtetan zehar programatzea, lehen mailako artistekin, ezinezkoa izan litekeela jende eta entitate askoren laguntzarik gabe. Egia esan, horixe izan zen Tutto Verdi International Awards sarien banaketa: aintzatespen bat proiektu handi hau arrakastaz egin izana lagundu zutenei.
Leo Nuccik, Pier Luigi Pizzik, Daniela Barcellonak, Juan Jesús Rodríguezek, Riccardo Frizzak, Emilio Sagik, Bilboko Opera Abesbatzak eta BBVA Fundazioak jaso zituzten OLBEk sortutako sari hauek. Ekitaldia Arriaga Antzokian izan zen, eta Iñaki Gabilondok eta Udane Goikoetxeak aurkeztu zuten gala-errezitaldi polit hau.
Emandako sari guztiek zentzu handia izan zuten, baina Verdiren interprete handiei emandako sarietan jarri nahi dut arreta, konpositore honen aria batzuen interpretazioa oparitu baitziguten.
Gizonezko ahots onenaren saria Juan Jesús Rodríguez baritonoak jaso zuen. Ernani operako aria bat eskaini zuen, eta Huelvako (Andaluzia) abeslariaren interpretazio intentsitateaz disfrutatzeko aukera izan genuen.
Emakumezko ahots onenaren saria Daniela Barcellona mezzo zoragarriak jaso zuen, urteotan hain une bikainak pasarazi dizkigunak. Abeslari italiarrak Il Trovatore operako pieza bat interpretatu zuen, Alessandro Vitiellok pianoan lagunduta. Beti bezala, primeran.
Gaueko azken saria Leo Nucci baritono handiarentzat izan zen, egindako ibilbide profesionalagatik. Artista karismatiko hau galako unerik hunkigarrienetako baten protagonista izan zen, Rigoletto operaren Cortigiani interpretatuz.
Benetan gala bikaina izan zen, eta bertan parte hartu zuten guztien kalitatea eta gertutasuna nabarmenak izan ziren. Zorionak, guztioi.
Joan den martxoaren 7an Maurice Ravel, garai guztietako euskal konpositorerik onena, jaio zela 150 urte bete ziren. Eta ARGIAn omenaldia egin zitzaion konpositore horri, Bolero ospetsuak imajinario kolektiboan izan duen eragina gogoratuz.
Kasualitatez, Deutsche Grammophonek... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
'Tristan und Isolde' opera
Bilbao Orkestra Sinfonikoa. Zuzendaria: Erik Nielsen.
Bilboko Operaren Abesbatza. Zuzendaria: Boris Dujin.
Eszena zuzendaria: Allex Aguilera.
Bakarlariak: R. Nicholls, G. Hughes Jones, M. Mimika, E. Silins, C. Daza, D. Barcellona, J... [+]
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
