Otsailaren 19an 50 urte beteko lituzke Justin Fashanu (argazkian eskuinekoa) Erresuma Batuko futbolari profesionalak. Hain zuzen, egun hori da Kiroleko LGTBIfobiaren Aurkako Nazioarteko Eguna. Fashanuk 37 urterekin bere buruaz beste egin zuen, eta haren omenez izendatu zuten eguna.
Fashanu lehen gizonezko futbolari profesionala izan zen publikoki esan zuena homosexuala zela, eta harrezkero presioak eta eraso LGTBIfoboak jasan zituela salatu zuen. Honela irakurri zitekeen 1990eko urriaren 22an The Sun egunkarian: “Milioi bat librako futbolari izarra: GAY-A NAIZ”. Nottingham Foresten zebilen garai hartan, eta entrenatzaileak ez zuen begi onez ikusi iragarpena. Ika-mikak izan zituzten, eta haren taldekide batzuek ere aurkako mezuak zabaldu zituzten, esanez homosexualek ez zutela tokirik talde kiroletan.
1998an Fashanuri leporatu zioten 17 urteko mutil bati sexu erasoa egin izana. Fashanuk ohar bat utzi zuen: “Konturatu naiz jada errudun gisa zigortu nautela. Ez dut gehiago izan nahi familia eta lagunentzat lotsaizuna”. Bere buruaz beste egin zuen, eta hilabete batzuetara jakin zen kasua itxita zegoela, ez zegoelako frogarik.
Hamarkada bat igaro zen Olivier Rouyer jokalari frantsesak publikoki iragarri zuen arte gaya dela, 2008an. Ordurako amaituta zuen futbol ibilbidea. Futbolaren historiako jokalari guztien artean, soilik hamasei gizonek adierazi dute publikoki gayak direla. Futbolari profesionalak izan diren ehunka mila gizonezkotik, hamaseik. Esan gabe doa zifra hori askoz handiagoa izango dela ziurrenik, baina askok erabaki dutela ezkutuan mantentzea, edota lau haizetara ez zabaltzea. Erabaki guztiz zilegia, noski, baina galdera asko sortzen dituena.
Jakub Jankto txekiarrak oraintsu zabaldu du bideo bat sare sozialetan, esanez homosexuala dela, eta gainerakoak animatu ditu beldurrik gabe euren buruak ezkututik ateratzera. Argi ikusi da 2022ko Qatarreko Munduko Kopan LGTBIfobia zein orokortua dagoen futbolean. Qatarretik helarazi zen mezua izan zen “denak ongietorriak” zirela, betiere jendaurrean afekturik erakusten ez bazuten. Ezkutuan aritzen baziren, alegia. Qatarren ez da legezkoa LGTBI kolektibokoa izatea, munduko hiru herrialdetik batean bezala. Eta FIFAk, horren aurrean, ez du LGTBIfobiaren aurkako ezer egin, praktikan behintzat. Munduko Kopan erabaki zuten “segurtasunagatik” LGTBI banderak debekatuko zituztela estadioan, LGTBIfoboen erasoetatik “babesteko”. Babesteko, ezkutatu, berriro ere.
Asteotan notizia izan da Jakub Jankto gay dela. Baina notizia izan beharko luke horrelakoak oraindik albiste izate hutsak. Urrun gaude hortik: oraindik hamasei besterik ez dira ezkututik atera direnak. Eta gure herrietako taldeetan? Zenbat gizonezko ez profesionalek adierazi dute homosexualak direla? Agian futboleko gizontasun eredutik hasi beharko genuke auzia lantzen.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Joten erritmora harro erakusten du luma Itxi Guerra aktibista antikapazitistak (Madril, 1998). Gorputz desgaituek bizi dituzten biolentziak balioztatzeko eta sistemari aurre egiteko saretzearen garrantziaz mintzatu da. Gorputzaren bizigarritasuna aldarrikatu du:... [+]
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Maiatzaren 5ean mobilizatzeko deia luzatu dute 800 eragilek Politis komunikabidean plazaraturiko iritzi artikulu baten bitartez. Tartean daude besteak beste, Annie Ernaux idazlea, Hiesaren aurka dabilen Act Up elkartea, Planning Familial talde feminista ezaguna,... [+]
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]