Izarrek liluraturik
Bitxi bat da esku artean dugun album hau. Berezia da Ikas argitaletxeak eskaintzen digulako, ohi bezala, oso prezio onean; are bereziago Eneko Bidegainen eta Anne Baskaranen lehen lana delako haurrentzat (horrela dela uste dut nik behintzat), eta bitxia eta berezia kontatzen digun istorioagatik eta kontatzeko moduagatik.
“Xuban zerura begira egoten zen, orenak eta orenak”. Horrela abiatzen da izarrak gai nagusi dituen istorioa. “Izarrek liluraturik, ameslari” egon ohi zen Xuban eta horrela bururatu zitzaion sosak irabazteko modua: izarrak harrapatzea eta saltzea.
Ideia horretatik abiatuta, gizakion jokabidearekin, dirua eta desioaren nahiak bultzatuta gure ingurua nola honda dezakegun ageri zaigu liburu eder honetan. Izan ere, Xubanek izar guztiak salduko ditu, eta horrek hainbat eta hainbat arazo sortarazi dizkie izar gehiago nahi dituztenei edo izarrak dituztenei. Baina baita izarrei beraiei ere; izan ere, elkarren argitasunari esker egiten dute argi baina, banaka, sakabanaturik, hiltzen eta itzaltzen joango dira.
Anne Baskaran ezaguna da zenbait kolaborazio egin dituelako aldizkari edo egunkarietan (Berriako Mantangorri gehigarrian ari da aspaldi honetan) eta bere kolore pastelekin, pertsonen aurpegien detaileekin, paisaia zabalekin… gozotasuna eta errealismoa islatzen ditu, biak batera.
Izar saltzailea liburuak naturaren defentsaz dihardu, planetan ari garenaz gogoeta egiteko moduko lana dugu, baina hori guztia kontakizun atsegin eta gozo baten bitartez azaltzen zaigu; idazkera eta ilustrazio landuaz, erakargarri eta, era berean, kezkaturik uzten gaituen obra da.
Izarrak zeruan egotetik desagertzeko zorian egotera pasatzen dira; gure inguruarekin gertatzen ari den bezala, gure zelaiak, basoak, itsas bazterrak eta mendiak zaindu eta goza ditzakegu; edo une bateko zoriontasuna erdietsiz hondatu betiko. Bidegainek eta Baskaranek, baina, amaiera itxaropentsua eskaintzen digute, gizakion borroka eta elkarlanari esker zeruaz, gure planetaz, gozatzeko aukera eskainita.
Album eder hau, beraz, ez da dirudien bezain sinplea, eta bada dirudien bezain eder eta irakurgarri/kontagarria.
Rosvita. Teatro-lanak
Enara San Juan Manso
UEU / EHU, 2024
Enara San Juanek UEUrekin latinetik euskarara ekarri ditu X. mendeko moja alemana zen Rosvitaren teatro-lanak. Gandersheimeko abadian bizi zen idazlea zen... [+]
Idazketa labana bat da
Annie Ernaux
Itzulpena: Leire Lakasta
Katakrak, 2024
Segundo erabakigarriak
Manu López Gaseni
Elkar, 2024
--------------------------------------------------
Nobela labur hau irakurtzen hasi eta harrapatuta sentitzen zara, eta horretan badu zerikusia idazleak ezarritako erritmo bizi eta azkarrak. Lehen hamar... [+]
Dragoiak eguzkia IRENTSI zuenekoa
Aksinja Kermauner
Alberdania, 2024
-------------------------------------------------------
Hamarnaka liburu idatzi ditu Aksinja Kermauner idazle esloveniarrak. Euskaraz plazaratutako lehenengoa dugu hau, Patxi Zubizarretak itzulia eta... [+]
Puntobobo
Itxaso Martin Zapirain
Erein, 2024
----------------------------------------------------
Izenburuak eta azaleko irudiak (Puntobobo, artile-mataza eta trapuzko panpina) osasun mentala, puntua egitea eta haurtzaroa iradokiko dizkigute, baina adabaki gehiago... [+]
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]