Gurea da lore sorta!
Belaunaldi aldaketa baten ikurra da Tatxers, pandemia osteko eszenaren berritzea ekarri zuten horien taldekoa. Denbora gutxian lortu zuen publikoaren maitasuna, eta, harrigarria bada ere, polemikarik gabe, kontsentsu handi xamarrez. Oi! musikak eta popak bat egiten duen puntu estraño horretan ekilibrista izatea da haien bertutea. Jarrera eta melodiak, nolabait laburtzearren.
Hau da haien lehen lan luzea, eta jauzia eman nahi izana nabaritzen zaie. Norabidez aldatzen dute kantek, akorde segida berriak probatuz eta erritmoak aberasten. Berako Atala estudioan grabatuta, tranpa eta kartoirik gabeko estudio bakarrenetakoa dugu Euskal Herrian. Nabari da. Ez dago alferrikako betelanik, gordina da eta soinu zuzen horrek laguntzen dio kantu zuzenei. Zuzenekoetan zuzendu beharko ez direnak, bidenabar.
Kanta batzuetan jauzia nabariagoa da, alegia, garapena bilatu eta saiatu direla lehendik egindakoa ez errepikatzen. Baina beste talde batzuen kasuan ez bezala, ez die esentziari batere eragiten. Eta, honakoan, kantutzarrez bete dute diskoa. Bakar bat ere ez da soberan, eta denak dute beren zera berezia. Tatxersek bere lekua topatu du, eta zorionekoak gu.
“Etengabeko konparazioan” sentitu dute haien burua Tatxerstarrek, nostalgikoak ez direla aitortu behar izan dute sarri. Britainiako rocka dela, Itoiz eta Balerdi Balerdi direla, nostalgiaren uhinetan kokatzen dituzte. Inori ez zaio arrazoirik falta. Taldeak gogorarazten dituelako lehendik egin diren molde horiek, distortsiorik gabeko gitarrak kasu –disko honetan are garbiagoak direnak–.
Baina bada erroko gaizkiulertu bat. Lehendik egin diren estiloen tradizioan kokatzeak ez zaituela ezeren nostalgiko egiten. Nostalgia pasiboa da, erabat. Mugitzen den inor ez da nostalgikoa. Uhin retroak izan ditzake, denok edaten dugulako nonbaitetik. Sorkuntza ez delako asmatzea, berrasmatzea baizik.
Mao Zedong lagunaren paperezko tigreak oinarri hartuta lortzen dute garaia deskribatzea; denaren eta ez denaren arteko ezlekuan hazitako belaunaldiaren doinuetan, porrota da bide bakarrak indar handiagoa duela dirudienean: “Hau ez al da izango / mundua onera aldatzeko / halako ilusio ero bat/. Paperezko tigreak ote dira / aurrean ditugunak/ haizeari aurre egiteko gai ez direnak”. Porrotari esperantza apur bat, azkenean. Eta badugu garaipenerako lelo berria: “Gurea da lore sorta!”.
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]
Tuka esaten da
Tu-K
Autoekoizpena, 2024
----------------------------------------------
Musika elektronikoa Euskal Herrira iritsi da!” irakur daiteke, azken urteotan, hango eta hemengo titularretan. Kazetariek entrega datak dituzte pentsatzeko ordua iritsi aurretik,... [+]
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Every action has reaction
BLACK BACON
Artza Records / American Leather Records
----------------------------------------------------------
Badira 25 urtetik gora Kataluniako jatorria daukan eta HHH hardcore talde aitzindariaren sortzaile Alex Montiel Euskal Herrira... [+]
Punka. Punka bueltan da, edo hobe esanda, ez da inoiz joan. Lekitxotik (eta ez Lekeitiotik) datoz Zikinekoak, Mendeku Diskak-ekin argitaratu berri duten Bala Galdua Zure Buru Galduan elegantearekin.
“Eixu Zeuk” filosofia. Hori da oinarria eta helburua... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]