Kanpora joatearen desioa apirileko gorputz askoren nahi indartsu eta konpartitua izan da. Kanpoaldera joan deskantsu bila, gordeta ditugun egonaldien plazerezko memoriak berreskuratzeko, eguneroko erritmo eta toki espazialetik urrutiratzeko, testuinguru aldaketa batek nekean lagunduko duela sinistuta. Ohe desberdin batean esnatu eta beste kafe eta croissantak probatzearen hedonismoan murgiltzeko. Denbora mugatu batez, salbuespen egoeran egoteko leku batek jasotzeko nahiak bultzatuta. Egunerokoaren azkartasunak esaten digu, merezi dugula horrelakorik, ez dela penitentziarako garaia, adiskidetzekoa baizik. Zeozerk zentzurik badu garai honetan, deskantsuari leku egitea da, egunerokoan jarraitzea posible egingo duen bitartekaria. Kanpora iristeko jokaldiak badu ihesaldi baten zantzurik eta oso plurala da gainera, hirietan bizi diren hegaztien soinuek kantatu duten moduan.
Kanpora joatea mugimendu boteretsu bat da, ohitura edo joera baten errepikapenarekin zerikusirik ez duena. Behar fisiko batetik eratorritako mugimendu bat lurraldean eragina duena, gorputz ahultasuna eta agortzea deskubritzen duena, sentsibilitate ekologistarik balego berau lausotzeko gai dena, kanpoalderako joan-etorrian mugikortasun eredu jasangarritik aldenduko gaituena, edota kritikatu ohi dugun turismoaren notizia onen parte bilakatuko gaituena.
Kanpora goaz, barnean ez gelditzeko. Eta kanpoaldea, askotan, landa-eremua izaten da, hiri eta herrien ingurune eraiki eta antropizatutik aldentzea, natura hitz iheskorrak jaso gaitzan. Bertan bilatuko dugu barnean faltan bota edo ez dugun hori, nostalgian eta erromantikotasunean erortzeko arriskuan. Kanpoalde horretan errealitate desberdin asko daude, batzuk ez hain ederrak, baina gure begiradak lurraldea sailkatzen du deskantsurako egokia dena eta ez denaren artean mapatik desagerrarazi arte. Gorputzak baietz dioen arren, lurraldeak dio ez dagoela kanpoalderik.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]
Zalantza asko izan ditut, meloia ireki ala ez. Ausartuko naiz, zer demontre! Aspaldian buruan dudan gogoeta jarri nahi dut mahai gainean: ez da justua erditu den emakumearen eta beste gurasoaren baimen-iraupena bera izatea. Hobeto esanda, baimen-denbora bera izanda ere, ez... [+]
Mundu mailako erasoaldi inperialista betean gaude, mendebaldeko burgesiak gidatuta. Ofentsiba inperialistak hartu duen forma gerrarena da, aldaera guztiekin: gerra ekonomikoa, gerra kognitibo eta kulturala, lawfarea; eta, noski, gerra militarra. Mendebaldeko inperialismoak... [+]
Beste detektibe triste baten telesail bat ikusi berri dut. Eskoziako irla urrun batean gertatzen dira trama guztiak. Badakizue nola funtzionatzen duten fikzio horiek: hildako asko, jende arrunta baina ez hainbeste, eta paisaia berde iluna. Oraingo honetan duela urte pila bat... [+]
Azken urteotan, industria politikaren kontzeptua hainbat mailatan indarrez berragertu da. Neoliberalismoaren mailua izandako erakundeak, Nazioarteko Diru Funtsak, gaur egun zera azpimarratzen du: merkatuek baliabideak modu eraginkorrean esleitzeko eta arazo horiek konpontzeko... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Bizitzak dena inguratzen du, mugatua eta hauskorra da. Bizitza onak bizitzeko, gorputzak zer egin badakiela iruditzen zait, buruak ordea, nahiz eta jakin (ondo informatuta dagoenean), askotan gorputza nahita isiltzen duela ikusten dut. Isiltze horretan burua beste buru... [+]