Dirua landatzea
Basogintza ereduen arteko talka irudikatzen duten bi albiste ezagutu ditugu aste honetan. Alde batetik, ezezagun batzuek basogintza jasangarriaren alde lan egiten duen Errez kooperatibaren autoari eraso egin diote Aramaion. Bestetik, Hernani eta Arano artean eukalipto-landaketa industrial bat suntsitu dute hainbat ekintzailek, landaketa horiek eragiten duten kalte ekologikoa salatzeko.
Ekintzaileek jopuntuan jarri duten landareak ederto islatzen ditu gaur egun nagusi den basogintza-eredu kapitalistaren logika eta funtzionamendua.
Eukaliptoa XVIII. mendearen amaieran ekarri zen Australiatik Europara, eta gurean 80eko hamarkadan hasi zen garrantzia hartzen; 40 urtetan bere presentzia laukoiztu da. Zuhaitz horiek oso arin hazten dira; 10-15 urtera mozteko aukera dagoenez, epe laburrean mozkin oparoak lortzeko aukera ematen du.
Hazkunde bizkor horren txanponaren beste aldea inguruan eragiten duen kalte ekologikoa da. Izan ere, eukaliptoak lurra pobretzen du, hazkuntzarako nutriente eta ur kantitate handiak xurgatzen baititu. Gainera, inguruko bioaniztasuna murriztu eta suteak hedatzea errazten du. Hori gutxi balitz bezala, eukaliptoak (eta pinuak) mozteko erabiltzen den matarrasa sistemak pobretutako lurzoruaren higadura sustatu eta ibaietan eragin zuzena du.
Nortzuek babesten dute eukaliptoa, eta, orokorrean, baso-eredu kapitalista? Bada, eredu horri esker poltsikoak betetzen dituztenek
Baina, nortzuek babesten dute eukaliptoa, eta, orokorrean, baso-eredu kapitalista? Bada, eredu horri esker poltsikoak betetzen dituztenek, hau da, basogintza sektoreak. Sektore hori ondo antolatuta dago EAEn, eta bere interesak defendatzen dituen presio-talde bat ere badute: BaskEgur.
BaskEgurren barruan egurraren zenbait arlotako enpresari elkarteak daude: lur-jabeak, papertegiak, egur transformatuaren enpresak... eta BaskEgurrek lan politiko, ideologiko eta propagandistikoa egiten du haien interesak defendatzeko.
Euren kanpainetan beti azpimarratzen dute lur-jabe txikiek basogintza sektorean duten garrantzia. Baina apur bat ikertuz gero, erraz aurki daitezke barnean dauden multinazional nagusiak: Iberpapel eta Smurfit Kappa (163,93 eta 1.702 milioi euroko irabaziak izan zituzten 2021ean, hurrenez hurren).
Munduan barrena landaketak dituzten enpresa horiei bost axola die epe ertainean zer kalte eragiten duten, eurentzat dirua biderkatzeko tresnak baino ez baitira: diru-landaketak. Gainontzekook, ordea, landaketa horien guztien ondorioak sufrituko ditugu.
Horregatik, dirua landatzeari utzi eta gure beharrak asetu eta biodibertsitatea zainduko duen baso-eredu baten alde egin beharko genuke.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]