Ez aitua egin!
Makina bat bileratan izan dut eta, seguru asko, zuek ere bai, egun zelebrea dugulako irudipena. Guk esandakoa inork ez du aintzat hartzen, eta esan dugun hori bera beste batek –guk baino pisu handiagoko arrazoiak bota ohi dituenak– gure hitz berberak erabiliz esan, eta nola arrainak amuari halaxe heltzen dio mundu guztiak. Autoestimua hankapera doakigu eta gehienok, tristeziaren menpe, burumakur amaitzen dugu eguna edo jarduna edo dena delakoa. Zergatik du hark halako itzala eta nik hain eskasa? Komunikazio gaitasun dohatsuagoa daukalako ala, liderra izanik, berak dioenari aurka egitea ez delako ongi ikusten?
Gazteago ginenean, etxean honela esaten zitzaigun: “Besteen moduan ibili zu ere edo ez ibili besterik ez bezala!”. Desberdinari beldur diogu, baina denok amen-amen egiteari izua izan behar genioke. Arrazoiak bota eta behin eta berriz berriak sortzen ari den hari, gaztetatik ekin eta entrenatzen, egurrean dabilenari, ez aitua egitea ez zaio komeni gure gizarteari. Bai, badakigu ez dela batere erosoa taldean, koadrilan, gelan… baina zentzuz ari dena bada, aitu soilik ez, entzun ere egitea komeni zaigu.
Arrazoiak bota eta behin eta berriz berriak sortzen ari den hari ez aitua egitea ez zaio komeni gure gizarteari
Uste dut, ordea, gizarteak ez daramala bide egokia aitu eta entzun kontuetan. Interesak ditu gure bizitzen hariak mugitzen ari denak eta teknologia eskura merke edo doan jarri digunak. Oporretan ere gurasoak segapotoari beha, eta seme-alabarik badute inguruan, baita haiek ere. Gero zentzuzkoak izatea nahi dugu, arrazoia lantzen dutenak, baina ontzi hutsak izateko entrenatzen ditugu, zenbat eta hutsago ontzia, orduan eta ozenago adierazten du ezereza. Ontzi hutsa maldan behera bueltaka botatzen dugunean bezala, zarata galanta, besterik ezer ez!
Nire ustez, ondorio latzak ekarriko dizkigu honek, luze gabe, gainera. Maiatzean hauteskundeak eta udalak zain baina zerrendan zein? Auzolana nork egingo du, Eusko Jaurlaritzak, "Euskadi auzolana" medioetan errepikatuz? Zenbat lanpostu sortuko dira pertsonentzat eta zenbat robotentzat? Zenbat pertsona robotizatuko ditugu? Makinak eta robotak lanean jartzea ondo iruditzen zait, baina zertan eta nork erabiliko ditu etekinak? Gazteak izango al du bizipozik, tratu duinik, nork entzunik, ala ez aitua egiten segi behar dugu? Eta indarra duenean boterea eskuratzen badu deskuiduan, Turkiako lurrikararen antzekoa mundu osoak jasango al du? Zenbat Kroazia eta Errusia izango dira etorkizunean...
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Mendebaldeko herrialdeetako demokrazia liberalak demokrazia minimalista baten itxura gero eta handiagoa du. Definizioaren muina litzateke hauteskunde bidezko gobernu aldaketak errespetatzen direla. Horren aldaera autoritarioari Levitsky eta Way politologoek autoritarismo... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Euskadi irratian baineraren ordez dutxa jartzeko iragarkiak etxeko komunean obrak ya hastera animatzen duen kuña hori. Obra erraza, inbestitze txikia eta aldaketa handia iragartzen da. Komunetako sanitarioen joerak aldatu dira eta ahoz aho zabaldu da zeinen eroso eta... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]