Aspaldian egin gabeko bi gauza egin nituen ostiralean. Taxi bat hartu nuen, eta, ondorioz, irratia entzun. Lehenengo erabakia hartu nuen, Donostiatik Hernanira 20 euro, garraio publiko dirutan merkeagoak eskatzen zidan abentura, euritan, ume batekin, sei ordu autobus batean pasa ondoren, gehiegi zelako. Bigarrena gidariaren erabakia izan zen, irratia entzutearena. Atzeko eserlekuan goxo, erraz etzan zen nire arreta hain ederki modulatutako ahotsen gainean.
Elkarrizketa bat zen, baina biek ziruditen esatariak: biek kontrolatzen zuten ahotsezko sedukzioa, hizkera pausatua, ondo puntuatua: komak, eta puntuak, eta puntu eta komak… “gazteen egoera, hala ere, ez da ona, ziurgabetasuna, ez dakite etxetik noiz joan ahal izango duten…”, baina ba omen daude gauzak, “oso gertuko kontuak, denok egin ditzakegunak”. Horrek ez dauka iraultzaren antzik, pentsatu nuen txantxetan. Ondo jan, ondo lo egin, sozializatu. Ez ahaztu azken hori; jende asko omen dago bakarrik sentitzen dena. Ba ez sentitu, sozializatu, atera lagunekin, edo egin lagunak, edo sozializatzeko behar den hori. Bakardadea baino aspergarriagoa gehienetan, baina beharrezkoa, dirudienez. Pentsatzeak kalte handia egiten du, pentsatzea ez da ona buru osasunerako, eta bakardadeak nahi gabe eraman zaitzake…
Agurtu zuen gonbidatua esatariak, La Brújula zen saioa, Axa aseguru-etxeko pertsona bat bestea. Alegia, iragarki bat zen entzuten ari ginena. Aseguru-etxe batena. A, beste zerbait ere esan zuen adituak, ez dakit zertan adituak: batzuetan ez dagoela beste erremediorik, espezialista batengana jo behar dugula. Noski, ea lan egiteko deituko diguten, eta deprimituta harrapatuko gaituzten (bakardadeak, pentsatzeak, nahi gabe eraman zaitzake…). Edo komeni ez diren espezialistak kontsultatzen, ez dakit, auskalo, Marx, Davis… Ez, gazteok, gertuagoko gauzak: ondo jan, ondo lo egin… izan zoriontsuak. Soziali…
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]
Euskara txikitasunean handia den ur emaria dugu. Bertako tanta bakoitzak gure kultura ureztatzen eta biziberritzen du. Egarri den hari itsaso bete ur eskaini. Euskara putzu sakon eta ilun batetik etorri izan bada ere, guztiok atera dugu gure ur-gazi lagina, eta guztiok bilakatu... [+]
Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?
Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]
Joan den abenduaren 5ean, PPk lege proposamen bat aurkeztu zuen Nafarroako Parlamentuan, Nafarroako toki entitateetako Idazkaritza eta Kontu-hartzailetza lanpostuetan funtzionarizazioa lortzeko prozesuak bereizteko. Hori gertatuko balitz, 30 pertsona inguruk merezitako... [+]
Nazio Batuek abenduaren 10ean Giza Eskubideen Nazioarteko Eguna aldarrikatu zutenetik 51. urteurrena bete da aurten. Data horrek garrantzia hartu du Euskal Herrian eta Euskal Herriko Giza Eskubideen Behatokitik gogoetarako zenbait elementu eskaini nahi ditugu.
Nazioarteko... [+]