Esentziara joateko lokaztu
Hara non, azken urteotan punkak jarraitzen duen Euskal Herrian sorpresak ematen. Horietako bat izenak agerian uzten ez duen lekeitiar hauena, esaterako. Sorpresaz aurkitu nuen disko hau duela oso gutxi, eta berriro ere berretsi dut iraganekoak eta mugiezinak diruditen klitxeez at gazteak dabiltzala berrasmatzen, eta urteen poderioz eszenan pilatzen joan diren lasto eta poseak baztertzen.
Lekeitiokoa da laukotea –hango DNA daukan añorgatar bat barne– eta pandemiaren bezperatan sortu zuten taldea. Horien artean badira hasiberriak, baita Orreaga 778, The Bobby´s, Arkako zein beste talde batzuetan ibilitakoak ere.
Lan berri eta interesgarriak kaleratzen dabilen Mendeku Diskak-ekin atera dute Bilboko Eten estudioan grabatutako lehen disko hau, eta kantuak modu originalean banatu dituzte: lanari izena ematen dion Zementua armosaten deiadar antidesarrollista A aldean, eta gainontzeko kantuak bestaldean.
Zementua armosaten-ek mezu indartsua dauka, Mad Max bezain apokaliptikoa baina iraultzaileagoa, eta gitarra bizi eta irudimentsuekin jantzitako punk ilun eta azkarra da, irmoa. Beste aldeak, baina, mami handiagoa dauka niretzat: Kakatzan atrapata-k indartsuago egiten du haginka, eta amorrazio horretan liluratu naute bereziki East Bay Ray-en eskolako gitarrek. Jarraian datorren Bixirik-en ere abiapuntua Dead Kennedys-en tamainakoa da, baina melodiak kiribildu eta kantua pisua hartuz doa beste maila batean. Jodidu da La Perrera-ren sasikumea: azkarra, lotsagabea eta nerbio handiko punk-rocka. Egun zikinak-ek, amorrazio handiko post-punkak, badu aire bat esaterako La URSSekin. Bukatzeko, Ahuhandi-k gogora ekarri dizkit Euskal Herrian hardcore-punkaren hastapenak zabaldu zituzten hainbat talde.
Motza egin zait diskoa. Finean, gaztetasuna, sofistikaziorik gabeko pieza amorratu eta ilunak, eta bigarren irakurketarik behar ez duten eta lekeitiarrez idatzitako egia borobilak; akabo nostalgia, zapaldu kalea eta zaren modukoa agertu. A zer aurkikuntza, apala, eta horregatik, oso aberatsa!
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Lekeitioko Udalak jakinarazi du bandako zuzendariak tratu txarrak eman izana jaso dutela, hainbat testigantzaren bidez. Udalak azaldu du, Eusko Jaurlaritzaren aholkuak jarraituta, hainbat pauso eman dituztela, besteak beste, zuzendariarekin hitz egin, eta testigantzak jaso... [+]
Zibilentzat antolatutako txangoak igande honetatik aurrera egin ahal izango dira, printzipioz astebetez, eta egunero bi ateraldi antolatu dira. Sarrerak berehala agortu dira.
Orain arte uste izan dugu Erdi Aroan eta inprenta zabaldu baino lehen liburuak kopiatzeaz arduratu zirenak gizonezkoak zirela, zehazki, monasterioetako monjeak.
Baina Bergengo (Norvegia) unibertsitateko ikerlari talde batek ondorioztatu du emakumeak ere kopista... [+]
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Aposapo + Mäte + Daño Dolor
Noiz: apirilaren 5ean.
Non: Markina-Xemeingo Akerbeltz Gaztetxean.
---------------------------------------------------------
Erosketetarako orgatxoa barazkiz beteta egin dut gaztetxerako bidea, eta haiek mozten eman dugu iluntzea... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Eritasunaren kontrako protokoloa salatzeko eta prefeturarekin hitzordu bat lortzeko asmoz, bideratu dute okupazioa ehun bat laborarik. Tuberkulosia kasu batzuk agerturik Zuberoan, eritasunaren kontrako neurri sanitarioak segitu beharrean dira inguru horietako 280 etxalde... [+]
Eneko Mendiluze Plaza psikologoak gaueko beldurren inguruko zenbait gako eman ditu. Nabarmendu du guraso bakoitzak ikusi behar duela zer datorkion hobeto umeari.